2 तिमिथियुस 2:19 - मंडयाली नंऊँआं नियम

¹⁹ परमेसरा रे लोक तेस निऊँआ साहीं जो बणी रैहीं, होर जेस पर ये सब्द लिखिरे कि, “प्रभु आपणे लोका जो पछ्याणा,” होर “हर एक जिन्हें प्रभु जो अपनाईरा से बुराई करणा छाडी दे।”

2 तिमिथियुस 2:19 Iomraidhean Croise

मत्ती 24:24

“क्यूंकि झूठे मसीह होर झूठे नबिया आऊंणा, होर तिन्हा बड़े चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

मत्ती 28:19

इधी कठे तुस्से जाई किन्हें सारे जातिया रे लोका जो चेला बणाऊआ; होर तिन्हा जो बापू, मह्ठे होर पवित्र आत्मा रे नांऊँआं ले बपतिस्मा देआ।

मत्ती 7:23

तेबे मां तिन्हा किन्हें खुल्ही किन्हें बोली देणा कि, ‘हांऊँ तुस्सा जो नी जाणदा, हे दुस्ट काम करणे वाल्यो, मेरे वाले ले चली जाऊआ।’”

मत्ती 7:25

होर बरखा हुई होर बाढ़ आई, होर आंधी चली, होर तेस घरा पर टक्कर लगी, पर से नी पया, क्यूंकि तेसरी निंऊँआं चटाना पर पाई गईरी थी।

मरकुस 12:16

होर स्यों लई आये, होर तिन्हें तिन्हा किन्हें बोल्या, “ये सिक्के मन्झ रूप होर नांऊँ केसरा?” तिन्हें बोल्या, “ये रूप होर नांऊँ महाराजे रा।”

मरकुस 13:22

क्यूंकि झूठे मसीह होर झूठे नबिया आऊंणा, होर तिन्हा चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

लूका 13:27

पर तेस बोलणा, हांऊँ तुस्सा किन्हें बोल्हा, ‘हांऊँ नी जाणदा तुस्से केथी ले आईरे? हे दुस्ट काम करणे वाल्यो! तुस्से सभ मेरे वाले ले दूर हुई जाओ।’

लूका 6:48

से तेस माह्णुं साहीं आं, जिन्हें जे घर बनाणे रे टैमा जमीन डुघी खणी किन्हें चट्टाना प्रयाल्हे नींऊ पाई, होर जेबे बाढ़ आई ता धारा तेस घरा पर लगी, पर तेस जो हिलाई नी सकी; क्यूंकि से पक्का बणीरा था।

यहून्ना 10:14

“बधिया पुहाल हांऊँ आं; जिहां बापू मुंजो जाणहां, होर हांऊँ बापू जो जाणहां।

यहून्ना 13:18

हांऊँ तुस्सा सभी रे बारे मन्झ नी बोल्दा, स्यों जे मैं चुणी लईरे, तिन्हा जो हांऊँ जाणहां। पर ये इधी कठे आ कि, पवित्र सास्त्रा रा बचन पूरा हो कि, ‘जिन्हें मेरी रोटी खाद्ही, तिन्हें मुंजो लात मारी।’

यहून्ना 3:33

पर जिन्हें जे तेसरी गल्ला मनी लई तिन्हें एस गल्ला री छाप लगाई दिती कि परमेसर सच्चा आ।

चुणिरे चेले रे काम 11:26

होर जेबे से साउला किन्हें मिल्या तेबे से अन्ताकिया सैहरा मन्झ ल्यान्देया, होर एह्ड़ा हुएया कि बरनबास होर साउला एक साल तक कलीसिया साउगी मिलदे होर बौह्त लोका जो प्रभु यीसू रा उपदेस देंदे रैहे, होर चेले जो सभी ले पैहले अन्ताकिया सैहरा मन्झ ही मसीहा रे लोक बोल्या गया।

चुणिरे चेले रे काम 15:17

इधी कठे कि बाकि सारे माह्णुं, प्रभु जो तोपे बाकि सभ जातिया रे लोक, जिन्हा जो मैं आपणा लोक बणने रे कठे चुणी लईरे स्यों प्रभु जो तोपे,

चुणिरे चेले रे काम 9:14

होर एथी भी एस जो मुख्य याजका री तरफा ले हक मिलिरा कि, जो लोक तेरे पर विस्वास करें, तिन्हा सभी जो बान्ही किन्हें यरुस्लेम सैहरा जो लेई जा।”

रोमियो 11:2

परमेसरे आपणी से प्रजा नी छाडी, जेस जो तिन्हें पैहले ले ई चुणी लितिरा। तुस्से जाणदे कि, पवित्र सास्त्र एलिय्याह नबी रे बारे मन्झ क्या लिखिरा कि से इस्राएल देसा रे लोका रे व्रोधा मन्झ परमेसरा ले सिकायत करहे।

रोमियो 12:9

केसी से प्यारा करणे रा ढोंग मत करहा; बुराई ले नफरत करहा; भले करणे मन्झ लगे रहूआ।

रोमियो 15:20

पर आस्सा रे मना री सभी ले बड़ी इच्छा येई कि, खुसी री खबरा रा प्रचार तिन्हा जगहा मन्झ, जेथी मसीह यीसू रे बारे मन्झ हाल्ले तक नी सुणीरा हो तेथी प्रचार करूं। हांऊँ तेस घर बनाणे वाले साहीं आ जो दूजे री निंऊँआं पर घर नी बणान्दा।

रोमियो 15:9

होर गैर-यहूदी रे लोका भी परमेसर री दया री वजहा ले परमेसरा री बड़ाई करहे, जिहां पवित्र सास्त्रा मन्झ लिखिरा, “इधी कठे मां जाति-जाति रे लोका मन्झ तेरी बढ़ाई करणी, होर तुस्सा रे नांऊँआं रा भजन गाणा।”

रोमियो 8:28

होर आस्से जाणहां ऐं कि जो लोक परमेसरा किन्हें प्यार रख्हा ऐं, होर जो परमेसरा री इच्छा रे मताबक चुणिरे तिन्हारे कठे सब गल्ला मिली किन्हें भलाई पैदा करहा ई।

रोमियो 9:11

होर हल्ली तक ना ता बच्चे जम्मिरे थे, होर ना तिन्हें बच्चे कुछ भला या बुरा कितिरा था, परमेसरे रिबका किन्हें बोलेया कि “तेरे जेठे मह्ठे छोटे मह्ठे री सेऊआ करणी।” परमेसरे ये गल जाहिर करणे रे कठे बोली कि से आपणे मना री इच्छा ले लोका जो चुणा, ना कि तिन्हारे कितिरे केसी कामा री वजहा ले।

1 कुरिन्थियो 1:2

ये चिठ्ठी कुरिन्थुस सैहरा री परमेसरा री कलीसिया रे लोका रे कठे ईं। आस्से ये चिठ्ठी तुस्सा लोका रे कठे लिखदे लगिरे जिन्हा जो परमेसरे मसीह यीसू साउगी एक करी किन्हें आपणे लोक हूंणे रे कठे लग कितिरा। होर तिन्हें तुस्से सादीरे कि तुस्से तेसरे पवित्र लोक बणो, ठीक तिहां जिहां तिन्हें बाकि सब लोका जो भी चुणी लितिरा जो हर जगहा आस्सा रे प्रभु यीसू मसीह री अराधना करहा ऐं; क्यूंकि से आस्सा सभीरा प्रभु आ।

1 कुरिन्थियो 8:3

पर अगर कोई परमेसरा किन्हें प्यार रख्हा, ता परमेसर तेस जो जाणहां।

2 कुरिन्थियो 7:1

हे लाडले भाईयो होर बैहणो जेबे कि परमेसरे आस्सा किन्हें ये वादा कितिरा कि आस्से तेसरे लोक हूंणे। ता आऊआ, आस्से आपणे सरीर होर आत्मा री सब गंदगी जो दूर करहे; होर परमेसरा रा सम्मान करदे हुए पूरी तरहा पवित्र जिन्दगी जीणे री भी कोसिस करदे रहुआ।

गलातियो 4:9

पर ऐबे तुस्से परमेसरा जो पछयाणी लया, बल्की मुंजो ये बोलणा चहिए कि परमेसरे ऐबे तुस्से आपणे बच्चे बणाई किन्हें अपनाई लितिरा, ता तुस्से तिन्हा कमजोर होर बेकार संसारा री बिधिया री वखा जो किधियो फिरया करहा ऐं? क्या तुस्से दबारा तिन्हा गल्ला रे गुलाम बणने री इच्छा रखे?

इफिसियो 2:20

तुस्से एक घरा साहीं ऐं जेसरी निंऊआं चुणिरे चेले होर नबीये, जेसरे कुणे रा पात्थर यीसू मसीह आपणे आप आ।

इफिसियो 3:15

परमेसर स्वर्ग होर धरती पर, हर एक घराने रा नांऊँ रख्या।

इफिसियो 4:30

होर परमेसरा री पवित्र आत्मा जो आपणे कामा ले दुःखी मत करा, क्यूंकि पवित्र आत्मा से छाप ई जो एस गल्ला जो जाहिर करही कि एक ध्याड़े परमेसरा तुस्सा जो जरुर छुटकारा देणा।

1 तिमिथियुस 3:15

अगर मुंजो आऊणें मन्झ टैम लगी जाए ता तुस्से एस चिठ्ठी रे ज्रीए जाणी लया कि, परमेसरा रे घरा रे सदस्य हूंणे रे नाते यानि जिउंदे परमेसरा री कलीसिया हूंणे रे नाते आस्सो आपणी जिन्दगी केह्ड़ी जीणी चहिए। जिहां निंऊँआं होर खम्बे घरा जो मजबूत रखे, तिहां ही ये विस्वासी लोक सच्चे उपदेसा जो मजबूत बणाई रखे।

1 तिमिथियुस 6:19

अगर स्यों एह्ड़ा करहे ता मानो स्यों आपणे रे कठे स्वर्गा मन्झ धन कठा करी करहे, जो कधी भी नास नी हूंणा। होर तिन्हा जो सच्ची जिन्दगी भी मिलणी यानि हमेसा री जिन्दगी।

इब्रानियो 11:10

क्यूंकि से तेस पक्की निंऊआं वाले सैहरा (स्वर्ग) मन्झ रैहणे रा इंतजार करेया करहा था, जेसरा रचणे वाल़ा होर बनाणे वाल़ा परमेसर आ।

2 पतरस 3:14

इधी कठे, हे लाडले भाईयो होर बैहणो, जेबे तुस्से तेस ध्याड़े रा इंतजार करहे जेबे परमेसरा संसारा रा न्याय करणा, ता पूरी कोसिस करा कि आपणे आपा जो बेदाग होर बेकसूर होर तेसरे साउगी सांति मन्झ रखी पाओ।

1 यहून्ना 2:19

जो मसीह रे व्रोधी निकली रे स्यों आस्सा री कलीसिया मन्झा ले ई निकली रे, पर स्यों आस्सा रे आपणे नी थे, अगर स्यों आस्सा रे आपणे हुंदे ता स्यों आस्सा साउगी रैहन्दे, पर स्यों आस्सा जो छाडी किन्हें चली गये; जेस ले ये पता लगी जां कि तिन्हा मन्झ ले कोई भी आस्सा रा आपणा नी था।

प्रकासना री गल्ला 17:8

जो राक्स तैं देख्या, ये पैहले ता जिउंदा था, पर ऐबे जिउंदा नी आ। से डुगहे गड्ढे ले निकल्ने वाल़ा आ, होर परमेसरा तेसरा नास करी देणा। होर धरती रे रैहणे वाले जिन्हा लोका रे नांऊँ संसारा जो रचणे ले पैहले ले ही जिन्दगी री कताबा मन्झ नी लिखिरे, तिन्हा सभिया एस राक्सा जो दबारा जिउंदे देखी किन्हें हरान हूंणां।”

प्रकासना री गल्ला 2:13

हांऊँ ये ता जाणहां कि, तू जेस सैहरा मन्झ रैंहयां, जेथी सैताना रा गढ़ आ। तू मेरे कठे वफादार रैहया, होर तैं कधी मेरे पर विस्वास करणा नी छाडेया। तेबे भी नी जेबे अन्तिपास तुस्सा रे सैहरा मन्झ मारी दितिरा था, जेथी जे सैताना रा वास आ, क्यूंकि से भरोसे रे लायक सेऊआदार था जिन्हें मेरे बारे मन्झ प्रचार कितिरा था।

प्रकासना री गल्ला 21:14

होर सैहरा री कान्धा री नींऊँआं बारा पात्थरा पर टिकिरी थी। होर हर एक पात्थरा पर छेलू रे बारा चुणिरे चेले रे नांऊँ एक-एक करी किन्हें लिखीरे थे।

प्रकासना री गल्ला 22:4

होर तिन्हा परमेसर आम्हणें-साम्हणें देखणा, होर तेसरा नांऊँ तिन्हारे माथे पर लिखिरा हूंणां।

प्रकासना री गल्ला 3:8

हांऊँ जाणहां कि तू क्या काम करहा, होर तेरी सामर्थ थोह्ड़ी ई, पर तैं मेरी गल्ला मन्ही री, होर जो विस्वास तेरा मेरे पर आ, से विस्वास तैं नी छाडेया। इधी कठे मैं तेरे साम्हणें एक दुराजा खोल्ही किन्हें रखिरा, जेस जो कोई बंद नी करी सक्दा।