2 तिमिथियुस 2:22 - मंडयाली नंऊँआं नियम

²² तिन्हा बुरी गल्ला ले दूर रेह जेस जो करणे जो जुआना री इच्छा करी; होर जो सुद्ध मना ले प्रभु री अराधना करहा ऐं, तिन्हा साउगी धार्मिकता री जिन्दगी, विस्वास, प्यार, होर सांति रखी किन्हें अगे बढ़दे रहो।

2 तिमिथियुस 2:22 Iomraidhean Croise

चुणिरे चेले रे काम 7:59

होर स्यों स्तिफनुसा जो पत्थरवाह करदे रैहे, होर से ये बोली किन्हें प्रार्थना करदा रैंहयां कि, “हे प्रभु यीसू, मेरी आत्मा जो ग्रहण करी ले।”

चुणिरे चेले रे काम 9:14

होर एथी भी एस जो मुख्य याजका री तरफा ले हक मिलिरा कि, जो लोक तेरे पर विस्वास करें, तिन्हा सभी जो बान्ही किन्हें यरुस्लेम सैहरा जो लेई जा।”

रोमियो 14:17

क्यूंकि परमेसरा रे राजा मन्झ खाणा पीणा बडा नी आ; एता रे बजाय, परमेसरा री नजरा मन्झ धर्मी माह्णुं बणना, सांति होर पवित्र आत्मा मन्झ खुसी, ये गल्ला बडी ई।

रोमियो 14:19

इधी कठे आस्से तिन्हा कामा जो करणे री कोसिस करहे जेस ले लोक एक दूजे किन्हें सांति किन्हें रहे, होर एक दूजे रे विस्वासा जो मजबूत करी सके।

1 कुरिन्थियो 1:10

हे भाईयो होर बैहणो, आस्सा रे प्रभु यीसू मसीह रे हका ले हांऊँ आपणे दिला ले अर्ज करहा कि तुस्से सभ एक दूजे किन्हें राजी हुई किन्हें एक ई गल बोला; होर तुस्से झगड़ा करी किन्हें लग नी हो। पर एता रे बजाय हांऊँ तुस्सा किन्हें विनती करहा कि एक दूजे किन्हें मिली जुली कर एक ही प्रकारा रा सोच-विचार होर एक ऐं मकसद रखो।

1 कुरिन्थियो 1:2

ये चिठ्ठी कुरिन्थुस सैहरा री परमेसरा री कलीसिया रे लोका रे कठे ईं। आस्से ये चिठ्ठी तुस्सा लोका रे कठे लिखदे लगिरे जिन्हा जो परमेसरे मसीह यीसू साउगी एक करी किन्हें आपणे लोक हूंणे रे कठे लग कितिरा। होर तिन्हें तुस्से सादीरे कि तुस्से तेसरे पवित्र लोक बणो, ठीक तिहां जिहां तिन्हें बाकि सब लोका जो भी चुणी लितिरा जो हर जगहा आस्सा रे प्रभु यीसू मसीह री अराधना करहा ऐं; क्यूंकि से आस्सा सभीरा प्रभु आ।

1 कुरिन्थियो 10:14

इधी कठे, हे लाडले भाईयो होर बैहणो, मूर्तिया री पूजा करणे ले आपणे आपा जो बचाई किन्हें रखा।

1 कुरिन्थियो 14:1

एक दूजे किन्हें प्यार करणे री हर कोसिस करहा, होर पवित्र आत्मा से बरदाना पाणे री गहरी इच्छा रखा, खास करी भविस्यवाणी रा बरदान पाणे री इच्छा रखा।

1 कुरिन्थियो 6:18

पूरी तरहा व्यभिचारा ले बची किन्हें रहा; एसरे अलावा माह्णुं रे ज्रीए कितिरा कोई भी पाप तेसरे सरीरा जो प्रभाव नी करदा, पर व्यभिचार करणे वाल़ा आपणे ई सरीरा रे बरखलाफ पाप करहा।

1 तिमिथियुस 1:14

आस्सा रे प्रभुए हमेसा मेरे पर बौह्त ज्यादा अनुग्रह कितेया। होर मसीह यीसू साउगी एक हूंणे री वजहा ले तिन्हें मुंजो विस्वास होर प्यार दितेया।

1 तिमिथियुस 1:5

हांऊँ ये आदेस तुस्सा जो इधी कठे देआ कि तुस्से एक दूजे किन्हें सच्चे दिला किन्हें प्यार करा, होर साफ अंतरात्मा, होर भरपूर विस्वास रखो।

1 तिमिथियुस 2:8

इधी कठे हांऊँ चाहां कि, हर मण्डली मन्झ मर्ध बगैर गुस्से कितिरे होर बगैर बैहसा ले, परमेसरा रे कठे समर्पित हाथा जो चक्की किन्हें प्रार्थना करेया करहे।

1 तिमिथियुस 4:12

कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

1 तिमिथियुस 6:11

पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

इब्रानियो 12:14

सभी साउगी सांति किन्हें रैहणे, होर तेस पवित्र हूंणे रे कठे हर तरहा कोसिस करदे रहो, जेसरे बगैर कोई प्रभु जो कधी भी नी देखी सक्दा।

1 पतरस 2:11

हे लाडले भाईयो होर बैहणो, हांऊँ तुस्सा ले अर्ज करहा कि, तुस्से आपणे आपा जो एस संसारा मन्झ परदेसी होर यात्री जाणी किन्हें हर एक सरीरा री पापा री इच्छा ले दूर रैहया, क्यूंकि स्यों हमेसा तुस्सा रे खलाफ युद्ध करहा ई।

1 पतरस 3:11

से बुराई करणा छाडी दे, होर भलाई ई करहे, होर एक दूजे किन्हें सांति किन्हें जिन्दगी जीणे री कोसिस करहे।

3 यहून्ना 1:11

हे लाडले दोस्त, बुरे काम करणे वाले साहीं नी जिया, पर भले काम करणे वाले साहीं जिया। जो भले काम करहा, से परमेसरा रा बच्चा; होर जो बुरे काम करहा, से एस गल्ला जो जाहिर करहा की से परमेसरा जो नी जाणदा।