2 तिमिथियुस 1:4 - मंडयाली नंऊँआं नियम

⁴ मुंजो याद आ कि जेबे हांऊँ तुजो छाडी किन्हें जाई करहा, ता तू किहाँ मेरे कठे आंसू ब्हाई किन्हें रोई करहा था, होर ऐबे हांऊँ तेरे किन्हें मिलणे रे कठे तरस्या करहा, ताकि खुसी किन्हें भरी जाऊं।

2 तिमिथियुस 1:4 Iomraidhean Croise

यहून्ना 16:22

इंहां करी किन्हें तुस्सा जो भी ऐबे दुःख हुंहाँ, पर मां तुस्सा किन्हें फेरी दबारा मिलणा होर तुस्सा रे मना मन्झ खुसी हूणीं; होर तुस्सा री खुसी तुस्सा ले केसी नी छुड़ाणी।

यहून्ना 16:24

ऐबे तक तुस्से मेरे चेले हूंणे री वजहा ले मेरे बापू ले कुछ नी मान्गेया; मान्घगे ता तुस्सा जो मिलणा ताकि तुस्सा री खुसी भरपूर हुई जाए।”

चुणिरे चेले रे काम 20:19

मतलब बड़े दीन हुई किन्हें, होर आंसू बहाई-बहाई किन्हें, होर तिन्हा परीक्सा मन्झ ले जो यहूदी लोका री साजिसा री वजहा ले मेरे पर आई; हांऊँ प्रभु री सेऊआ करदा ई रैंहयां।

चुणिरे चेले रे काम 20:31

इधी कठे चतन्न रैहया, होर याद करा कि राती ध्याड़ी तीन साल तक मैं तुस्सा जो यीसू मसीह रे सच्चे संदेसा रे उपदेस दिते होर मैं तुस्से आंसू बहाई किन्हें चिताये, ताकि तुस्से प्रभु रे प्रति वफादार बणी रहो।”

रोमियो 1:11

क्यूंकि हांऊँ तुस्सा किन्हें मिलणे री इच्छा करहा ताकि हांऊँ तुस्सा जो कोई आत्मिक आसरीवाद देऊँ, जेस ले तुस्से आपणे विस्वासा मन्झ मजबूत हुई जाओ।

फिलिप्पियो 1:8

क्यूंकि परमेसर मेरा गुआह आ; कि हांऊँ मसीह यीसू रे प्यारा साहीं तुस्सा सभी जो देखणे कितना चाहां।

फिलिप्पियो 2:26

क्यूंकि तेस जो तुस्सा सभी किन्हें मिलणे रा बड़ा मन आ। से बेचैन हुईरा क्यूंकि तुस्सा लोका जो तेसरे ब्मार हूंणे रा पता लगी गईरा।

1 थिस्सलुनकियो 2:17

हे भाईयो होर बैहणो, आस्से थोह्ड़े टैमा रे कठे तुस्सा साउगी नी थे, पर आस्से हमेसा तुस्सा रे बारे सोचाहें थे, इधी कठे आस्से तुस्सा किन्हें मिलणे रे कठे होर तुस्सा जो देखणे रे कठे होर भी जतन कितेया।

2 तिमिथियुस 4:21

ठण्ड सुर्हू हूंणे ले पैहले तू मेरे वाले आऊणें री कोसिस करेया; यूबूलुस, पुन्देस, लीनुस, होर क्लौदिया भाईया, होर एथी रे सभ विस्वासी लोका रा तुजो नमस्कार।

2 तिमिथियुस 4:9

तू मेरे वाले जल्दी आऊणें री पूरी कोसिस कर।

1 यहून्ना 1:4

होर ये गल्ला आस्से इधी कठे लिख्हा ऐं कि, तुस्सा री खुसी पूरी हुई जाए।

प्रकासना री गल्ला 21:4

होर तेस तिन्हारी हाखिया ले सभ आंसू पुन्झी देणे। होर एता ले बाद मौत नी रैहणीं, होर ना दुःख, होर ना रोणा होर ना पीड़ा रैहणीं। क्यूंकि पैहले री धरती ऐबे नी रही।”

प्रकासना री गल्ला 7:17

क्यूंकि छेलू जो राजगद्दी रे बीचा मन्झ आ, तेस तिन्हारी देखभाल करणी, जिहां पुहाल आपणी भेडा जो संभाला। होर तेस स्यों जिन्दगी देणे वाले पाणी रे झरने वाले लई जाणे, ताकि स्यों तेता मन्झा ले पीये। होर परमेसरा तिन्हारी हाखिया ले सभ आंसू पुन्झी देणे।”