2 तिमिथियुस 2:21 - मंडयाली नंऊँआं नियम

²¹ एस तरीके किन्हें जो कोई विस्वासी आपणे आपा जो इन्हा बुरी गल्ला ले दूर रखा, ता से तेस कीमती भांडे साहीं हूंणा जो खास कामा रे कठे हुआ, जेसरा जिन्दगी पवित्र हुंगी; होर तेस आपणे माल्का रे काम आऊंणा, होर हर भले कामा रे कठे त्यार हूंणां।

2 तिमिथियुस 2:21 Iomraidhean Croise

चुणिरे चेले रे काम 9:15

पर प्रभुए तेस किन्हें बोल्या कि, “तू चला जा; क्यूंकि साऊल ता अन्यजाति लोका होर राजे माहराजे, होर इस्राएल देसा रे साम्हणें मेरा नांऊँ रा प्रचार करणे रे कठे मेरा चुणिरा एक जरीआ।

1 कुरिन्थियो 5:7

तुस्सा जो एस पापी माह्णुं जो आपणे मन्झ ले काढी देणा चहिए, जिहां कि यहूदी लोक फसहा रा साजा हूंणे ले पैहले आपणे-आपणे घरा ले स्जेड़ा काढी दे। तेबे तुस्सा अस्जेह्ड़ा रोटी बणी जाणा, यानि तुस्सा विस्वासिया रे एक एह्ड़े झुंडा बणी जाणा, जिन्हारे बीचा मन्झ जाणी बुझी किन्हें पाप करणे वाल़ा कोई माह्णुं नी हुंदा। क्यूंकि जेबे तुस्से मसीह पर विस्वास कितेया था, परमेसरे तुस्से अंदरा ले साफ करी दितिरा था। मसीह आस्सा रे पापा कठे मारी दितेया होर से तेस छेलु साहीं आ जेस जो यहूदी फसहा रे साजे रे टैमा बलि चढ़ाहें थे।

2 कुरिन्थियो 7:1

हे लाडले भाईयो होर बैहणो जेबे कि परमेसरे आस्सा किन्हें ये वादा कितिरा कि आस्से तेसरे लोक हूंणे। ता आऊआ, आस्से आपणे सरीर होर आत्मा री सब गंदगी जो दूर करहे; होर परमेसरा रा सम्मान करदे हुए पूरी तरहा पवित्र जिन्दगी जीणे री भी कोसिस करदे रहुआ।

2 कुरिन्थियो 9:8

तुस्सा री जरूरता ले बढ़ी किन्हें परमेसर तुस्सा जो सब किस्मा रा अनुग्रह देई सक्हा ऐं। जेस ले हर गल्ला मन्झ होर हर टैम, सब कुछ, जो तुस्सा रे कठे जरूरी हो, तुस्सा वाले रहे, ताकि भले काम रे कठे तुस्सा वाले जरूरता ले भी ज्यादा हो।

इफिसियो 2:10

क्यूंकि आस्से परमेसरा रे हाथा री सभी ले बढ़िया रचना ई; होर मसीह यीसू साउगी एक हूंणे री वजहा ले आस्से भले काम करणे रे कठे बणाये गईरे, जिन्हा जो परमेसरे पैहले ले आस्सा रे करणे रे कठे त्यार कितिरा।

1 तिमिथियुस 6:11

पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

2 तिमिथियुस 2:16

सांसारिक होर बेकारा री गल्ला ले दूर रैहया, क्यूंकि एह्ड़े लोक होर भी ज्यादा परमेसरा ले दूर हुई जाहें।

2 तिमिथियुस 2:20

होर बड़े घरा मन्झ ना सिर्फ सोने चांदी रे (यानि जो कलीसिया रे सच्चे विस्वासी लोक ऐं), पर लकड़ी होर माटे रे भांडे भी हुंहाँ ऐं। (यानि झूठे उपदेस स्खाणे वाले भी) होर कुछ-कुछ खास कामा रे कठे होर कुछ-कुछ आम कामा रे कठे।

2 तिमिथियुस 3:17

ताकि परमेसरा रे लोक हर भले काम करणे रे कठे त्यार हुई जाये, होर सिद्ध बणी जाये।

2 तिमिथियुस 4:11

ऐबे सिर्फ भाई लूका मेरे साउगी आ; जेबे तुस्सा आऊंणा ता मरकुस भाई जो आपणे साउगी लई किन्हें आया, क्यूंकि एथी से मेरी सेऊआ रे कठे बौह्त कामा रा आ।

तितुस 3:1

विस्वासी लोका जो याद दिलाया कर कि, हाकमा होर अधिकारिया री इज्जत करहा, होर तिन्हारे अधीन रेहा, होर दूजे कठे खरे काम करणे रे कठे त्यार रैहया।

तितुस 3:14

इतना ही नी पर विस्वासी लोका जो ये भी स्खान्दे रैहया कि स्यों दूजेया री ज्रूरता जो पूरा करणे रे कठे खरे कामा मन्झ हमेसा लगे रैंहे। एह्ड़ा करणे ले तिन्हारी जिन्दगी बेकार नी हूणीं।

तितुस 3:8

ये जो कुछ मैं ऐबे तुस्सा जो लिखिरा ये भरोसे करणे रे लायक गल्ला ई, हांऊँ ये चाहां कि तू इन्हा गल्ला रे बारे मन्झ मजबूती किन्हें विस्वासी लोका जो सखा, इधी कठे कि जिन्हें लोके परमेसरा पर विस्वास कितिरा, स्यों आपणा ध्यान भले काम करणे रे मन्झ लगाई रखे। ये सखाईरी गल्ला सब लोका रे कठे खरी होर फायदेमंद ई।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

1 पतरस 1:7

होर ये परेसानिया इधी कठे हुंहाँ ताकि ये जाहिर हो की तुस्सा रा विस्वास परमेसरा पर हाया की नी। मसीह पर तुस्सा रा विस्वास आगा मन्झ परखिरे सुद्ध कितिरे सोने ले भी ज्यादा कीमती आ। जिहां नास हूंणे वाल़ा सोना भी आगी किन्हें परखी जाहाँ, होर इंहां ही अगर तुस्सा रा विस्वास भी परेसानिया रे बीचा मन्झ मजबूत निकले, ता जेबे यीसू मसीहा दबारा वापस आऊंणा, तेस ध्याड़े तुस्सा जो भी बड़ाई, होर महिमा होर आदर मिलणा।

1 यहून्ना 3:3

होर जो कोई मसीह पर ये आस रख्हा, से आपणे आपा जो तेह्ड़ा ई पवित्र करहा, जेह्ड़ा मसीह आपु पवित्र आ।