2 तिमिथियुस 2:8 - मंडयाली नंऊँआं नियम

⁸ हमेसा याद रखा कि यीसू मसीह कुणहां, से राजा दाऊदा रा बंस आ। परमेसरे से मरिरे मन्झा ले जिउंदा कितेया, होर हांऊँ एसी खुसी री खबरा रा प्रचार करहा।

2 तिमिथियुस 2:8 Iomraidhean Croise

मत्ती 1:1

यीसू मसीह राजा दाऊदा रे होर अब्राहमा रे बंस रा था। यीसू मसीह रे बापदादेया रे नांऊँआं री सूची येई।

लूका 24:46

होर तिन्हा किन्हें बोल्या, “पवित्र सास्त्रा मन्झ एह्ड़ा लिखिरा कि, मसीहा दुःख सहन करणा, होर त्रीजे ध्याड़े मरिरे मन्झा ले जिउंदे हुई जाणा।

चुणिरे चेले रे काम 13:23

एस दाऊदा रे बंसा मन्झा ले परमेसरे आपणे वादा रे मताबक इस्राएल देसा रे उद्धारा रे कठे यीसू मसीह जो भेज्या।

चुणिरे चेले रे काम 2:24

पर तेस जो परमेसरे मौता रे बंधना ले छुड़ाई किन्हें जिन्दा कितेया: क्यूंकि ये नामुमकिन था कि मौता तेस जो आपणे बसा मन्झ रखे।

चुणिरे चेले रे काम 2:30

पर दाउद नबी था होर जाणहां था कि परमेसरे कसम खाई किन्हें तेस किन्हें वादा कितेया कि, “मां तेरे बंसा मन्झा ले एक आदमी तेरी राजगद्दी पर बठयाल्णा।”

रोमियो 16:25

ऐबे आस्से परमेसरा री बढ़ाई करहे, जो तुस्सा जो मेरे सुणाई री खुसी री खबरा रे ज्रीए यानि यीसू मसीह रे बारे मन्झ कितिरे प्रचार रे मताबक, तुस्सा जो विस्वासा मन्झ मजबूत करी सक्हा। यीसू मसीह रे एस प्रचारे तुस्सा अन्यजाति लोका रे कठे परमेसरा री योजना जो जाहिर करी दितिरा, से योजना जो सुर्हू ले ही भेदा मन्झ ल्कोई रखिरी थी।

रोमियो 2:16

एह्ड़ा तेबे हूंणा जेस ध्याड़े परमेसरा मेरे ज्रीए प्रचार कितिरे खुसी री खबरा रे मताबक यीसू मसीहा रे ज्रीए माह्णुंआं री लुख्ही री गल्ला रा न्याय करणा।

1 कुरिन्थियो 15:1

हे भाईयो होर बैहणो, हांऊँ तुस्सा जो सेई खुसी री खबर याद कुराहां, जो हांऊँ तुस्सा जो पैहले सुणाई बैठीरा, जेता पर तुस्से पैहले विस्वास भी कितिरा था, होर जेस पर तुस्सा रा विस्वास मजबूत बणीरा।

1 कुरिन्थियो 15:4

होर दफनाया गया; होर पवित्र सास्त्रा रे मताबक से त्रीजे ध्याड़े मरिरे मन्झ ले जिउंदा हुई गया।

2 थिस्सलुनकियो 2:14

परमेसरे तेस खुसी री खबरा रे ज्रीए जो आस्से तुस्सा जो सुणाई री थी, तुस्से सादिरे कि तुस्सा रा उद्धार करी सके; ताकि तुस्से आस्सा रे प्रभु यीसू मसीह री महिमा मन्झ साझी हुई सको।

1 तिमिथियुस 1:11

ये सच्चा उपदेस आस्सा रे परमप्रधान परमेसरा री महिमा री खुसी री खबरा रे मताबक ई, जिन्हें मुंजो एता री प्रचार करणे री जिम्मेदारी दितिरी।

1 तिमिथियुस 2:7

एस वजहा ले परमेसरे मुंजो खुसी री खबरा रा प्रचारक होर चुणिरा चेला नियुक्त कितिरा। तिन्हें हांऊँ चुणिरा कि हांऊँ अन्यजाति लोका जो विस्वास होर सच्चाई रे बारे मन्झ सखाई सकूं। हांऊँ सच्च बोल्हा, झूठ नी बोलदा।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

2 तिमिथियुस 2:7

इन्हा उदाहरणा रे बारे मन्झ सोचा कि स्यों क्या स्खायें, होर प्रभुआ तुस्सा री मदद करणी कि तुस्से इन्हा गल्ला जो समझी सके।

प्रकासना री गल्ला 5:5

तेबे तिन्हा अगुवे मन्झा ले एकी जणे मेरे किन्हें बोल्या, “मत रो, जेस जो यहूदा रे गोत्रा रा सेर बोली जाहाँ, होए जो राजा दाऊदा रा बंस आ, से सैताना ले जीती गईरा। इधी कठे से तिन्हा सात मोहरा जो तोड़ी किन्हें तेस्सा कताबा जो खोलणे रे लायक आ।”