2 तिमिथियुस 2:18 - मंडयाली नंऊँआं नियम

¹⁸ तिन्हें सच्चाई पर विस्वास करणा छाडी दितिरा, स्यों बोले कि परमेसरे पैहले ले ही मरिरे विस्वासी लोका जो अनंत जिन्दगी पाणे रे कठे जिउंदा करी दितिरा। एता री वजहा ले स्यों कुछ विस्वासी लोका जो मसीह पर विस्वास नी करणे रे कठे मनाई कराये।

2 तिमिथियुस 2:18 Iomraidhean Croise

मत्ती 15:13

तिन्हें जवाब दितेया, “हर बूटा जो मेरे स्वर्गीय बापूए नी ल्गाया, से पटी दितेया जाणा।

मत्ती 22:29

यीसूए तिन्हा जो जवाब दितेया कि, “तुस्से पवित्र सास्त्र होर परमेसरा री सामर्थ नी जाणदे, होर ये ही तुस्सा री गलती ई।

लूका 8:13

गट्टे वाली जमीना पर पऊणे वाल़ा बेजा तिन्हा लोका साहीं आ कि, जेबे स्यों सुणहां ऐं, ता बड़ी खुसी किन्हें परमेसरा जो बचन जो मन्हां ऐं। पर आपणे अंदर जड़ नी पकड़णने री वजहा ले स्यों थोह्ड़े ही ध्याड़े तक विस्वास रख्हा ऐं; होर परखणी रे टैम स्यों परमेसरा रे बचना पर विस्वास करना छाडी देहां ऐं।

चुणिरे चेले रे काम 5:39

पर अगर परमेसरा री तरफा ले हो, ता तुस्से तिन्हा जो कधी मिटाई नी सकदे; केथी एह्ड़ा नी हो कि, तुस्से परमेसरा किन्हें भी लड़ने वाले बणी जाओ।

1 कुरिन्थियो 11:19

तुस्सा जो क्या लगहा कि तुस्सा रे बीचा मन्झ जेबे बंटवारा हूणा, तेबे ही दूजे लोका जो पता लगणा कि कुण परमेसरा रे चुणिरे लोक ऐं? नी एह्ड़ा बिलकुल भी नी आ।

1 कुरिन्थियो 15:12

ऐबे हांऊँ तुस्सा किन्हें ये बोलणा चाहां: इधी कठे कि आस्से सभिये तुस्सा किन्हें ये प्रचार कितेया कि परमेसरे मसीह जो तेसरे मरणे रे बाद मरिरे मन्झा ले जिउंदा कितेया, ता तुस्सा मन्झा ले कोई ये नी बोल्हे कि, परमेसरा विस्वासी लोक मरणे ले बाद जिउंदे नी करणे!

कुलुस्सियो 3:1

एह्ड़ा लगा कि जेबे परमेसरे मरिरे मन्झा ले भी जिउंदा कितेया ता तेस तुस्सा जो भी जिउंदे करणे, इधी कठे तिन्हा गल्ला जो पाणे री इच्छा रखा जो परमेसरे तुस्सा रे कठे स्वर्गा मन्झ रखिरी। जेथी मसीह परमेसरा रे सीधी तरफ बैठी किन्हें राज करहा।

1 तिमिथियुस 1:19

तुस्सा रा मसीह पर विस्वास बणेया रहे, होर साफ अंतरात्मा हो। कुछ लोके आपणी एस साफ अंतरात्मा जो नकारी दितिरी, जेसरी वजहा ले तिन्हारा विस्वास रूपी जहाज डूबी गया।

1 तिमिथियुस 6:10

क्यूंकि धन रा मोह सभ किस्मा री बुराईया री जड़ ई, जेस धना जो पाणे री कोसिस करदे-करदे कुछ लोक मजे-मजे मसीह रे उपदेसा पर विस्वासा करणा छाडी दे। एता री वजहा ले स्यों लोक कई किस्मा रे दुःख सहन करहे, तेस माह्णुं साहीं जिन्हें हथियारा किन्हें आपणे आपा जो छलनी करी दितिरा हो।

1 तिमिथियुस 6:21

कुछ लोके इन्हा झूठे ज्ञाना जो अपनाई लईरा, एह्ड़ा करणे ले ऐबे स्यों मसीह रे सच्चे उपदेसा पर विस्वास नी करदे। हांऊँ प्रार्थना करहा कि परमेसर तुस्सा सभी जो आपणा अनुग्रह देंदा रहे।

2 तिमिथियुस 2:14

ये गल्ला जो मैं तुस्सा किन्हें बोलिरी, तुस्सा रे लोक इन्हा जो भूली नी जाये। होर प्रभु जो गुआह मनी किन्हें तू तिन्हो चेतावनी दे कि, स्यों सब्दा रे मतलबा पर बैहस नी करहे। एह्ड़ी बैहसा ले कोई फायदा नी आ; बल्की सुणने वाल़ेया जो नुकसान ही पूजा।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

इब्रानियो 3:10

एस वजहा ले हांऊँ तेस टैमा रे लोका साउगी गुस्सा रैंहयां, होर बोल्या कि, स्यों हमेसा मेरे ले दूर चली जाएं, होर तिन्हें मेरे हुक्म नी मन्हें।

याकूब 5:19

हे भाईयो होर बैहणो, अगर तुस्सा मन्झ कोई सच्चाई रे पैंडे ले भटकी जाए, होर कोई तेस भटकीरे माह्णुं जो वापस लई आये,

1 यहून्ना 2:19

जो मसीह रे व्रोधी निकली रे स्यों आस्सा री कलीसिया मन्झा ले ई निकली रे, पर स्यों आस्सा रे आपणे नी थे, अगर स्यों आस्सा रे आपणे हुंदे ता स्यों आस्सा साउगी रैहन्दे, पर स्यों आस्सा जो छाडी किन्हें चली गये; जेस ले ये पता लगी जां कि तिन्हा मन्झ ले कोई भी आस्सा रा आपणा नी था।