2 तिमिथियुस 2:13 - मंडयाली नंऊँआं नियम

¹³ भले ही आस्से मसीह रे कठे भरोसे रे लायक नी ऐं, तेबे भी से भरोसे रे लायक बणी रैंहयां, क्यूंकि से आपणे ही स्वभावा रे खलाफ झूठा नी हुई सक्दा।

2 तिमिथियुस 2:13 Iomraidhean Croise

मत्ती 24:35

आसमान होर धरती टली जाणे, पर जो मैं बोली दितेया, से पूरा हुई किन्हें रैहणा।”

रोमियो 3:3

अगर यहूदी लोका मन्झा ले कुछ परमेसरा रे प्रति धोखा देणे वाले भी निकले ता क्या हुआ? क्या एता रा मतलब ये आ कि परमेसर धोखा देणे वाल़ा आ, होर तिन्हें तिन्हा किन्हें आपणे कितिरे वादे जो पूरा नी करणा?

रोमियो 9:6

परमेसरे आपणा वादा पूरा कितेया, क्यूंकि इस्राएल देसा रे लोका रे सारे बंस सच्चे परमेसरा रे लोक नी ऐं।

1 कुरिन्थियो 1:9

होर तुस्से पक्का जाणी लो कि परमेसरा एह्ड़ा ही करणा, क्यूंकि परमेसर आपणे वादे जो पूरा करणे रे कठे सच्चा आ; होर तिन्हें तुस्से आपणे मह्ठे आस्सा रे प्रभु यीसू मसीह साउगी एक हूणे रे कठे चुणी लितिरा।

1 थिस्सलुनकियो 5:24

तुस्सा रा सादणे वाल़ा सच्चा आ, क्यूंकि तिन्हें तुस्से पवित्र बणने रे कठे सादीरे इधी कठे से तुस्सा री मदद करहा कि तुस्से पवित्र बणी सको।

2 थिस्सलुनकियो 3:3

पर प्रभु भरोसे रे लायक आ, तेस तुस्से आत्मिक रूपा ले मजबूत करणे, होर तेस दुस्ट सैताना ले बचाणे।

तितुस 1:2

जेसरी वजहा ले स्यों परमेसरा साउगी अनंत जिन्दगी जीणे री आस रखे। एह्ड़ा परमेसर जो कधी झूठ नी बोल्दा, होर जिन्हें संसारा रे रचणे ले पैहले ले ही वादा कितिरा था कि तेसरे लोका जुग-जुग जिउंदे रैहणा।

इब्रानियो 6:18

ता एथी फेरी दो गल्ला ई एक तेसरी वाचा होर दूजी तेसरी कसम जो कधी नी बधली सक्दी होर जिन्हारे बारे मन्झ परमेसर कधी झूठ नी बोली सकदा। इधी कठे आस्से परमेसरे वाले बचणे रे कठे आईरे होर जो आस तिन्हें आस्सो दितिरी, से पकड़ीरी, होर बौह्त ज्यादा उत्साही ई।