2 तिमिथियुस 2:11 - मंडयाली नंऊँआं नियम

¹¹ ये भरोसे करणे रे लायक गल्ला ई कि, अगर आस्से मसीह साउगी मरी गईरे, ता आस्सा तेस साउगी जिउंदे भी हूंणा।

2 तिमिथियुस 2:11 Iomraidhean Croise

यहून्ना 14:19

होर थोह्ड़े ही टैम रे बाद संसारा हांऊँ नी देखणा, पर तुस्सा हांऊँ देखणा, क्यूंकि हांऊँ जिउंदा हुई जाणा, होर तुस्सा भी जिउंदे रैंह्णां

रोमियो 6:5

क्यूंकि अगर आस्से बपतिस्मे रे ज्रीए तेसरी मौता मन्झ एस तरीके किन्हें तेसरे साउगी एक हुई गये, ता पक्का तेसरे मरिरे मन्झा ले जी उठणा री समानता मन्झ भी आस्सा तेस साउगी एक हुई जाणे।

रोमियो 6:8

होर अगर आस्से मसीह साउगी मरी गये, ता आस्सा रा ये विस्वास आ कि, आस्सा तेस साउगी जीणा भी आ।

2 कुरिन्थियो 13:4

से कमजोर हुँदै हुए क्रूसा प्रयाल्हे चढ़ाया ता गया, तेबे बी परमेसरा री सामर्था ले से जिउंदा हुआ। आस्से भी मसीह साहीं कमजोर ऐं, पर तुस्सा रे कठे परमेसरा री सामर्था रे आस्सा तेस साउगी जीणा।

2 कुरिन्थियो 4:10

आस्से हमेसा तिन्हा गल्ला जो आपणे सरीरा मन्झ सैहन करहे, जेहड़ी यीसूऐ मरदे हुए सैहीरा था; ताकि आस्सा रे कामा ले लोक यीसू री जिन्दगी रे बारे मन्झ जाणी सके।

1 थिस्सलुनकियो 4:17

तेता ले बाद आस्से विस्वासी लोक, जो जिउंदे ऐं, तिन्हा साउगी आसमाना मन्झ प्रभु किन्हें मिलणे रे कठे बदला पर उठाए जाणे, होर तेबे ले आस्सा जुग-जुग आपणे प्रभु साउगी रैंह्णां।

1 थिस्सलुनकियो 5:10

यीसू मसीह आस्सा रे कठे इधी कठे मरेया, ताकि चाहे आस्से जिउंदे हो, या चाहे मरी जाए; जेबे तेस दबारा वापस आऊंणा ता आस्से सभ मिली किन्हें तेस साउगी जिन्दगी जी सके।

1 तिमिथियुस 1:15

ये भरोसे करणे रे लायक गल्ला ई होर हर तरहा मन्नणे रे लायक ई कि, मसीह यीसू आस्सा पापिया रा उद्धार करणे रे कठे संसारा मन्झ आया, जिन्हा मन्झ सभी ले बडा पापी हांऊँ था।

1 तिमिथियुस 3:1

ये भरोसे करणे रे लायक गल्ला ई कि, जो कलीसिया रे अगुवा बणना चाहां, से इज्जता रे लायक काम करणे री इच्छा रखे।

तितुस 3:8

ये जो कुछ मैं ऐबे तुस्सा जो लिखिरा ये भरोसे करणे रे लायक गल्ला ई, हांऊँ ये चाहां कि तू इन्हा गल्ला रे बारे मन्झ मजबूती किन्हें विस्वासी लोका जो सखा, इधी कठे कि जिन्हें लोके परमेसरा पर विस्वास कितिरा, स्यों आपणा ध्यान भले काम करणे रे मन्झ लगाई रखे। ये सखाईरी गल्ला सब लोका रे कठे खरी होर फायदेमंद ई।