2 तिमिथियुस 2:25 - मंडयाली नंऊँआं नियम

^25-26 होर से आपणे व्रोधिया जो नम्रता किन्हें सुधारे, सैताने इन्हा लोका जो इंहां फसाई दितिरा कि स्यों तेसरे मताबक जीए, पर तुस्सा रा तिन्हा साउगी सबर रखणे री वजहा ले हुई सक्हा कि, परमेसर तिन्हारी मदद करहे कि स्यों पाप करणा छाडी दे, होर मसीह रे बारे मन्झ सच्चाई जो पछयाणी ले। ताकि स्यों आपणे होसा मन्झ आई किन्हें सैताना ले दूर चली जाये।

2 तिमिथियुस 2:25 Iomraidhean Croise

मत्ती 11:29

मेरा जुआ आपणे गास चकी लऊआ; होर मेरे ले सिखा; क्यूंकि हांऊँ नम्र होर मना मन्झ दीन आ: होर तुस्सा आपणे मना मन्झ अराम पाणा।

मत्ती 21:32

हांऊँ तुस्सा किन्हें इधी कठे बोल्हा क्यूंकि यहून्ना बपतिस्मा देणे वाल़े जेबे तुस्सा जो दसेया कि कियां धार्मिकता री जिन्दगी जिणी, पर तुस्से तेसरा विस्वास नी कितेया। पर वेस्या होर चुंगी लैणे वाल़े तेसरा विस्वास कितेया। होर तुस्से एतो देखदे हुए भी पाप करणा नी छाडे होर ना तेस पर विस्वास कितेया।”

मरकुस 1:15

होर बोल्या, “टैम पूरा हुई गया, होर परमेसरा रा राज नेडे आई गईरा, पाप करणा छाडी देआ होर परमेसरा रे खुसी री खबरा पर विस्वास करा।”

यहून्ना 5:34

पर हांऊँ आपणे बारे मन्झ माह्णुंआं री गुआही री जरूरत नी, फेरी भी हांऊँ ये गल्ला इधी कठे करहा, ताकि तुस्सा जो उद्धार मिले।

चुणिरे चेले रे काम 11:18

ये सुणी किन्हें, स्यों यहूदी विस्वासी चुप रैहे, होर परमेसरा री बड़ाई करी किन्हें बोल्दे लगे, “ता परमेसरे अन्यजाति लोका जो भी अनंत जिन्दगी पाणे रे कठे पापा जो छाडी किन्हें मसीहा पर विस्वास करणे रा दान दितिरा।”

चुणिरे चेले रे काम 2:38

पतरसे तिन्हा किन्हें बोल्या, “पाप करणा छाडी देआ, होर तुस्सा मन्झा ले हर एक आपणे-आपणे पापा री माफी रे कठे यीसू मसीहा रे नांऊँआं ले बपतिस्मा लेया; ता तुस्सा पवित्र आत्मा रा दान पाणा।

चुणिरे चेले रे काम 20:21

पर यहूदी लोका होर यूनान देसा रे लोका रे साम्हणें खबरदार करदा रैहया कि, पाप करणा छाडी किन्हें परमेसरा री वखा जो आई जाऊआ, होर आस्सा रे प्रभु यीसू मसीह पर विस्वास करहा।”

चुणिरे चेले रे काम 5:21

जेह्ड़ा तिन्हा किन्हें बोलिरा था, स्यों भ्याग हुंदे ई मन्दरा मन्झ जाई किन्हें उपदेस देंदे लगे। पर बडे याजक होर तेसरे साथी आई किन्हें माहसभा जो होर इस्राएल देसा रे सभ यहूदी अगुवे कठे किते, फेरी तिन्हें जेल्हा ले चुणिरे चेले जो बुलाऊआ भेज्या।

चुणिरे चेले रे काम 5:31

परमेसरे यीसू जो आपणे सीधी वखा जो प्रभु होर उद्धार देणे वाल़ा नियुक्त कितेया। परमेसरे ये इधी कठे कितेया ताकि इस्राएल देसा रे लोक पाप करणा छाडी दे, होर आपणे पापा रे कठे तिन्हा जो तेस ले माफी मिली सके।

चुणिरे चेले रे काम 8:22

इधी कठे तू बुरे विचारा जो सोचणा छाडी दे होर प्रभु ले प्रार्थना कर, हुई सक्हा की प्रभु तेरे मना रे बुरे विचारा जो माफ करी दे।

गलातियो 6:1

हे भाईयो होर बैहणो, तुस्से जो आपणी जिन्दगी आत्मा रे मताबक जीये, अगर ये पता चले कि कोई विस्वासी अपराध मन्झ पखड़ी गईरा, ता बड़ी नम्रता साउगी तेस जो सही रस्ते पर आऊणें रे कठे तेसरी मदद करहा। होर आपणी भी चौकसी करा कि, तुस्से आपु भी एह्ड़ी परीक्सा मन्झ नी पई जाए।

1 तिमिथियुस 2:4

होर से ये चाहां कि, सभ माह्णुंआं रा उद्धार हो, होर स्यों सच्चाई ठीक ढंगा किन्हें जाणी सको।

1 तिमिथियुस 6:11

पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

2 तिमिथियुस 3:7

होर स्यों हमेसा नईं गल्ला जो सिख्दे ता रैंहयां ईं, पर सच्चाई रे बारे मन्झ खरे उपदेसा जो कधी नी समझी सकदे।

तितुस 1:1

हांऊँ पौलुस, एस्सा चिठ्ठी जो लिख्या करहा। हांऊँ परमेसरा रा सेऊआदार होर यीसू मसीह रा चुणिरा चेला आ। हांऊँ परमेसरा रे चुणिरे लोका रे विस्वासा जो मजबूत करणे रे कठे नियुक्त कितिरा, ताकि स्यों सच्चा जो जाणे होर परमेसरा जो खुस करणे वाली जिन्दगी जीए।

तितुस 3:2

केसी जो बदनाम नी करहे; झगड़ा नी करहे; पर दूजेया पर दया करहे, होर सभ माह्णुंआं किन्हें बड़ी नम्रता साउगी रहे।

याकूब 1:17

क्यूंकि हर एक खरा वरदान होर हर एक खरा दान बापू परमेसरा री तरफा ले आ, जिन्हें हर प्रकारा री आसमाना री ज्योतिया बणाई। होर परमेसर इन्हा ज्योतिया रे बदल्दी छाऊँआ साहीं कधी नी बदल्दा आ।

1 पतरस 3:15

पर मसीह जो प्रभु जाणी किन्हें तेसरी इज्जत करहा, होर आपणे मना मन्झ तेसरा डर मन्हा। होर कोई तुस्सा ले तेस आसा रे बारे मन्झ कुछ पूछे, जो आस्से सभ विस्वासी लोक साझा करहे, ता तेस जो जवाब देणे रे कठे हमेसा त्यार रैहया। पर एह्ड़ा नम्रता होर आदर भाव किन्हें करहा,

1 यहून्ना 5:16

अगर कोई आपणे विस्वासी भाई होर बैहणा जो एह्ड़ा पाप करदे देखे, जेसरी सजा मौत नी हो, ता तेसरे कठे प्रार्थना करहा, होर परमेसरा तेस प्रार्थना री वजह ले तेस जो जिन्दगी देणी, जिन्हें एह्ड़ा पाप कितिरा हो। एक पाप एह्ड़ा भी आ जेसरी सजा मौत ई होर एसरे बारे मन्झ मै प्रार्थना करणे रे कठे नी बोल्दा।