2 तिमिथियुस 2:15 - मंडयाली नंऊँआं नियम

¹⁵ आपणे आपा जो परमेसरा रे ज्रीए ग्रहण करणे रे लायक बनाई किन्हें होर एह्ड़े सेऊआदारा रे रूपा मन्झ आपणे आपा जो दसणे री कोसिस करदे रैहया, जेस ले केसी भी गल्ला रे कठे सर्मिन्दा हूंणे री जरूरत नी हो। होर जो परमेसरा रे सच्चाई रे बचना जो ठीक तरहा ले इस्तेमाल करदा हो।

2 तिमिथियुस 2:15 Iomraidhean Croise

मत्ती 13:52

यीसूए तिन्हा किन्हें बोल्या, “इधी कठे हर एक व्यवस्था स्खाणे वाल़े जो स्वर्गा रे राज्या रा चेला बणी गईरा, से तेस घरा रे माल्का साहीं आं जो आपणे भण्डारा ले नौंईं होर पुराणी चीजा काढा।”

मरकुस 4:33

होर से लोका जो एस तरीके रे बौह्त सारे उदाहरण देई-देई किन्हें तिन्हारी समझा रे मताबक परमेसरा रा बचन सुणाहां था।

लूका 12:42

प्रभुए बोल्या, “भरोसे रे लायक होर समझदार भंडारी से आ, जेसरा माल्क तेस जो नौकर चाकरा पर मुखिया बणा कि, से तिन्हा जो टैमा पर खाणा दे।

चुणिरे चेले रे काम 2:22

हे इस्राएल देसा रे लोको, इन्हा बचना जो सुणां: नासरता रे रैहणे वाले यीसू जो तुस्से सब जाणहां ऐं। तिन्हें चमत्कारा रे काम, होर नौखे काम, जो तिन्हें परमेसरा रे ज्रीए तुस्सा रे साम्हणें किते, ये साबित करदा रैहया कि से परमेसरा री वखा ले आ।

चुणिरे चेले रे काम 20:27

क्यूंकि मैं परमेसरा री सारी इच्छा तुस्सा जो दसी दितिरी होर तेता मन्झ ले कुछ भी नी ल्कोई रा।”

रोमियो 14:18

जो कोई इंहां मसीह री सेऊआ करहा ता परमेसरा तेस ले खुस हुई जां होर माह्णुं भी तेसरे बारे मन्झ खरा बोल्हा।

रोमियो 16:10

अपिल्लेस भाई जो मेरा नमस्कार, जो परखणी रे बाद भी मसीह पर विस्वास करणे मन्झ मजबूत रह्या। अरिस्तुबुलुस भाईया रे परिवारा जो भी मेरा नमस्कार।

रोमियो 6:13

होर आपणे सरीरा रे अंगा जो बुरी काम करणे रे कठे पाप जो ना सौंपा, पर आपणे आपा जो मरिरे मन्झा ले जिउंदा जाणी किन्हें आपणी जिन्दगी परमेसरा जो सौंपा। आपणे सरीरा रे अंगा जो धार्मिकता रे कामा रे कठे परमेसरा जो पूरी तरहा सौंपा।

1 कुरिन्थियो 2:6

फेरी भी हांऊँ तिन्हा लोका जो जेह्ड़े आत्मिक रूपा ले स्याणे तिन्हारे बीचा मन्झ ज्ञाना री गल्ला रा प्रचार करहा; पर ये ज्ञान माह्णुंआं रा ज्ञान नी आ, होर एस संसारा रे हाकमा रा भी ज्ञान नी आ जिन्हारा नास हूंणे वाल़ा आ।

2 कुरिन्थियो 10:18

क्यूंकि जो आपणी बड़ाई करहा, से नी, बल्की जेसरी बड़ाई प्रभु करहा, तेस जो ई परमेसर ग्रैहण करहा।

2 कुरिन्थियो 3:6

जिन्हें आस्से नौंईं वाचा रे सेऊआदार हूणें रे लायक भी किते, मूसा री लिखिरी व्यवस्था रे सेऊआदार नी बल्की आत्मा रे सेऊआदार ऐं; क्यूंकि लिखिरी व्यवस्था मारहा ई, पर पवित्र आत्मा अनंत जिन्दगी देहां ई।

2 कुरिन्थियो 4:2

बल्की आस्से ता बेज्जती री गल्ला होर गुप्त काम करणा छाडी दिते, ना आस्से चलाकी करहा ऐं, होर ना आस्से परमेसरा रे बचना मन्झ मिलावट करहा ऐं, बल्की परमेसरा रे साम्हणें सिर्फ सच्चाई री गल्ला बोल्हा ऐ। होर हर माह्णुं एस गल्ला री गुआही देई सकां कि आस्से सच्चे ऐं।

2 कुरिन्थियो 5:9

ऐस वजहा ले आस्सा रे मना री इच्छा येई कि, चाहे आस्से स्वर्गा मन्झ परमेसरा साउगी रहे, चाहे धरती मन्झ तेस ले दूर रहे, पर आस्से तेस जो खरे लगदे रहे।

गलातियो 1:10

ऐबे हांऊँ सिर्फ परमेसरा री राजी चाहां, होर कोई दूजे लोका री नी, होर हांऊँ केसी माह्णुंआं जो खुस करणे री कोसिस नी करदा लगिरा। अगर हांऊँ एह्ड़ा ही करदा, ता हांऊँ मसीह रा सेऊआदार नी हुन्दा।

इफिसियो 1:13

होर तुस्सा साउगी भी एह्ड़ा हुईरा। तुस्से सच्ची खबर सुणी जो एस गल्ला री खुसी री खबर ई कि परमेसर किहाँ तुस्सा रा उद्धार करहा। होर जेबे तुस्से यीसू मसीह पर विस्वास कितेया ता परमेसरे तुस्सा जो से पवित्र आत्मा दिती, जेता रा देणे रा वादा तिन्हें आपणे लोका किन्हें कितिरा था। होर ये पवित्र आत्मा एस गल्ला री छाप ई कि तुस्से परमेसरा रे।

1 थिस्सलुनकियो 2:4

पर जिहां परमेसरे आस्सा जो लायक समझी किन्हें आपणी खुसी री खबर आस्सा जो दिती। इधी कठे आस्से माह्णुंआं जो नी पर दिला जो जांचने वाले परमेसरा जो खुस करणे रे कठे प्रचार करहा ऐं।

1 थिस्सलुनकियो 5:14

होर हे भाईयो होर बैहणो, आस्से तुस्सा ले अर्ज करहा ऐं कि, जो काम करणे मन्झ आलस करहा, तिन्हा जो समझाऊआ, डरपोका जो हिम्मत देआ, जो विस्वासा मन्झ कमजोर ऐं तिन्हो संभाला, सभी किन्हें सैहनसीलता रखा।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

इब्रानियो 4:11

इधी कठे आस्से भी तेस अराम री जगहा मन्झ दाखल हूंणे कठे कड़ी मेहनत करिए। एह्ड़ा नी हो कि कोई भी तिन्हा लोका साहीं परमेसरा रे हुक्म ना मनणे री वजहा ले तेस अराम री जगहा मन्झ दाखल हूंणे ले रही जाए।

याकूब 1:12

धन्य आ से आदमी, जो परखणी मन्झ मजबूत रैंहयां; क्यूंकि तेस तेस्सा परखणी जो पार करी किन्हें अनंत जिन्दगी रा से मुकट पाणा, जेसरा देणे रा वादा परमेसरे तिन्हा कठे कितिरा, जेह्ड़े परमेसरा किन्हें प्यार करहे।

याकूब 1:18

परमेसरे आपणी ई इच्छा ले सच्चाई रे बचना रे ज्रीए आस्से आपणे बच्चे बणाईरे, ताकि आस्से तेसरी रचीरी सारी चीजा मन्झा ले खास हो, जिहां जे नाजा रे पैहले फला खास हूँआ ऐं।

2 पतरस 1:10

इधी कठे हे भाईयो होर बैहणो, हर से काम करणे री पूरी कोसिस करहा, जेता ले तुस्से आपणे आपा जो होर दूजे लोका जो जाहिर करी सको कि परमेसरे पक्का तुस्से चुणिरे; होर आपणे लोक हूंणे रे कठे सादीरे। क्यूंकि अगर एह्ड़ा करघे, ता तुस्सा कधी भी पापा मन्झ नी पऊणा।

2 पतरस 1:15

हांऊँ इधी कठे इन्हा गल्ला जो लिखणे री कोसिस करी करहा कि मेरे मरणे ले बाद तुस्से इन्हा सभ गल्ला जो हमेसा याद करी सको।

2 पतरस 3:14

इधी कठे, हे लाडले भाईयो होर बैहणो, जेबे तुस्से तेस ध्याड़े रा इंतजार करहे जेबे परमेसरा संसारा रा न्याय करणा, ता पूरी कोसिस करा कि आपणे आपा जो बेदाग होर बेकसूर होर तेसरे साउगी सांति मन्झ रखी पाओ।