2 तिमिथियुस 2:24 - मंडयाली नंऊँआं नियम

²⁴ होर प्रभु रे सेऊआदारा जो झगड़ा करणे वाल़ा नी हूंणां चहिए, तेस जो सभी साउगी दया किन्हें बर्ताव करणा चहिए, होर परमेसरा रे बचना जो खरे किन्हें स्खाणे वाल़ा होर आपणे व्रोध करणे वाल़ेया किन्हें सबर रखणे वाल़ा हूंणा चहिए।

2 तिमिथियुस 2:24 Iomraidhean Croise

मत्ती 12:19

तेस ना लड़ाई करणी, होर ना रौला पाणा; होर ना बजारा मन्झ केसिया तेसरी अवाज सुणनी।

यहून्ना 6:52

एता पर यहूदी लोके ये बोली किन्हें आपु मन्झ झगड़दे लगे कि, “यीसू किहाँ आपणा मास खाणे जो देई सक्हा?”

चुणिरे चेले रे काम 15:2

जेबे पौलुस होर बरनबासा रा तिन्हा किन्हें झगड़ा होर बैहस हुई ता ये तय कितेया कि, पौलुस होर बरनबास, होर बाकि चेले एस गल्ला रे बारे मन्झ यरुस्लेम सैहरा जो चुणिरे चेले होर कलीसिया रे अगुवे वाले जाए।

चुणिरे चेले रे काम 23:9

तेथी बौह्त रौल्आ पया, कुछ व्यवस्था स्खाणे वाल़े जो फरीसी लोका मन्झा ले थे उठी किन्हें बैहस करदे हुए बोल्दे लगे, “एस आदमी मन्झ आस्से कोई खोट नी पांदे, अगर केसी दुस्टात्मे या केसी स्वर्गदूते एस किन्हें गल्ला किती ता फेरी क्या हुएया?”

चुणिरे चेले रे काम 7:26

“जेबे दूजे ध्याड़े इस्राएली भाई आपु मन्झ लड़ेया करहा ऐं थे, ता से तेथी आई पुज्हेया; होर ये बोली किन्हें तिन्हा जो समझांदा लग्या कि, हे भाईयो, ‘तुस्से ता भाई-भाई ऐं, एक दूजे किन्हें बुरा बर्ताव किधियो करहा ऐं।’

2 कुरिन्थियो 10:1

हांऊँ सेई पौलुस आ, जेसरे बारे मन्झ लोक बोल्हे कि जेबे हांऊँ तुस्सा रे साम्हणें हुआ ता बोलणे मन्झ फाहूका आ, पर तुस्सा ले दूर हूंणे पर कठोर हुई किन्हें बोला। तुस्सा ले मसीह री नम्रता, होर कोमलता री वजहा ले हांऊँ ये अर्ज करहा।

2 कुरिन्थियो 10:4

क्यूंकि आस्सा री लड़ाई रे हथियार एस संसारा रे लोका रे हथियारा साहीं नी ऐं, पर ये गढ़ा जो ढाई देणे रे कठे परमेसरा रे सामर्थी हथियार ऐं।

2 कुरिन्थियो 6:4

पर हर गल्ला मन्झ हर तरीके किन्हें आस्से ये जाहिर करहे कि आस्से सच्चमुच परमेसरा रे सेऊआदार ऐं। क्यूंकि आस्से हमेसा दुखा मन्झ धीरज रखे, हालांकि आस्सा जो बौह्त सारी कठिनाई होर संकटा हुईरे।

गलातियो 5:22

पर परमेसर रा आत्मा आस्सो जो गुण देहां से यूयाँ ऐं, प्यार, खुसी, सांति, सबर,

इफिसियो 4:2

सारी दीनता होर नम्रता साउगी, होर सबर रखी किन्हें प्यारा किन्हें एक दूजे जो सही लो।

फिलिप्पियो 2:14

सब काम बगैर गलांण होर बगैर बैहसा ले करा।

फिलिप्पियो 2:3

आपणे मतलब होर झूठी साना रे कठे कुछ मत करा, पर दीन हुई किन्हें, एक दूजे जो आपणे ले ज्यादा बढ़ी किन्हें समझा।

कुलुस्सियो 3:13

होर अगर केसी जो केसी रे कठे सिकायत करणे री कोई वजहा हो, ता एक दूजे री सही लो, होर एक दूजे रे गलतिया जो माफ करा; जिहां प्रभुए तुस्सा रे पाप माफ कितिरे, तिहां ई तुस्से भी एक दूजे जो माफ करा।

1 थिस्सलुनकियो 2:7

पर तुस्सा रे बीचा मन्झ आस्से एह्ड़ी नम्रता दसी जिहां एक दूध प्याणे वाली माऊ आपणे बच्चेया रा पालन पोसण करहा ई।

1 तिमिथियुस 6:11

पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

तितुस 1:1

हांऊँ पौलुस, एस्सा चिठ्ठी जो लिख्या करहा। हांऊँ परमेसरा रा सेऊआदार होर यीसू मसीह रा चुणिरा चेला आ। हांऊँ परमेसरा रे चुणिरे लोका रे विस्वासा जो मजबूत करणे रे कठे नियुक्त कितिरा, ताकि स्यों सच्चा जो जाणे होर परमेसरा जो खुस करणे वाली जिन्दगी जीए।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

तितुस 1:9

होर से तेस भरोसे रे लायक उपदेसा जो मजबूती किन्हें पकड़ी रखणे वाल़ा हो, जो आस्से तेस जो सखाईरा था; जेता ले दूजेया जो सखाई सके होर सच्चे उपदेस रे बरखलाप बोलणे वाल़ेया रा मुंह बंद कुराई सके।

तितुस 3:2

केसी जो बदनाम नी करहे; झगड़ा नी करहे; पर दूजेया पर दया करहे, होर सभ माह्णुंआं किन्हें बड़ी नम्रता साउगी रहे।

याकूब 1:1

हांऊँ याकूब, परमेसरा होर प्रभु यीसू मसीह रा सेऊआदार आ। हांऊँ ये चिठ्ठी तिन्हा यहूदी विस्वासिया रे बारा गोत्रा जो संसारा मन्झ तितर-बितर हुई किन्हें रैंहयां ऐं लिख्दा लगिरा। तुस्सा सभी जो मेरा नमस्कार।

याकूब 3:17

पर जो ज्ञान परमेसर देआ से पैहले ता पवित्र हुंहाँ, फेरी सांति फैलाणे वाल़ा, कोमल होर विचारसील होर दया होर भले कामा किन्हें भरीरा होर तेस मन्झ पाखंडा होर कपट नी हुंदा।

याकूब 4:2

एह्ड़ी चीजा ई जिन्हा जो पाणे री तुस्से बौह्त इच्छा रख्हा ऐं, पर तुस्सा जो स्यों चीजा नी मिल्दी; इधी कठे तुस्से हत्या करहा ऐं। जो चीजा होरी वाले ई तिन्हा चीजा जो पाणे री इच्छा ले तुस्से लड़दे झगड़दे रैंहयां ऐं पर तुस्सा जो नी मिल्दी। जो कुछ तुस्सा जो चहिए से तुस्सा जो इधी कठे नी मिल्दा कि, तुस्से परमेसरा ले नी मांगदे।

1 पतरस 3:8

आखरी मन्झ हांऊँ तुस्सा किन्हें ये बोलणा चाहां कि सभ आपु मन्झ एकता रखा, एक दूजे रा ध्यान रखा, आपणे परिवारा समझी किन्हें एक दूजे किन्हें प्यार करहा, एक दूजे पर दया करहा, होर नम्र बणा।

यहूदा 1:3

हे लाडले भाईयो होर बैहणो, हालांकि हांऊँ मना ले चाहां था कि परमेसरा ले आस्सा जो मिलणे वाले उद्धारा रे बारे मन्झ तुस्सा जो लिखूं जेसरे आस्से सभ साझी ऐं, पर ऐबे मैं ये जरूरत मैहसूस किती कि हांऊँ तुस्सा जो इधी कठे लिखूं कि तुस्से हिम्मत पाई किन्हें सच्चे उपदेसा रा बचाव करी सको, परमेसरे आस्सा जो ये सच्चाई आपणे पवित्र लोका रे कठे एक बारी ही देई दितिरी जेस्सा कधी नी बदलना।