2 तिमिथियुस 1:7 - मंडयाली नंऊँआं नियम

⁷ क्यूंकि परमेसरे आस्सा जो, जो आत्मा दितिरी से आस्सो डरपोक नी बणान्दी; एता रे बजाय से आस्सा रे दिला जो मजबूत करी किन्हें होर मदद कर कि आस्से दूजे किन्हें प्यार करहे, होर आपणे गास काबू रखी सके।

2 तिमिथियुस 1:7 Iomraidhean Croise

लूका 10:19

सुणा, मैं तुस्सा जो कीड़े होर बिछुआ जो रौन्दणे रा, होर दुस्मणा री सारी सामर्था पर हक दितिरा, होर केसी चीजा ले तुस्सा जो कुछ नुक्सान नी हूंणां।

लूका 15:17

जेबे तेस जो समझ आई कि तिन्हें क्या कितिरा था, तेबे से बोल्दा लग्या कि, ‘मेरे बापू रे सारे मजदूर ऐे जिन्हा जो पेट भरी किन्हें खाणा मिल्हा, पर हांऊँ एथी भूखा मरेया करहा।

लूका 24:49

होर मां आपु पवित्र आत्मा भेजणी जेह्ड़ा मेरे बापूए वादा कितिरा। पर जेबे तक स्वर्गा ले सामर्थ नी पाओ, तेबे तक तुस्से एस सैहरा मन्झ ई रुकी रैहया।”

लूका 8:35

होर जो कुछ हुएआ था तेता जो देखणे रे कठे लोक आये, होर स्यों यीसू वाले आई किन्हें जेस माह्णुं मन्झा ले जे दुस्टात्मा काढी री थी; यीसू रे पैरा वाले तेस जो कपड़े पैहनी किन्हें होर आपणे पुरे होसा मन्झ ठीक हुई किन्हें बैठीरे देख्या, होर स्यों ये देखी किन्हें डरी गये।

यहून्ना 14:27

“हांऊँ तुस्सा जो सांति देहां, हांऊँ आपणी सांति तुस्सा जो देहां। ये से सांति नी जेह्ड़ी संसार देहां, तेह्ड़ा हांऊँ नी देंदा: तुस्सा रा मन ना दुआस होर ना डरे।

चुणिरे चेले रे काम 1:8

पर जेबे पवित्र आत्मा तुस्सा पर आऊंणा तेबे तुस्सा सामर्थ पाणी; होर यरुस्लेम सैहरा होर सारे यहूदिया ईलाके होर सामरिया ईलाके, होर पुरे संसारा मन्झ लोका जो तुस्सा मेरी गुआह देणी।

चुणिरे चेले रे काम 10:38

तुस्से नासरता रे यीसू रे बारे मन्झ जाणहां ऐं कि परमेसरे किहाँ पवित्र आत्मा होर सामर्था किन्हें तेसरा अभिसेक कितेया था, होर किहाँ यीसूए कई जगहा जाई किन्हें भलाई रे काम करदे हुए लोक ठीक किते, जो सैताना रे स्ताईरे थे। यीसू ये सभ काम करणे रे लायक था क्यूंकि परमेसर तेस साउगी था।

चुणिरे चेले रे काम 20:24

पर मेरे कठे, मेरे जाना री कोई कीमत नी ई; मैं ता बस तेस दौड़ा जो होर सेऊआ जो पूरी करणा चाहां; जो मैं परमेसरा री अनुग्रह रे खुसी री खबरा पर गुआही देणे रे कठे प्रभु यीसू ले पाईरी थी।”

चुणिरे चेले रे काम 21:13

एता पर पौलुसे जवाब दितेया कि, “तुस्से क्या करेया करहा ऐं कि, रोई-रोई किन्हें मेरा दिल तोड़हा ऐं, हांऊँ ता प्रभु यीसू रे नांऊँआं रे कठे यरुस्लेम सैहरा मन्झ सिर्फ बान्हेया जाणे रे कठे नी, पर मरणे रे कठे भी त्यार आ।”

चुणिरे चेले रे काम 26:11

होर हरेक यहूदी सभा मन्झ हांऊँ तिन्हा जो ताड़ना दुआई-दुआई किन्हें यीसू री निंदा कुराहां था, एथी तक कि गुस्से रे मारे एह्ड़ा पागल हुई गया कि, बाहर दूजे सैहरा मन्झ भी जाई किन्हें तिन्हा जो स्ताहां था।”

चुणिरे चेले रे काम 26:25

पर पौलुसे बोल्या, “हे माहप्रतापी फेस्तुस हाकम, हांऊँ पागल नी आ, पर सच्चाई होर बुद्धि री गल्ला बोल्हा।

चुणिरे चेले रे काम 6:8

स्तिफनुस अनुग्रह होर सामर्था मन्झ भर्ही किन्हें लोका मन्झ बडे-बडे चमत्कार होर चिन्ह दसेया करहा था।

चुणिरे चेले रे काम 9:22

पर साऊल होर ज्यादा सामर्थी हुन्दा चली गया, होर एस गल्ला रा सबूत देई-देई किन्हें कि यीसू ई मसीह आ, होर दमिस्क सैहरा मन्झ रैहणे वाले यहूदी लोका रा मुंह बंद करदा रैहया।

रोमियो 5:5

होर ये आस आस्सा जो दुआस नी करदी क्यूंकि परमेसरे आस्सा जो पवित्र आत्मा दितिरी, होर से पवित्र आत्मा आस्सा रे दिला जो परमेसरा रे प्यारा किन्हें भरा।

रोमियो 8:15

क्यूंकि तुस्सा जो गुलामी री आत्मा नी मिलिरी कि, गुलामा साहीं दबारा परमेसरा ले डरे, पर पवित्र आत्मा आस्सो परमेसरा री बच्चे बणाई, जेस ले आस्से परमेसरा जो, “हे बापू, हे बापू,” पुकारी किन्हें बोल्हा ऐं।

1 कुरिन्थियो 2:4

मेरा सिखाणा होर मेरा प्रचार करणा माह्णुंआं रे ज्ञाना रे मताबक लुभाणे वाली गल्ला रे ज्रीए नी था, पर पवित्र आत्मे सामर्थी रूपा किन्हें जाहिर कितेया कि जो खबर मैं तुस्सा जो दसी से सच्च थी।

गलातियो 5:22

पर परमेसर रा आत्मा आस्सो जो गुण देहां से यूयाँ ऐं, प्यार, खुसी, सांति, सबर,

कुलुस्सियो 1:8

तिन्हें ई आई किन्हें आस्सो तेस प्यारा रे बारे मन्झ दसेया, जो पवित्र आत्मे तुस्सा सभी जो दितिरा; जेसरे ज्रीए तुस्से एक दूजे किन्हें प्यार करहा ऐ।

इब्रानियो 2:15

होर एस तरहा तिन्हें माह्णुंआं रा उद्धार कितेया, जो सारी जिन्दगी मौता रे डरा मन्झ गुलामा साहीं जीये थे।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

1 यहून्ना 4:18

एह्ड़े प्यारा मन्झ डर नी हुन्दा, पर सिद्ध प्यार डरा जो दूर करी देहां, क्यूंकि डरा ले सजा मिल्हा ई, होर जो डरहा, तेस मन्झ परमेसरा रा प्यार सिद्ध नी हुआ।