2 तिमिथियुस 1:9 - मंडयाली नंऊँआं नियम

⁹ परमेसरे ही आस्सा रा उद्धार कितेया, होर आस्से पवित्र जिन्दगी जीणे रे कठे सादे; होर तिन्हें आस्से आस्सा रे भले कामा री वजहा ले नी पर आपणी योजना रे मताबक सादेया। परमेसरे एस संसारा जो रचणे ले पैहले ही तय करी लितिरा था कि यीसू मसीह जो एस संसारा मन्झ भेजी किन्हें आस्सा पर आपणा ये अनुग्रह दसणा।

2 तिमिथियुस 1:9 Iomraidhean Croise

मत्ती 1:21

तेस्सा एक बच्चा जमणा होर तू तेसरा नांऊँ यीसू रख्या, क्यूंकि तेस आपणे लोका रा तिन्हारे पापा ले उद्धार करणा।”

लूका 10:21

तेस ई टैम से पवित्र आत्मा मन्झ हुई किन्हें खुसी किन्हें भर्ही गया, होर बोल्या, “हे बापू, स्वर्गा होर धरती रे प्रभु, हांऊँ तेरा धन्यावाद करहा कि, तैं ये गल्ला बुद्धिमाना होर समझदारा लोका ले ल्कोई किन्हें रखी, होर छोटे बच्चेया साहीं लोका पर जाहिर किती। हां, हे बापू, क्यूंकि तुस्सा जो येई खरा लग्या।

यहून्ना 17:24

हे बापू, हांऊँ चाहां कि जेह्ड़े लोक तैं मुंजो दितिरे, जेथी हांऊँ आं, तेथी स्यों भी मेरे साउगी हो कि स्यों मेरी तेस महिमा जो देखी सके जो तैं मुन्जो दितीरी, क्यूंकि तैं संसारा रे रचणे ले पैहले ले ई मेरे किन्हें प्यार रख्या।”

यहून्ना 17:9

“हांऊँ तिन्हारे कठे प्रार्थना करहा। हांऊँ संसारा रे लोका रे कठे प्रार्थना नी करदा, पर तिन्हारे कठे जो तैं मुंजो दितिरे, क्यूंकि स्यों तेरे ऐं।

यहून्ना 6:37

जितने भी लोक बापू मुंजो देहां स्यों से मेरे वाले आहूँआं ऐं, होर जो मेरे वाले आहूँआं ऐं, मां पक्का स्यों अपनाणे।

चुणिरे चेले रे काम 15:18

येई गल से ही प्रभु बोल्हा जो संसारा री सुर्हूआता ले इन्हा गल्ला रा खबर देंदा आया।”

चुणिरे चेले रे काम 2:47

होर परमेसरा री बड़ाई करहा ऐं थे, होर सभ लोक तिन्हा ले बड़े खुस थे। होर जो उद्धार पाहें थे, परमेसर तिन्हा जो हर रोज तिन्हारे समूहा मन्झ मिलाई देहां था।

रोमियो 11:14

ताकि किहाँ नी किहाँ हांऊँ आपणे यहूदी लोका मन्झ जल्नी कुराई किन्हें तिन्हा मन्झा ले एकी रा भी उद्धार करी सकूं।

रोमियो 11:29

क्यूंकि परमेसर आपणे दाना ले, होर बुलाहटा ले कधी पीछे नी हटदा।

रोमियो 16:25

ऐबे आस्से परमेसरा री बढ़ाई करहे, जो तुस्सा जो मेरे सुणाई री खुसी री खबरा रे ज्रीए यानि यीसू मसीह रे बारे मन्झ कितिरे प्रचार रे मताबक, तुस्सा जो विस्वासा मन्झ मजबूत करी सक्हा। यीसू मसीह रे एस प्रचारे तुस्सा अन्यजाति लोका रे कठे परमेसरा री योजना जो जाहिर करी दितिरा, से योजना जो सुर्हू ले ही भेदा मन्झ ल्कोई रखिरी थी।

रोमियो 3:20

क्यूंकि मूसा री व्यवस्था जो मनणे रे ज्रीए कोई भी माह्णुं परमेसरा री नजरा मन्झ धर्मी माह्णुं नी बणी सकदा, इधी कठे कि व्यवस्था आस्सो दसी कि आस्से पापी ऐं।

रोमियो 9:11

होर हल्ली तक ना ता बच्चे जम्मिरे थे, होर ना तिन्हें बच्चे कुछ भला या बुरा कितिरा था, परमेसरे रिबका किन्हें बोलेया कि “तेरे जेठे मह्ठे छोटे मह्ठे री सेऊआ करणी।” परमेसरे ये गल जाहिर करणे रे कठे बोली कि से आपणे मना री इच्छा ले लोका जो चुणा, ना कि तिन्हारे कितिरे केसी कामा री वजहा ले।

रोमियो 9:24

मतलब आस्सा पर जिन्हा जो तिन्हें ना सिर्फ यहूदी लोका मन्झा ले पर अन्यजाति लोका मन्झा ले भी चुणेया।

1 कुरिन्थियो 1:18

जेबे लोक मसीह रे क्रूसा प्रयाल्हे मरणे री खबरा जो सुणे ता कुछ लोका जो ये खबर नर्क्कल्या री गल लगा ई। जो एह्ड़ा सोचे स्यों नरका मन्झ नास हूंणे रे कठे बढ़दे लगिरे, पर आस्से लोके जिन्हें एस खबरा पर विस्वास कितिरा आस्सा रे कठे ये परमेसरा री से सामर्थ ई जेसरे ज्रीए से लोका जो बचाहां।

इफिसियो 1:11

मसीह साउगी एक करी किन्हें, परमेसरे आस्सा यहूदी लोका जो भी आपणे लोक हूंणे रे कठे चुणी लितेया, क्यूंकि सुर्हू ले तेसरी ये ही योजना थी। से सब कुछ आपणी इच्छा ले होर खरे मकसदा रे कठे करहा।

इफिसियो 1:9

सेई कितेया, जेसरी तिन्हें योजना बणाईरी थी। तिन्हें आस्सा पर आपणी ल्कोईरी योजना जाहिर किती, जो तिन्हें पैहले ले ही मसीह रे ज्रीए पूरी करणे रा फैसला लितिरा था।

इफिसियो 2:5

जेबे आस्से पापा री वजहा ले मरिरे लोका साहीं थे, ता मानो परमेसरे आस्से मसीह साउगी दबारा जिउंदे किते। परमेसरा रे अनुग्रहा री वजहा ले आस्सा रा उद्धार हुईरा।

इफिसियो 3:11

परमेसरे एह्ड़ा आपणी अनंत योजना रे मताबक कितेया, जेस योजना जो तिन्हें आस्सा रे प्रभु यीसू मसीह रे ज्रीए पूरा कितेया।

फिलिप्पियो 3:14

हांऊँ न्साणे री तरफ आगे बड़ी करहा, ताकि इनाम पाऊं, होर मेरा इनाम ये आ कि परमेसरे हांऊँ स्वर्गीय जिन्दगी वखा जो सादिरा। ये एह्ड़ा इधी कठे हुआ क्यूंकि यीसू मसीह मेरे कठे मारी दितिरा था।

1 थिस्सलुनकियो 4:7

क्यूंकि परमेसरे आस्से असुद्ध जिन्दगी जीणे रे कठे नी, पर पवित्र जिन्दगी जीणे रे कठे सादिरे।

1 तिमिथियुस 1:1

हांऊँ पौलुस, एस्सा चिठ्ठी जो लिख्या करहा। आस्सा रे उद्धारकर्ता परमेसर होर यीसू मसीह रे हका ले जेस पर आस्से आस रखे, हांऊँ यीसू मसीह रा चुणिरा चेला आ।

2 तिमिथियुस 1:1

हाऊँ पौलुसा एस्सा चिठ्ठी जो लिखी करहा। परमेसरे चाहां कि हाऊँ यीसू मसीह रा चुणिरा चेला बणुं। तिन्हें हांऊँ इधी कठे चुणेया कि हांऊँ ये प्रचार करी सकूं कि मसीह साउगी एक हूंणे री वजहा ले परमेसरे आस्सो अनंत जिन्दगी देणे रा वादा कितिरा।

तितुस 1:2

जेसरी वजहा ले स्यों परमेसरा साउगी अनंत जिन्दगी जीणे री आस रखे। एह्ड़ा परमेसर जो कधी झूठ नी बोल्दा, होर जिन्हें संसारा रे रचणे ले पैहले ले ही वादा कितिरा था कि तेसरे लोका जुग-जुग जिउंदे रैहणा।

इब्रानियो 3:1

इधी कठे हे विस्वासी भाई बैहणो, तुस्से परमेसरा रे, क्यूंकि तिन्हें तुस्से स्वर्गा री जिन्दगी मन्झ साझी हूंणे रे कठे सादिरे। तेस मसीह यीसू पर ध्यान देआ जेस जो आस्से मन्ना ऐं होर जेस जो परमेसरा री खुसी री खबरा रे कठे परमेसरा रा दूत होर बडा याजक रे रूपा मन्झ भेजीरा।

1 पतरस 1:20

संसारा जो रचणे ले बौह्त पैहले ले ही परमेसरे फैसला करी लितिरा था कि यीसू मसीह ही उद्धारकर्ता हूंणा, पर ऐबे से आखरी ध्याड़े मन्झ एस संसारा मन्झ आया ताकि तुस्सा री मदद करी सके।

1 पतरस 2:9

पर तुस्से एह्ड़े लोक नी ऐं, तुस्से परमेसरा रे चुणिरे लोक ऐं। होर परमेसरा रे याजक लोक, जो राजे होर पवित्र लोक, होर परमेसरा रे आपणे लोक ऐे, तिन्हें तुस्से नहयारे मन्झा ले आपणी नौखे प्रयासे मन्झ सादी लईरे ताकि तुस्से परमेसरा रे नौखे कामा रा प्रचार करी सको।

प्रकासना री गल्ला 13:8

होर धरती रे सभ रैहणे वाले लोका तेसरी राक्सा री अराधना करणी, यानि स्यों सारे लोक जिन्हारे नांऊँ संसारा री सुर्हूआता ले लेई किन्हें छेलू री जिन्दगी री कताबा मन्झ नी लिखी गईरे। छेलू ई आ जो मारी दितिरा था।

प्रकासना री गल्ला 17:8

जो राक्स तैं देख्या, ये पैहले ता जिउंदा था, पर ऐबे जिउंदा नी आ। से डुगहे गड्ढे ले निकल्ने वाल़ा आ, होर परमेसरा तेसरा नास करी देणा। होर धरती रे रैहणे वाले जिन्हा लोका रे नांऊँ संसारा जो रचणे ले पैहले ले ही जिन्दगी री कताबा मन्झ नी लिखिरे, तिन्हा सभिया एस राक्सा जो दबारा जिउंदे देखी किन्हें हरान हूंणां।”