2 तिमिथियुस 2:5 - मंडयाली नंऊँआं नियम

⁵ होर एस तरहा जेबे अखाड़े मन्झ लड़ने वाल़ा पैहल्वान अगर बिधिया रे मताबक नी लड़े ता से इनाम नी पांदा।

2 तिमिथियुस 2:5 Iomraidhean Croise

लूका 13:24

“संगड़े दुराजे ले अंदर जाणे री कोसिस करा, क्यूंकि हांऊँ तुस्सा किन्हें बोल्हा कि, बौह्त एह्ड़े हूंणे जिन्हां जे अंदर जाणा चाहणा, पर नी जाई पाणा।

फिलिप्पियो 1:15

ये सच्च आ की कुछ लोक मसीह रा प्रचार इधी कठे करहा ऐं क्यूंकि स्यों आस्सा ले हीर्ख रखे होर लड़ाई करहे, पर कुछ लोक खरी इरादे ले मसीहा रा प्रचार करहा ऐं।

कुलुस्सियो 1:29

एस कामा जो पुरे करणे रे कठे हांऊँ मेहनत होर संघर्स करहा। होर एह्ड़ा हांऊँ, मसीह रे एस बडी सामर्था री वजहा ले करहा, जो तिन्हें मुंजो दितिरी होर मेरे मन्झ काम करहा ई।

इब्रानियो 12:4

तुस्से पापा रे बरखलाप लड़दे हुए तेस किन्हें एह्ड़ी मुठभेड़ नी किती कि, तुस्सा री मौत हुई गई हो।

इब्रानियो 2:7

तैं तेस जो स्वर्गदूता रे मुकाबले थोड़ा ही कम दर्जा दितेया; तैं तेजो राजे साहीं महिमा होर आदर दितेया, होर तेस जो आपणे हाथा रे कामा पर हक दितेया।

इब्रानियो 2:9

पर आस्से यीसू जो देखाएं, जेस जो थोड़े टैमा रे कठे स्वर्गदूता थोड़ा ही कम दर्जा दितिरा था, ताकि परमेसरा रे अनुग्रहा ले से हर एक माह्णुं रे कठे मारी दितेया जाये। क्यूंकि तेस जो दुःख सहन करी किन्हें मरणे री वजहा ले यीसू जो महिमा होर आदरा दितेया।

याकूब 1:12

धन्य आ से आदमी, जो परखणी मन्झ मजबूत रैंहयां; क्यूंकि तेस तेस्सा परखणी जो पार करी किन्हें अनंत जिन्दगी रा से मुकट पाणा, जेसरा देणे रा वादा परमेसरे तिन्हा कठे कितिरा, जेह्ड़े परमेसरा किन्हें प्यार करहे।

1 पतरस 5:4

होर जेबे प्रधान रखवाला यानि यीसू मसीह दबारा वापस आऊंणा, ता तुस्सा जो एक बांका ताज देणा, जेसरी तेज महिमा कधी भी खत्म नी हूणीं।

प्रकासना री गल्ला 2:10

जो दुःख तुध सैहणे, तिन्हा ले मत डर। सैताना तुस्सा मन्झा ले लोका जो पकड़ाई किन्हें जेल्हा मन्झ पाणे, ताकि तुस्से परखे जाओ; होर तुस्सा जो दस ध्याड़े तक क्लेस उठाणा पऊणा। प्राण देणे तक मेरे पर विस्वास करदा रैह, तेबे मां तुजो जीता रे इनाम मन्झ अनंत जिन्दगी देणी, जो ताजा साहीं ई।

प्रकासना री गल्ला 3:11

हाऊँ जल्दी तुस्सा वाले वापस आऊणें वाल़ा। मेरे पर तुस्सा रा जो विस्वास आ, तेता जो मजबूत बणाई किन्हें रखा, ताकि कोई भी तुस्सा रे जीता रे इनामा जो छिनी नी ले, जो ताजा साहीं आ।

प्रकासना री गल्ला 4:4

होर तेस्सा राजगद्दी रे चारो वखा जो दूजी चौबी राजगद्दिया थी; होर इन्हा राजगद्दिया पर चौबी अगुवे चिटे कपड़े पैन्ही किन्हें बैठिरे थे। होर तिन्हारे मूंडा पर सोने रा ताज था।