2 तिमिथियुस 1:6 - मंडयाली नंऊँआं नियम

⁶ इधी कठे हांऊँ तुजो याद दिलाहां कि, तू परमेसरा रे तेस वरदाना जो, जो मेरे हाथ रख्णे ले तुजो मिलिरा तेस जो होर चमकाई दे।

2 तिमिथियुस 1:6 Iomraidhean Croise

लूका 19:13

होर तिन्हें आपणे नौकरा मन्झ ले दस सादे होर तिन्हा जो दस मोहरा दिती। (एक मोहर सो ध्याड़े री कमाई रे बराबर) होर तिन्हा किन्हें बोल्या, ‘मेरे वापस आऊणें तक लेण देण करी किन्हें तेता जो बढ़ाई देआ।’

चुणिरे चेले रे काम 19:6

होर जेबे पौलुसे तिन्हा पर हाथ रख्या, ता तिन्हा जो पवित्र आत्मा दितेया, होर स्यों अनजाण भासा बोल्दे होर भविस्यवाणी करदे लगे।

चुणिरे चेले रे काम 6:6

होर स्यों चुणिरे चेले रे साम्हणें ल्यान्दे होर तिन्हें प्रार्थना करी किन्हें एस कामा जो करणे रे कठे नियुक्त कितेया।

1 थिस्सलुनकियो 5:19

पवित्र आत्मा रे कामा जो मत रोका।

1 तिमिथियुस 4:14

याद रखा कि जेबे कलीसिया रे अगुवे तुस्सा पर हाथ रखिरा था, होर भविस्यवाणी करी किन्हें तेस खास वरदाना रे बारे मन्झ दसिरा था, जो परमेसरे तुस्सा जो दितिरा। तेस बरदान रे बारे मन्झ लापरवाह मत बण।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

2 तिमिथियुस 2:14

ये गल्ला जो मैं तुस्सा किन्हें बोलिरी, तुस्सा रे लोक इन्हा जो भूली नी जाये। होर प्रभु जो गुआह मनी किन्हें तू तिन्हो चेतावनी दे कि, स्यों सब्दा रे मतलबा पर बैहस नी करहे। एह्ड़ी बैहसा ले कोई फायदा नी आ; बल्की सुणने वाल़ेया जो नुकसान ही पूजा।

2 तिमिथियुस 4:2

कि तू परमेसरा रे बचना रा प्रचार कर; होर चाहे हालात खरे हो या नी, तू बचना रा प्रचार करणे रे कठे त्यार रेह। अगर लोके गलती कितिरी ता तू तिन्हों दसी दे, होर तिन्हा जो तिन्हारे पाप करणे रे कठे प्रुआच होर तिन्हों होंसला भी दे। ये सभ काम तू ध्याना किन्हें स्खान्दे हुए बड़े सबरा किन्हें करेया।

इब्रानियो 6:2

बपतिस्मा रे बारे मन्झ, केसी पर हाथ रखी किन्हें आसीस देणे री रस्मा रे बारे मन्झ, मरिरे रा जिउंदे हूंणे रे बारे मन्झ, होर अनंत न्याया रे बारे मन्झ स्खाणे वाले उपदेसा जो।

2 पतरस 1:12

हालांकि तुस्से इन्हा सच्ची गल्ला जो पैहले ले जाणहां ऐं, जो मसीह रे बारे मन्झ लोके तुस्सा जो सखाईरी थी; होर तुस्से तेस मन्झ मजबूत बणी रैंहयां ऐं, तेबे भी मां तुस्सा जो इन्हा गल्ला रे बारे मन्झ याद कुरांदे रैहणा।

2 पतरस 3:1

हे लाडले भाईयो होर बैहणो, ऐबे हांऊँ तुस्सा जो ये दूजी चिठ्ठी लिख्हा। होर इन्हा दुहीं चिठिया रे ज्रीए मैं तुस्सा जो तिन्हा गल्ला जो याद कुराई किन्हें जिन्हों तुस्से पैहले जाणांहे, तुस्सा रे मना मन्झ साफ विचार पैदा करणा चाहां।

यहूदा 1:5

हालांकि तुस्से इन्हा सच्ची गल्ला जो जाणांहे पर हांऊँ सिर्फ तुस्सा जो याद कुराणा चाहां। परमेसरे इस्राएली लोका जो मिस्र देसा री गुलामी ले छुड़ाई किन्हें बाहर लेई आया, पर बादा मन्झ परमेसरे तिन्हा सभी जो, जिन्हें तेस पर भरोसा नी रखेया बियाबान जंगला मन्झ ही मुकाई दिते।