2 तिमिथियुस 2:7 - मंडयाली नंऊँआं नियम

⁷ इन्हा उदाहरणा रे बारे मन्झ सोचा कि स्यों क्या स्खायें, होर प्रभुआ तुस्सा री मदद करणी कि तुस्से इन्हा गल्ला जो समझी सके।

2 तिमिथियुस 2:7 Iomraidhean Croise

लूका 21:15

क्यूंकि मां तुस्सा जो एह्ड़ी बोली होर बुद्धि देणी कि, तुस्सा रे सारे व्रोधिया तुस्सा रे खिलाफ बोलणे होर तुस्सा जो झूठे साबित करणे रे लायक नी रैंह्णां।

लूका 24:45

तेबे यीसूए पवित्र सास्त्रा जो समझणे रे कठे तिन्हारी समझ खोल्ही दिती।

लूका 9:44

ता तिन्हें आपणे चेले किन्हें बोल्या, “तुस्से मेरी गल्ला बड़े ध्याना किन्हें सुणां, हांऊँ माह्णुं रा मह्ठा, मेरे दुसमणा मुंजो पकड़णे वाल़े।”

यहून्ना 14:26

पर मेरे बापू मेरे हका ले पवित्र आत्मा भेजणी, जो तुस्सा री मददगारा ई। तेस तुस्सा जो सभ गल्ला दसणी, होर जो कुछ मैं तुस्सा किन्हें बोलिरा तेस तुस्सा जो याद कराणा।”

यहून्ना 16:13

पर तेस पवित्र आत्मा जो आस्सा जो सच्चाई पर लेई जांहीं जेबे आऊंणा, ता तेस तुस्सा जो परमेसरा री सारी सच्चाईया दसणी। क्यूंकि से आपणे आपा ले कुछ नी बोलदा, पर जो गल्ला से परमेसरा ले सुणना, तेस तेह्ड़ा ई बोलणा, होर इधी कठे हूंणे वाली गल्ला तुस्सा जो दसणी।

चुणिरे चेले रे काम 7:10

होर परमेसरे युसुफे तेसरे सभ कलेसा ले बचाई किन्हें मिस्र देसा रे राजा (फिरौना) री नजरा मन्झ अनुग्रह होर बुद्धि दिती, होर तिन्हें युसुफा जो मिस्र देसा पर होर आपणे सारे घरा पर हाकम बणाया।

1 कुरिन्थियो 12:8

क्यूंकि पवित्र आत्मा केसी एक माह्णुं जो बुद्धि री गल्ला बोलणे रा बरदान देईं; होर से ही आत्मा केसी दूजे माह्णुं जो ज्ञाना री गल्ला बोलणे रा बरदान देईं।

फिलिप्पियो 4:8

इधी कठे हे भाईयो होर बैहणो, जो-जो गल्ला सच्ची ई, जो-जो गल्ला आदरा रे लायक, होर जो-जो गल्ला ठीक ई, होर जो-जो गल्ला पवित्र ई, होर जो-जो गल्ला बांकी ई, होर जो-जो गल्ला तारीफ रे लायक ई, इधी कठे, जो-जो गल्ला सभी ले उतम होर बढ़ाई रे लायक ई, तिन्हा गल्ला पर तुस्सा रा मन लगेया रहे।

कुलुस्सियो 1:9

इधी कठे जेस ध्याड़े ले आस्से तुस्सा रे बारे मन्झ सुणिरा आ, आस्से हमेसा तुस्सा रे कठे प्रार्थना होर विनती किती। आस्से प्रार्थना करहे कि परमेसरा री आत्मा तुस्सा जो ज्ञान होर समझा दे कि तुस्से तेसरी इच्छा जो पूरी तरहा समझी जाओ।

1 तिमिथियुस 4:15

इन्हा गल्ला जो बड़े ध्याना किन्हें करदा रह, होर आपणे आपा जो पूरी तरहा इन्हा गल्ला पर लगाई रख, ताकि हर कोई ये देखी सके कि तुस्से आपणे विस्वासा मन्झ बढ़ी करहा ऐ थे।

2 तिमिथियुस 2:6

होर तिहां ही जो किसान मैहनत करहा, तेस्जो ही सभी ले पैहले फसला रा हिस्सा मिलणा चहिए।

2 तिमिथियुस 2:8

हमेसा याद रखा कि यीसू मसीह कुणहां, से राजा दाऊदा रा बंस आ। परमेसरे से मरिरे मन्झा ले जिउंदा कितेया, होर हांऊँ एसी खुसी री खबरा रा प्रचार करहा।

इब्रानियो 12:3

इधी कठे यीसू रे उदाहरणा पर ध्यान देआ कि, जिन्हें पापिया री वजहा ले जो लोक तेस किन्हें बौह्त नफरत करहे थे कितना कुछ सहन कितेया, ताकि तुस्से दुआस हुई किन्हें हिम्मत नी हारी दो।

इब्रानियो 13:7

जो तुस्सा रे कलीसिया रे अगुवे थे, होर जिन्हा जो तुस्से परमेसरा रा बचन सुणाया, तिन्हा जो तुस्से याद रखा। होर तिन्हा पर ध्याना देआ कि स्यों केह्ड़ी जिन्दगी जीये थे होर किहाँ मरी गये। होर जिहां स्यों परमेसरा पर विस्वास करहे थे तिहां ही तुस्से भी करहा।

इब्रानियो 3:1

इधी कठे हे विस्वासी भाई बैहणो, तुस्से परमेसरा रे, क्यूंकि तिन्हें तुस्से स्वर्गा री जिन्दगी मन्झ साझी हूंणे रे कठे सादिरे। तेस मसीह यीसू पर ध्यान देआ जेस जो आस्से मन्ना ऐं होर जेस जो परमेसरा री खुसी री खबरा रे कठे परमेसरा रा दूत होर बडा याजक रे रूपा मन्झ भेजीरा।

इब्रानियो 7:4

ऐबे एस गल्ला पर ध्यान देआ कि मलिकिसिदक केह्ड़ा महान था, जेस जो बापदादे अब्राहमे आपणी दुस्मणा ले लुटिरी चीजा रा दसुंआ हिस्सा दितिरा था।

याकूब 1:5

पर अगर तुस्सा मन्झा ले केसी जो बुद्धि री कमी हो, ता परमेसरा ले मांगी ले, जो बगैर सुआल कितिरे सभी जो उदारता ले देहां; होर परमेसरा तुस्सा जो देणा।

याकूब 3:15

ये ज्ञान से ज्ञान नी आ, जो परमेसरा देआ बल्की ये संसारिक होर सारीरिक आ, होर सैतान एस जो देआ।

याकूब 3:17

पर जो ज्ञान परमेसर देआ से पैहले ता पवित्र हुंहाँ, फेरी सांति फैलाणे वाल़ा, कोमल होर विचारसील होर दया होर भले कामा किन्हें भरीरा होर तेस मन्झ पाखंडा होर कपट नी हुंदा।

1 यहून्ना 5:20

होर ये भी जाणहां ऐं कि, परमेसरा रा मह्ठा प्रभु यीसू मसीह आईरा होर तिन्हें आस्सा जो समझ दितिरी कि, आस्से तेस सच्चे परमेसरा जो जाणें, होर आस्से तेसरे मह्ठे यीसू मसीह मन्झ जो सच्च आ, वास करहा ऐं। सच्चा परमेसर होर अनंत जिन्दगी सेई आ।