2 तिमिथियुस 2:3 - मंडयाली नंऊँआं नियम

³ तू एक मसीह यीसू रा खरा स्पाही आ, इधी कठे जिहां दूजे लोक दुःख सहन करही करहे, तिहां तू भी तिन्हा दुःखा जो सहन कर।

2 तिमिथियुस 2:3 Iomraidhean Croise

चुणिरे चेले रे काम 23:31

तेस राती स्पाहिये पलटना रे मुखिये हुक्मा जो पूरा कितेया होर स्यों रातो रात ई पौलुसा जो अन्तपतरिसा सैहरा मन्झ लई आये।

1 कुरिन्थियो 13:7

स्यों लोक हमेसा सभ गल्ला जो सही लैहें, स्यों परमेसरा पर विस्वास करणा कधी नी छाडदे, स्यों हमेसा आस रखायें, जेबे तिन्हो परेसानिया होर कष्ट हुयें तेबे भी सबर रखे।

1 कुरिन्थियो 9:7

कोई भी आदमी आपणे खर्चे पर स्पाही रा काम नी करदा। से जो अंगूरा रा बगीचा लगां से भी तेसरा फल खाणे री उम्मीद रखा। होर भेडा रे झुंडा री रखवाली करणे वाल़ा भी तिन्हा भेडा रा दूध पीणे री उम्मीद रखा।

2 कुरिन्थियो 1:6

आस्से दुःख सैहया करहे, ताकि परमेसर तुस्सा जो तस्सली दे, होर तुस्सा रा उद्धारा करहे। क्यूंकि परमेसर आस्सो तस्सली देआ, इधी कठे तेस तुस्सा जो भी तस्सली देणी। क्यूंकि तुस्से बड़े सबरा साउगी आस्सा साहीं दुःख सहीरा।

1 तिमिथियुस 1:18

मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

2 तिमिथियुस 1:1

हाऊँ पौलुसा एस्सा चिठ्ठी जो लिखी करहा। परमेसरे चाहां कि हाऊँ यीसू मसीह रा चुणिरा चेला बणुं। तिन्हें हांऊँ इधी कठे चुणेया कि हांऊँ ये प्रचार करी सकूं कि मसीह साउगी एक हूंणे री वजहा ले परमेसरे आस्सो अनंत जिन्दगी देणे रा वादा कितिरा।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

2 तिमिथियुस 2:10

इधी कठे हांऊँ परमेसरा रे चुणिरे लोका रे कठे सभ कुछ सैहन करहा, ताकि स्यों भी मसीह यीसू पर विस्वास करी किन्हें उद्धार पाए, होर अनंत महिमा पाए।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।

2 तिमिथियुस 3:11

लोके हांऊँ सताया जेसरी वजहा ले मैं बौह्त दुःख सहन कितेया। तू तिन्हा डरावणी गल्ला रे बारे जाणहां, जो पिसिदिया जिल्ले रे अन्ताकिया सैहरा होर इकुनियुम होर लुस्त्रा सैहरा मन्झ रैहणे वाले लोके मेरे साउगी कितेया, होर किहाँ तेथी मैं दुःख सहन किते, पर प्रभुए हांऊँ सारे दुखा ले छुड़ाई लितेया।

2 तिमिथियुस 4:5

हर हालात मन्झ आपणे आपा पर काबू रख चाहे कुछ भी हुई जाये, दुःख सहन कर, होर पूरी मेहनत करी किन्हें खुसी री खबर सभी लोका जो सुणा होर जो सेऊआ तुजो सौंपीरी तेता जो पूरी कर।

फिलेमोन 1:2

होर आस्सा री विस्वासी बैहण अफफिया, होर विस्वासी भाई अरखिप्पुस जो एक स्पाही साहीं प्रभु री सेऊआ करहा, होर जो कलीसिया तुस्सा रे घरा मन्झ कठी हुई तिन्हारे रे कठे भी हांऊँ ये चिठ्ठी लिख्दा लगीरा।

इब्रानियो 10:32

पर तिन्हा ध्याड़े जो याद करा, जेबे तुस्से पैहली बारी मसीह पर विस्वास कितिरा था, होर तेता ले बाद तुस्से बौह्त दुःखा रा साम्हणां कितेया, होर भारी पीड़ा मन्झ मजबूत रहे।

इब्रानियो 11:27

विस्वास करणे री वजहा ले ई, राजे रे गुस्से ले नी डरदे हुए, मुसे मिस्र देस छाडी दितेया, क्यूंकि से समझी गईरा था कि मानो तिन्हें नी सूझणे वाले परमेसरा जो देखी लेया।

इब्रानियो 6:15

होर एस तरहा अब्राहमे बौह्त टैमा तक सबर रखणे रे बाद तेस वादे जो आपणे जिन्दगी मन्झ पूरा हुंदे देख्या।

याकूब 1:12

धन्य आ से आदमी, जो परखणी मन्झ मजबूत रैंहयां; क्यूंकि तेस तेस्सा परखणी जो पार करी किन्हें अनंत जिन्दगी रा से मुकट पाणा, जेसरा देणे रा वादा परमेसरे तिन्हा कठे कितिरा, जेह्ड़े परमेसरा किन्हें प्यार करहे।