2 तिमिथियुस 2:16 - मंडयाली नंऊँआं नियम

¹⁶ सांसारिक होर बेकारा री गल्ला ले दूर रैहया, क्यूंकि एह्ड़े लोक होर भी ज्यादा परमेसरा ले दूर हुई जाहें।

2 तिमिथियुस 2:16 Iomraidhean Croise

1 कुरिन्थियो 15:33

एह्ड़ी गल्ला करणे वाले ले धोखा देख्या खांदे, “बुरी संगत खरे चरित्रा जो बिगाड़ी देहां ईं।”

1 कुरिन्थियो 5:6

तुस्से एस तरीके किन्हें घमंड करणा छाडी दो; तुस्से जाणांहे कि, ये पाप थोह्ड़ा जे स्जेड़ा साहीं आ जो पुरे आटे जो स्जेड़ा करी देहां।

1 तिमिथियुस 1:9

ये जाणी किन्हें कि मूसा री व्यवस्था धर्मी माह्णुं रे कठे नी, पर तिन्हा लोका रे कठे ई जो परमेसरा री व्यवस्था जो भूली जाएं, होर तेसरे हुकमा जो नी मनदे; होर जो लोक परमेसरा री भक्ति नी करदे होर हमेसा पाप करहे; होर जो दुस्ट काम करहे, होर स्यों जो परमेसरा री इज्जत नी करदे; होर स्यों जो आपणे माऊ-बापू होर दूजे लोका जो मारी दे।

1 तिमिथियुस 4:7

मन घड़न्त होर नर्क्कली काह्णियां रे कठे आपणा टैम बर्बाद नी करा, जेता ले जे परमेसरा जो इज्जत नी मिल्दी; होर भक्ति री जिन्दगी जीणे रे कठे आपणे आपा जो लगातार कोसिस करदा रेह।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 2:14

ये गल्ला जो मैं तुस्सा किन्हें बोलिरी, तुस्सा रे लोक इन्हा जो भूली नी जाये। होर प्रभु जो गुआह मनी किन्हें तू तिन्हो चेतावनी दे कि, स्यों सब्दा रे मतलबा पर बैहस नी करहे। एह्ड़ी बैहसा ले कोई फायदा नी आ; बल्की सुणने वाल़ेया जो नुकसान ही पूजा।

2 तिमिथियुस 2:21

एस तरीके किन्हें जो कोई विस्वासी आपणे आपा जो इन्हा बुरी गल्ला ले दूर रखा, ता से तेस कीमती भांडे साहीं हूंणा जो खास कामा रे कठे हुआ, जेसरा जिन्दगी पवित्र हुंगी; होर तेस आपणे माल्का रे काम आऊंणा, होर हर भले कामा रे कठे त्यार हूंणां।

2 तिमिथियुस 3:13

पर दुस्ट लोक, होर धोखा देणे वाले लोका एता ले भी बुरा काम करणा। तिन्हा लोका जो धोखा देणा होर आपु भी धोखा खाणा।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

तितुस 1:14

यहूदी लोका री काह्णियां पर होर तिन्हा माह्णुंआं रे हुक्मा पर मन नी ल्गाऊआ, जो सच्चाई ले भटकी जाहें।

तितुस 3:9

बन्सावली किन्हें जुड़ीरे विवाद, मूसा री व्यवस्था किन्हें जुड़ीरे रगड़े झगड़े होर मूर्खतापूर्ण मतभेदा री गल्ला मन्झ नी पया; क्यूंकि इन्हा बैहसा ले कोई फायदा नी आ, ये सभ बेकार ऐं।

इब्रानियो 12:15

होर ध्याना रखा कि, एह्ड़ा नी हो कि, कोई परमेसरा रे अनुग्रह ले छुटी जाए, या विस्वास नी करणे री कौउड़ी जड़ तुस्सा रे बीचा मन्झ फुटी निकले क्यूंकि जेबे से बझीरी ता आपणे जैहरा रे ज्रीए बौह्त सारी परेसानी जो बढाई देई।

2 पतरस 2:18

जेबे स्यों लोको स्खायें, स्यों बेकार होर बडयाई री गल्ला जो बोल्हे। स्यों बोल्हे कि स्यों आपणी सरीरा री इच्छा रे मताबक बेज्जत करणे वाली सारी गल्ला जो करही सक्हा ऐं। होर जिन्हें लोके ऐबे-ऐबे बुरे काम करणा छाडी किन्हें विस्वासी बणिरे, स्यों तिन्हा जो धोखा देई किन्हें वापस पाप करणे रे कठे हिम्मत दे।

2 पतरस 2:2

कई लोक जो आपणे आपा जो विस्वासी बोल्हे तिन्हा, तिन्हा लोका साहीं लुचपन करणा, इधी कठे दूजे जो विस्वासी लोक नी ऐं, जिन्दगी जीणे रे सही रस्ते रे बारे मन्झ निंदा करणी।

प्रकासना री गल्ला 13:14

होर पैहले राक्सा जो दूजे राक्सा रे साम्हणें ये सारे चिन्हा दसणे रा हक दितिरा था। होर इन्हा चिन्हा रे ज्रीए से धरती पर रैह्णे वाले सभ लोका जो भड़काई करहा था। तिन्हें आदेस दितिरा था कि स्यों पैहले राक्सा री मूर्ति बणाए, जेस जो तलवारा किन्हें चोट लगीरी थी पर ऐबे से ठीक हुई गईरा था।

प्रकासना री गल्ला 13:3

होर मैं राक्सा रे मूंडा मन्झा ले एकी पर एडी भारी चोट लगिरी देखी, जेता ले से मरी सक्हा था। पर तेसरी से जान लेवा चोट ठीक हुई गई, होर सारी धरती रे लोक तेस राक्सा जो देखी किन्हें हरान हुई गये, होर तेस जो मनदे लगे।