2 तिमिथियुस 1:5 - मंडयाली नंऊँआं नियम

⁵ तेरी माऊ युनिके रे अंदर जो भरपूर विस्वास था से मुंजो याद आ, होर तेरी नानी लोईस रा भी तेह्ड़ा विस्वास था। होर मुंजो भरोसा आ कि सेई भरपूर विस्वास तेरे मन्झ भी हाया।

2 तिमिथियुस 1:5 Iomraidhean Croise

यहून्ना 1:47

यीसूए नतनएल जो आपणी तरफ आऊंदे देखी किन्हें तेसरे बारे मन्झ बोल्या, “देखा, ये सच्चे इस्राएल देसा रे लोक आ: एस मन्झ पाखंड नी आ।”

चुणिरे चेले रे काम 16:1

फेरी से दिरबे होर लुस्त्रा सैहरा मन्झ भी गये, होर तेथी तिमिथियुस नांऊँआं रा एक चेला था, जो केसी यहूदिया ईलाके री विस्वासणी रा मह्ठा था, पर तेसरा बापू यूनान देसा रा था।

चुणिरे चेले रे काम 26:26

राजा भी जेसरे साम्हणें हांऊँ निडर हुई किन्हें बोल्या करहा, ये गल्ला जाणहां, होर मुंजो विस्वास आ कि, इन्हा गल्ला मन्झा ले कोई तेस ले नी छुपिरी, क्यूंकि ये सारी गल्ला गुप्ता मन्झ नी हुईरी।

रोमियो 14:14

हांऊँ जाणहां, होर प्रभु यीसू री तरफा ले मुंजो पक्का हुईरा कि, कोई खाणा आपणे आपा ले असुद्ध नी ई, पर जो केसी खाणे जो असुद्ध समझ्हा, तेसरे कठे से खाणा असुद्ध ई।

रोमियो 14:5

एस तरीके ले कुछ लोक एक ध्याड़े जो दूजे ले बढ़ी किन्हें मन्हें, होर कोई सभ ध्याड़े जो एकी साहीं मन्हें। होर आपणे मना मन्झ पक्का करी लेया कि से जे सोची करहा से ठीक आ।

रोमियो 15:14

हे मेरे भाईयो होर बैहणो, हांऊँ आपु भी तुस्सा रे बारे मन्झ पक्का जाणहां कि, तुस्से भी आपु ई भले काम रे भर्ही रे। होर ये जाणांहे कि परमेसर तुस्सा ले क्या चांहा होर एक दूजे जो सिखाई भी सक्हा ऐं।

रोमियो 4:21

होर पक्का जाणा था कि, जेस गल्ला रा वादा जो परमेसरे कितिरा था, से तेस जो पूरा करणे रे कठे सामर्थी आ।

रोमियो 8:38

क्यूंकि हांऊँ पक्का जाणहां कि, आस्सो परमेसरा रे प्यारा ले कोई लग नी करी सकदा, जो आस्सा रे प्रभु मसीह यीसू रे ज्रीए जाहिर हुईरा। चाहे आस्से मरी जाए, या जिउंदे रहे तेता ले कोई फर्क नी आ; ना स्वर्गदूत, ना प्रधानतायें, ना वर्तमान, ना भविस्य, ना सामर्थ, ना ऊंचाई, ना गैहराई होर ना कोई होर रचिरी चीजा आस्सो परमेसरा रे प्यारा ले लग करी सकी।

2 कुरिन्थियो 6:6

पर आस्से आपु जो पवित्र रखेया, होर समझदारी से काम कितिरा, आस्से धीरज रखेया होर दूजेया पर दया कितिरी, पवित्र आत्मा आस्सा साउगी रैंह्यां होर आस्सा रा प्यार सच्चा।

1 तिमिथियुस 1:5

हांऊँ ये आदेस तुस्सा जो इधी कठे देआ कि तुस्से एक दूजे किन्हें सच्चे दिला किन्हें प्यार करा, होर साफ अंतरात्मा, होर भरपूर विस्वास रखो।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

2 तिमिथियुस 1:12

होर एस वजहा ले ही हांऊँ एथी जेल्हा मन्झ दुःख सहन करी करहा, पर सर्मिन्दा नी हुन्दा, क्यूंकि हांऊँ मसीह जो जाणहां, जेस पर मैं भरोसा रखीरा कि, मसीह आपणे वापस आऊणें रे ध्याड़े तक तेस चीजा री रखवाली करी सक्हा, जो तिन्हें मुंजो सौंपीरी।

2 तिमिथियुस 3:15

होर जेबे तू एक बच्चा ई था ता तैं पवित्र सास्त्रा जो सिख्या, जो तुस्सा री एस गल्ला जो समझणे मन्झ मदद करहा कि, जेबे तुस्से मसीह यीसू पर विस्वास करहे, ता परमेसर तुस्सा रा उद्धार करहा।

इब्रानियो 11:13

ये सारे लोक जिन्हें परमेसरा पर विस्वास कितिरा था तेसरे वादा कितिरे चीजा जो पाए बगैर मरी गये। स्यों तिन्हा चीजा जो दुरा ले देखी किन्हें खुस हुए, होर स्यों एस गल्ला जो भी समझी गईरे थे कि धरती पर आस्से परदेसी होर अजनबी ऐं।

इब्रानियो 6:9

पर हे लाडले भाईयो होर बैहणो, चाहे आस्से ये गल्ला बोल्हा ऐं पर आस्सो पूरा विस्वास आ कि ये गल्ला तुस्सा रे कठे नी। आस्सा जो पूरा भरोसा आ कि तुस्से उद्धारा साउगी मिलणे वाली बांकी चीजा जो पाणे रे लायक ऐं।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।