2 तिमिथियुस 2:20 - मंडयाली नंऊँआं नियम

²⁰ होर बड़े घरा मन्झ ना सिर्फ सोने चांदी रे (यानि जो कलीसिया रे सच्चे विस्वासी लोक ऐं), पर लकड़ी होर माटे रे भांडे भी हुंहाँ ऐं। (यानि झूठे उपदेस स्खाणे वाले भी) होर कुछ-कुछ खास कामा रे कठे होर कुछ-कुछ आम कामा रे कठे।

2 तिमिथियुस 2:20 Iomraidhean Croise

यहून्ना 8:49

यीसूए जवाब दितेया कि, “मेरे मन्झ दुस्टात्मा नी ई; पर हांऊँ आपणे बापू रा आदर करहा, होर तुस्से मेरा बेज्जती करहा ऐं।

रोमियो 9:20

पर हे मेरे दोस्त, हांऊँ तेरे ले पूछा तू कुणहां, जो परमेसरा पर सुआल करहा। क्या घड़ीरी चीजा घड़नेवाल़े किन्हें बोली सक्हा ई कि, “तैं हांऊँ एह्ड़ा किधियो घड़ेया?”

1 कुरिन्थियो 3:9

क्यूंकि आस्से परमेसरा रे सहकर्मी ऐं, होर तुस्से सभ विस्वासी लोक परमेसरा री एक खेती साहीं ऐं जो तेसरी ई। होर हांऊँ तुस्सा री तुलना एक घरा साउगी करी सका जेस जो परमेसर बणाया करहा।

2 कुरिन्थियो 4:7

आस्से तिन्हा माटे रे भांडे साहीं ऐं जिन्हा मन्झ धन रखिरा आ। एता ले गल ये साफ हुई जाहीं कि ये असीम सामर्थ आस्सा री तरफा ले नी, बल्की परमेसरा री तरफा ले ई।

इफिसियो 2:22

होर तुस्से गैर-यहूदी विस्वासी लोक भी मसीह यीसू साउगी एक हूंणे री वजहा ले, परमेसरा रे दूजे विस्वासी लोका किन्हें जुड़ी जाएं, ताकि तुस्से पवित्र आत्मा री सामर्था रे ज्रीए परमेसरा रे रैहणे रा घर बणी सको।

1 तिमिथियुस 3:15

अगर मुंजो आऊणें मन्झ टैम लगी जाए ता तुस्से एस चिठ्ठी रे ज्रीए जाणी लया कि, परमेसरा रे घरा रे सदस्य हूंणे रे नाते यानि जिउंदे परमेसरा री कलीसिया हूंणे रे नाते आस्सो आपणी जिन्दगी केह्ड़ी जीणी चहिए। जिहां निंऊँआं होर खम्बे घरा जो मजबूत रखे, तिहां ही ये विस्वासी लोक सच्चे उपदेसा जो मजबूत बणाई रखे।

1 पतरस 2:5

होर तुस्से सभ विस्वासी भाई बैहण भी जो एक जिउंदे पात्थरा साहीं ऐं। परमेसर एकजुट हूंणे रे कठे जोड़ी करहा, जेस मन्झ परमेसरा री आत्मा वास करही, ताकि तुस्से भी तेस कामा री वजहा ले जो यीसू मसीहे आस्सा रे कठे कितिरा, याजका साहीं एह्ड़ा बलिदान चढ़ाऊआ जो परमेसरा जो ग्रहण करणे रे लायक हो,