2 तिमिथियुस 2:1 - मंडयाली नंऊँआं नियम

¹ इधी कठे हे मेरे मह्ठे तिमिथियुस, तू ये जाणी किन्हें आपणे आपा जो मजबूत कर कि, परमेसरे तुजो से अनुग्रह दितिरा, जो आस्सा रे मसीह यीसू साउगी एक हूंणे ले वजहा ले मिला।

2 तिमिथियुस 2:1 Iomraidhean Croise

1 कुरिन्थियो 16:13

चतन्न रहुआ, तुस्से विस्वासा मन्झ मजबूत बणी रहुआ, होर साहसी बणा।

इफिसियो 6:10

होर आखरी मन्झ हांऊँ ये लिखणा चाहां कि, प्रभु ले होर तेसरी महान सामर्था ले ताकत पाई किन्हें आत्मिक रूपा ले मजबूत बणा।

फिलिप्पियो 4:13

मसीह रे ज्रीए जो मुंजो सक्ति देहां तेता मन्झ हांऊँ सभ कुछ करी सक्हा।

1 तिमिथियुस 1:18

मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

1 तिमिथियुस 1:2

हे तिमिथियुस, हांऊँ ये चिठ्ठी तुजो लिखी करहा, तू मेरे आपणे मह्ठे साहीं आ क्यूंकि तू भी मसीह पर विस्वास रखा। हांऊँ प्रार्थना करहा कि बापू परमेसर होर आस्सा रा प्रभु मसीह यीसू तुजो अनुग्रह, दया, होर सांति देंदा रहे।

2 तिमिथियुस 1:1

हाऊँ पौलुसा एस्सा चिठ्ठी जो लिखी करहा। परमेसरे चाहां कि हाऊँ यीसू मसीह रा चुणिरा चेला बणुं। तिन्हें हांऊँ इधी कठे चुणेया कि हांऊँ ये प्रचार करी सकूं कि मसीह साउगी एक हूंणे री वजहा ले परमेसरे आस्सो अनंत जिन्दगी देणे रा वादा कितिरा।

2 तिमिथियुस 1:2

हे तिमिथियुस, हांऊँ ये चिठ्ठी तुजो लिखी करहा, होर हांऊँ तेरे किन्हें आपणे मह्ठे साहीं प्यार करहा। हांऊँ प्रार्थना करहा कि बापू परमेसर होर आस्सा रा प्रभु यीसू मसीह तुजो अनुग्रह, दया होर सांति देंदा रहे।

2 तिमिथियुस 1:7

क्यूंकि परमेसरे आस्सा जो, जो आत्मा दितिरी से आस्सो डरपोक नी बणान्दी; एता रे बजाय से आस्सा रे दिला जो मजबूत करी किन्हें होर मदद कर कि आस्से दूजे किन्हें प्यार करहे, होर आपणे गास काबू रखी सके।

2 तिमिथियुस 2:10

इधी कठे हांऊँ परमेसरा रे चुणिरे लोका रे कठे सभ कुछ सैहन करहा, ताकि स्यों भी मसीह यीसू पर विस्वास करी किन्हें उद्धार पाए, होर अनंत महिमा पाए।

2 तिमिथियुस 4:17

पर प्रभु मेरा मददगार रैहया, होर तिन्हें मुंजो सामर्थ दिती; ताकि हांऊँ तेस कच्हरी मन्झ बैठीरे सभी लोका जो मसीह रे बारे मन्झ खुसी री खबरा रा प्रचार करी सकेया, होर सभ तेस गैर-यहूदी लोक तेसरे प्रचारा जो सुणी सके। होर एस तरहा तिन्हें हांऊँ मरणे ले बचाई लेया जिहां एक भूखे सेरा रे मुंहा ले बचाया।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।