2 तिमिथियुस 2:14 - मंडयाली नंऊँआं नियम

¹⁴ ये गल्ला जो मैं तुस्सा किन्हें बोलिरी, तुस्सा रे लोक इन्हा जो भूली नी जाये। होर प्रभु जो गुआह मनी किन्हें तू तिन्हो चेतावनी दे कि, स्यों सब्दा रे मतलबा पर बैहस नी करहे। एह्ड़ी बैहसा ले कोई फायदा नी आ; बल्की सुणने वाल़ेया जो नुकसान ही पूजा।

2 तिमिथियुस 2:14 Iomraidhean Croise

मत्ती 16:26

होर अगर तुस्से पूरे संसारा री चीज़ा कठा करी ले, पर फेरी भी अनंत जिन्दगी नी पाई सके, ता तेता ले तुस्सा जो क्या फायदा? क्यूंकि कोई भी माह्णुं केसी चीजा री तुलना अनंत जिन्दगी किन्हें नी करी सक्दा।

चुणिरे चेले रे काम 13:10

“हर किस्मा रे धोखे होर मकारी किन्हें भर्ही रे सैताना रे बच्चे, तू जे सारी धार्मिकता रा दुस्मण आ, क्या तुध प्रभु रे सीधे पैंडे जो टेढा करणा नी छाडणा?

चुणिरे चेले रे काम 15:24

आस्से सुणिरा कि, आस्सा मन्झा ले बौह्त जणे तेथी जाई किन्हें, तुस्सा जो आपणी गल्ला ले डराई दितिरा; होर तुस्सा रे मन बदली दितिरे, पर आस्से तिन्हा जो एह्ड़ा करणे रा हुक्म नी दितिरा था।

रोमियो 14:1

विस्वासा मन्झ कमजोर आदमी जो तेसरे व्यक्तिगत राय पर बगैर सक करी किन्हें अपनाई लो।

गलातियो 1:7

पर कोई दूजा उपदेस ता हाया नी, पर सिर्फ मसीह री सच्ची खुसी री खबर ई। पर कुछ लोक एह्ड़े ऐं, जो मसीह री खुसी री खबरा रे मतलबा जो बदलना चाहें, होर तिन्हें तुस्सा जो धोखा दितिरा।

इफिसियो 4:17

इधी कठे जो हक मुंजो प्रभुए दितिरा, तेस हका किन्हें हांऊँ बोल्हा कि, परमेसरा पर विस्वास नी करणे वाले लोका साहीं आपणी जिन्दगी मत जीया, जिन्हारी सोच बेकार ई।

1 थिस्सलुनकियो 4:1

हे भाईयो होर बैहणो ऐबे आखरी, आस्से तुस्सा ले अर्ज करहा ऐं, होर तुस्सा जो प्रभु यीसू मन्झ सम्झाहें कि, जिहां तुस्से आस्सा ले ठीक व्यवहार रखणा, होर परमेसरा जो खुस करणा सिख्या, होर तुस्से ठीक व्यवहार रख्हा ऐ भी, तिहां ईं इन्हा गल्ला मन्झ होर बी ज्यादा बढ़दे जाऊआ।

2 थिस्सलुनकियो 3:6

हे भाईयो होर बैहणो, जो हक आस्से प्रभु यीसू मसीहे आस्सो दितिरा आस्से तुस्सा जो हुक्म दे; कि हर एक एह्ड़े विस्वासी भाई बैहणा जो लेखे नी पाऊआ, जो नकर्मा आ, होर आस्से जो गल्ला सखाईरी, तेता रे मताबक नी करदा।

1 तिमिथियुस 1:4

होर लोका किन्हें बोल कि स्यों पुराणी मन घड़न्त काह्णियां, होर तिन्हारे बापदादेया री नांऊँआ री लम्बी सूची रे बारे री गल्ला पर आपणा टैम बर्बाद नी करहे। इन्हा गल्ला ले सिर्फ बैहस हुंहाँ ईं; होर बैहस करणे ले आस्सा री जिन्दगी मन्झ परमेसरा री योजना पूरी नी हुन्दी, होर एह्ड़ी योजना सिर्फ तेस पर विस्वासा करणे वाले रे ज्रीए ही पूरी हुईं।

1 तिमिथियुस 1:6

झूठे उपदेसा जो स्खाणे वाले एह्ड़े खरे कामा जो करणा छाडी दितिरा, होर बेकारा री बैहस-बाजी मन्झ फसी गईरे।

1 तिमिथियुस 4:8

क्यूंकि सारीरिक व्यायाम ले थोह्ड़ा ई फायदा हुंहाँ, पर भक्ति सभ गल्ला रे कठे फायदेमंद ई, क्यूंकि एस जिन्दगी मन्झ होर आऊणें वाले जिन्दगी मन्झ भी परमेसरा री वादा कितिरी जिन्दगी तुस्सा जो मिलाईं।

1 तिमिथियुस 5:21

परमेसर, मसीह यीसू, होर चुणिरे स्वर्गदूता रे साम्हणें हांऊँ तूजो ये आदेस देहां कि बिना केसी भेदभावा रे इन्हा बिधिया जो पूरा कर, होर सभी किन्हें एक जेह्ड़ा बर्ताव कर।

1 तिमिथियुस 6:13

परमेसरा जो गुआह मनी किन्हें, जो सभी जो जिन्दगी देहां, होर मसीह यीसू जो भी गुआह मनी किन्हें जिन्हें पुन्तियुस, पिलातुस हाकमा रे साम्हणें सच्च बोलिरा था, हांऊँ तुजो ये हुक्म देहां,

2 तिमिथियुस 1:6

इधी कठे हांऊँ तुजो याद दिलाहां कि, तू परमेसरा रे तेस वरदाना जो, जो मेरे हाथ रख्णे ले तुजो मिलिरा तेस जो होर चमकाई दे।

2 तिमिथियुस 2:16

सांसारिक होर बेकारा री गल्ला ले दूर रैहया, क्यूंकि एह्ड़े लोक होर भी ज्यादा परमेसरा ले दूर हुई जाहें।

2 तिमिथियुस 2:23

पर नर्क्कली, होर बेकारा री बैहसा ले दूर रैहया। क्यूंकि तुस्से जाणहां ऐं कि इन्हा ले लड़ाई-झगड़े हुंहाँ ऐं।

2 तिमिथियुस 4:1

जेबे मसीह यीसू राजेया साहीं राज करदे आऊंणा, तेबे तेस जिउंदेया रा होर मरिरे दुहीं रा न्याय करणा। होर इधी कठे परमेसर होर मसीह जो गुआह मनी किन्हें हांऊँ तुजो आदेस देआ,

तितुस 3:1

विस्वासी लोका जो याद दिलाया कर कि, हाकमा होर अधिकारिया री इज्जत करहा, होर तिन्हारे अधीन रेहा, होर दूजे कठे खरे काम करणे रे कठे त्यार रैहया।

इब्रानियो 13:9

क्यूंकि यीसू मसीह कधी नी बदल्दा कोई तुस्सा जो कई किस्मा रे अजीब उपदेसा रे ज्रीए खरे रस्ते ले नी भड़काए, क्यूंकि तुस्सा रे मना रे कठे ये खरा आ कि स्यों अनुग्रहा रे ज्रीए पक्के बणे, ना कि खाणे पीणे री चीजा रे बिधिया रे मनणे ले, क्यूंकि इन्हा गल्ला जो मनणे ले तिन्हारा भी कोई फायदा नी आ, जो इन्हा गल्ला जो मन्हें थे।

2 पतरस 1:13

आस्सा रे प्रभु यीसू मसीहे मुंजो ये गल दसीरी कि मेरे मरणे रा टैम जल्दी आऊणें वाल़ा आ। इधी कठे हांऊँ सोच्हा कि मेरे कठे ये ठीक आ कि, मेरे ऐबे जिउंदे रैहन्दे ही इन्हा गल्ला रे बारे मन्झ तुस्सा जो याद कुरांदा ही रहूँ।