2 तिमिथियुस 1:8 - मंडयाली नंऊँआं नियम

⁸ इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

2 तिमिथियुस 1:8 Iomraidhean Croise

मरकुस 8:38

एस गल्ला पर सोच विचार करा, जो कोई एस व्यभिचारी होर पापी जाति रे बीच मेरे होर मेरे बचना री वजहा ले मेरा इनकार करणा, मां माह्णुं रे मह्ठे जेबे पवित्र स्वर्गदूता किन्हें आपणे बापू री महिमा साउगी आऊंणा, तेबे मा भी, तिन्हारा इनकार करणा।”

लूका 9:26

जिन्हा मेरे होर मेरे बचना री वजहा ले मेरा इनकार करणा, मां माह्णुं रे मह्ठे जेबे पवित्र स्वर्गदूता किन्हें आपणे बापू री महिमा साउगी आऊंणा, तेबे मां भी, तिन्हारा इनकार करणा।

यहून्ना 15:27

होर तुस्से भी मेरे गवाह ऐं, क्यूंकि तुस्से सुर्हू ले मेरे साउगी ऐं।”

यहून्ना 19:35

जिन्हें माह्णुंऐ जे ये सब कुछ देख्या, तिन्हें ही एसरे बारे मन्झ गुआही दितिरी ताकि तुस्से भी यीसू पर विस्वास करी सको। तेसरी ये गुआही सच्ची ई, होर से जाणहां कि से सच्च बोल्हा।

चुणिरे चेले रे काम 5:41

चुणिरे चेले एस गल्ला ले खुस हुई किन्हें माहसभा रे साम्हणें ले चली गये कि, आस्से यीसू रे नांऊँआं रे कठे बेज्जत हूंणे रे लायक ता समझे।

रोमियो 1:16

क्यूंकि हांऊँ खुसी री खबर सुनाणे ले नी सरमान्दा। इधी कठे कि खुसी री खबर परमेसरा री सामर्थ ई जो सब विस्वास करणे वाले रा उद्धार करहा ई, सभी ले पैहले ता यहूदी लोका रा, फेरी गैर-यहूदी लोका रा।

रोमियो 16:25

ऐबे आस्से परमेसरा री बढ़ाई करहे, जो तुस्सा जो मेरे सुणाई री खुसी री खबरा रे ज्रीए यानि यीसू मसीह रे बारे मन्झ कितिरे प्रचार रे मताबक, तुस्सा जो विस्वासा मन्झ मजबूत करी सक्हा। यीसू मसीह रे एस प्रचारे तुस्सा अन्यजाति लोका रे कठे परमेसरा री योजना जो जाहिर करी दितिरा, से योजना जो सुर्हू ले ही भेदा मन्झ ल्कोई रखिरी थी।

रोमियो 8:36

ये आस्सा साउगी तिहां ही हुआ करेया जिहां दाऊदे पवित्र सास्त्रा मन्झ परमेसरा किन्हें बोल्या, “हे परमेसर तुस्सा रे कारण आस्सा पर हर टैम मरणे रा खतरा बणी रैंहयां; आस्से मारी जाणे वाली भेडा साहीं समझे जाहें।”

रोमियो 9:33

जिहां परमेसर पवित्र सास्त्रा मन्झ यीसू मसीह रे बारे मन्झ बोल्हा, “देखा हांऊँ सिय्योन सैहरा मन्झ लोका जो ठेस लगणे वाल़ा एक पात्थर, होर ठोकर खाणे री चटान रख्हा, होर जो तेस पर विस्वास करघा, तेस कधी भी सर्मिन्दा नी हूंणां।”

1 कुरिन्थियो 1:6

होर स्यों वरदान जो परमेसरे तुस्सा जो दितिरे, स्यों एस्सा गल्ला जो पक्का करहे कि जो खबर मसीह रे बारे मन्झ ई से सच्ची।

2 कुरिन्थियो 6:7

आस्से सच्चाई री खबर सुणाई, होर परमेसरा री सामर्थे आस्सा मन्झ काम कितेया। आस्से सीधे हाथा ले हमला करणे रे कठे होर पूठे हाथा ले बचाव करणे रे कठे धार्मिकता रे हथियारा रा इस्तेमाल करहे। इन्हा सभ गल्ला ले पता लगां कि आस्से परमेसरा रे सेऊआदार ऐं।

इफिसियो 3:1

क्यूंकि तुस्सा गैर-यहूदी लोका रे कठे परमेसरे ये सभ कुछ कितिरा, हांऊँ पौलुस तुस्सा रे कठे प्रार्थना करहा। होर तुस्सा गैर-यहूदी लोका जो खुसी री खबर सुणाणे री वजहा ले हांऊँ जेल्हा मन्झ आ।

इफिसियो 3:13

इधी कठे हांऊँ अर्ज करहा कि जो दुःख हांऊँ तुस्सा रे कठे सहन करी करहा, तेता री वजहा ले हिम्मत नी छाडा, क्यूंकि ये सब कुछ तुस्सा रे भले रे कठे आ।

इफिसियो 4:1

इधी कठे हांऊँ, जो प्रभु यीसू री सेऊआ करणे री वजहा ले जेल्हा मन्झ कैद आ, तुस्सा ले अर्ज करहा कि, जेस बुलाहटा ले परमेसरे तुस्से आपणे लोक हूंणे रे कठे सादीरे, तेता रे मताबक आपणी जिन्दगी जीया।

इफिसियो 4:17

इधी कठे जो हक मुंजो प्रभुए दितिरा, तेस हका किन्हें हांऊँ बोल्हा कि, परमेसरा पर विस्वास नी करणे वाले लोका साहीं आपणी जिन्दगी मत जीया, जिन्हारी सोच बेकार ई।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 3:10

हांऊँ ये ही चांहा कि मसीह जो होर तेस्सा सामर्था जो मैहसूस करी सकूं, जेस ले मसीह मरिरे मन्झ ले जिउंदे हुईरा। होर मरणे मन्झ मसीह साहीं बणी किन्हें तेस साउगी दुःखा उठाणे मन्झ साझी बणी जाऊँ,

फिलिप्पियो 4:13

मसीह रे ज्रीए जो मुंजो सक्ति देहां तेता मन्झ हांऊँ सभ कुछ करी सक्हा।

कुलुस्सियो 1:11

हांऊँ प्रार्थना करहा कि परमेसर आपणी महिमा री सक्ति रे मताबक तुस्से सभ किस्मा री सामर्था ले मजबूत करहे। ताकि जेबे तुस्से परेसानिया जो सहे तेबे हर तरहा ले धीरज होर सबर दसी सको। होर खुसी किन्हें भरी जाऊआ।

कुलुस्सियो 1:24

ऐबे हांऊँ खुस आ कि हांऊँ तुस्सा रे कठे दुःख सही सक्हा। होर इधी कठे भी खुस आ कि हांऊँ आपणे सरीरा मन्झ लगातार तिन्हा दुखा जो सहेया, जो मसीहे सहीरे थे। होर ये दुःख हांऊँ मसीह री कलीसिया रे कठे सहेया जो तेसरा सरीर आ।

1 थिस्सलुनकियो 3:4

क्यूंकि पैहले भी, जेबे आस्से तुस्सा साउगी थे, ता तुस्से बोल्या करहा ऐं थे कि, आस्सा जो दुःख उठाणे पऊणे, होर एह्ड़ा ई हुईरा, होर तुस्से इन्हा गल्ला जो जाणहां ऐं।

1 तिमिथियुस 2:6

मसीहे आपणे आपा जो बलिदान रे रूपा मन्झ देई दितेया; ताकि सभी लोका जो पाप होर मौता ले छुड़ाई सके; तेसरी मौता रे ज्रीए परमेसरे ये साबित कितेया कि ठीक टैमा ले से सब लोका रा उद्धार करणा चाहां।

2 तिमिथियुस 1:10

होर ऐबे आस्सा रा उद्धारकर्ता मसीह यीसू आई गईरा होर आस्सा पर आपणा अनुग्रह दसिरा। तिन्हें मौता री सामर्था जो हराई दितेया, होर खुसी री खबरा रे ज्रीए ये जाहिर कितेया कि कधी नी खत्म हूंणे वाली जिन्दगी तक पूजणे रे एक रस्ता।

2 तिमिथियुस 1:12

होर एस वजहा ले ही हांऊँ एथी जेल्हा मन्झ दुःख सहन करी करहा, पर सर्मिन्दा नी हुन्दा, क्यूंकि हांऊँ मसीह जो जाणहां, जेस पर मैं भरोसा रखीरा कि, मसीह आपणे वापस आऊणें रे ध्याड़े तक तेस चीजा री रखवाली करी सक्हा, जो तिन्हें मुंजो सौंपीरी।

2 तिमिथियुस 1:16

भाई उनेसिफुरुसा होर तेसरे परिवारा पर प्रभु दया करहे, क्यूंकि से कई बार मेरे किन्हें मिलदे आया होर तिन्हें मेरी बौह्त मदद किती, होर एथी जेल्हा मन्झ आई किन्हें मेरे साउगी मिलणे रे कठे सर्मिन्दा नी हुआ।

2 तिमिथियुस 2:3

तू एक मसीह यीसू रा खरा स्पाही आ, इधी कठे जिहां दूजे लोक दुःख सहन करही करहे, तिहां तू भी तिन्हा दुःखा जो सहन कर।

2 तिमिथियुस 2:8

हमेसा याद रखा कि यीसू मसीह कुणहां, से राजा दाऊदा रा बंस आ। परमेसरे से मरिरे मन्झा ले जिउंदा कितेया, होर हांऊँ एसी खुसी री खबरा रा प्रचार करहा।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।

2 तिमिथियुस 4:17

पर प्रभु मेरा मददगार रैहया, होर तिन्हें मुंजो सामर्थ दिती; ताकि हांऊँ तेस कच्हरी मन्झ बैठीरे सभी लोका जो मसीह रे बारे मन्झ खुसी री खबरा रा प्रचार करी सकेया, होर सभ तेस गैर-यहूदी लोक तेसरे प्रचारा जो सुणी सके। होर एस तरहा तिन्हें हांऊँ मरणे ले बचाई लेया जिहां एक भूखे सेरा रे मुंहा ले बचाया।

2 तिमिथियुस 4:5

हर हालात मन्झ आपणे आपा पर काबू रख चाहे कुछ भी हुई जाये, दुःख सहन कर, होर पूरी मेहनत करी किन्हें खुसी री खबर सभी लोका जो सुणा होर जो सेऊआ तुजो सौंपीरी तेता जो पूरी कर।

1 पतरस 1:5

परमेसरा आपणी सामर्था ले तुस्सा री हिफाजत करहा, क्यूंकि तुस्से मसीह यीसू पर भरोसा रखे, होर मसीह रे वापस आऊणें रे आखरी ध्याड़े तक तेस तुस्सा री हिफाजत करदे रैहणा। तेबे तुस्सा जाणी लेणा कि परमेसरे तुस्से पाप होर मौता दुहीं ले पूरी तरहा बचाई लितिरे।

1 यहून्ना 4:14

होर आस्से से मह्ठा देखी भी लया होर गुआही भी देहां ऐं कि, बापू परमेसरे आपणा मह्ठा, संसारा रा उद्धारकर्ता रे रूपा मन्झ भेज्या।

यहूदा 1:24

एक ही परमेसर आ जो तुस्सा जो पऊणे ले बचाई सक्हा, होर जेबे तेस आपणी महिमा मन्झ तुस्से आपणे साम्हणें लेई आऊणें, तेबे से तुस्सा जो मगन होर बेकसूर रखी सक्हा। तिन्हें आस्सा रे, प्रभु यीसू मसीह रे ज्रीए आस्से बचाई लितिरे। सनातन काल ले लेई किन्हें महिमा, बड़ाई, होर गौरव, तेसरा था होर ऐबे भी तेसरा, होर जुग-जुग तेसरा ही रेहणा। आमीन।

प्रकासना री गल्ला 1:2

यहून्ने से सभ कुछ लिख्या जो तिन्हें देखेया, यानि से खबर जेहड़ी परमेसरा ले आई, होर से सभ कुछ जो यीसू मसीहे बोल्या।

प्रकासना री गल्ला 1:9

हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।

प्रकासना री गल्ला 12:11

आस्सा रे विस्वासी लोके सैताने जो हराई दितिरा। तिन्हें छेलू रे खूना रे ज्रीए जो तिन्हारे पापा री माफी रे कठे बहाई दितिरा था। होर तिन्हारी एस गुआही री वजहा ले कि ये छेलू ही तिन्हारा प्रभु आ, तिन्हें से हराई दितेया। भले ही तिन्हों आपणे प्राण देणे पये, पर स्यों आपणी गुआही ले पीछे नी हटे।

प्रकासना री गल्ला 19:10

होर जेबे मैं ये सुणेया ता जो मेरे किन्हें ये गल्ला करी करहा था, हांऊँ तेसरे पैरा पर पई किन्हें तेसरी अराधना करणे ही वाल़ा था। पर तिन्हें मेरे किन्हें बोल्या, “देख, एह्ड़ा मत कर, सिर्फ परमेसरा री ही अराधना कर। क्यूंकि हांऊँ तुस्सा साहीं होर तुस्सा रे सभ विस्वासी भाई बैहणा साहीं परमेसरा रा एक सेऊआदार आ। जिन्हारी एक ई गुआही कि यीसू ही तिन्हारा प्रभु आ।” यीसूए जो ये सच्च जाहिर कितिरा से ही लोका जो परमेसरा री खबरा री भविस्यवाणी करणे री सामर्थ देहां।