2 तिमिथियुस 1:3 - मंडयाली नंऊँआं नियम

³ हांऊँ तेस परमेसरा रा धन्यावाद करहा, जेसरी मैं होर मेरे बापदादे जिन्हारी सेऊआ सुद्ध अंतरात्मा किन्हें कितिरी। राती ध्याड़ी जेबे भी हांऊँ प्रार्थना करहा, ता तुस्सा रे कठे याद करी किन्हें प्रार्थना करहा।

2 तिमिथियुस 1:3 Iomraidhean Croise

लूका 2:37

हन्नाह चुरासी साला ले एक विधवा री जिन्दगी जिया करहा ई थी; होर तेस्से हमेसा मन्दरा मन्झ रही किन्हें परमेसरा री राती ध्याड़ी अराधना किती, होर से हमेसा ब्रत होर प्रार्थना करदी रैंहयां थी।

चुणिरे चेले रे काम 22:3

“हांऊँ एक यहूदिया ईलाके रा माह्णुंआं किलकिया ईलाके रे तरसुस सैहरा मन्झ मेरा जन्म हुएया होर हांऊँ एस ई सैहरा मन्झ पली बढ़ी किन्हें बड़ा हुएया, एस सैहरा मन्झ गमलीएला रे पैरा वाले बैठी किन्हें मेरी पढ़ाई लिखाई हुई, होर बापदादे री मूसा री व्यवस्था ठीक तरीके किन्हें सखाई गई, होर परमेसरा रे कठे बौह्त जादा उत्साही था जेह्ड़े तुस्से भी आज उत्साही ऐं।

चुणिरे चेले रे काम 23:1

होर पौलुसे, यहूदी माहसभा पर एक टेक ल्गाई किन्हें देख्या, होर बोल्या, “हे भाईयो, मैं आज तक परमेसरा रे कठे बिल्कुल सच्चे अंतरात्मा किन्हें जिन्दगी बिताई।”

चुणिरे चेले रे काम 24:14

पर हांऊँ तेरे साम्हणें मन्हां कि, ये यहूदी अगुवे सोचे की हांऊँ ‘प्रभु यीसू रे पैंडे’ रे मताबक चला जेस जो ये लोक कुपंथ बोल्हा ऐं। हांऊँ आपणे बापदादे रे परमेसरा री अराधना करहा, हांऊँ हरेक तेस गल्ला मन्झ विस्वास करहा जो मूसा री व्यवस्था दस्हा ई, होर जो नबिया रे कताबा मन्झ लिखीरी ई।

चुणिरे चेले रे काम 24:16

इधी कठे हांऊँ भी परमेसर होर लोका रे साम्हणें हमेसा आपणी अंतरात्मा जो सुद्ध रखणे री कोसिस करहा।”

चुणिरे चेले रे काम 26:4

“कई यहूदी लोक जाणहां ऐं कि बचपना ले ई मैं आपणी जिन्दगी केस तरीके ले जी, स्यों जाणहां ऐं कि जेस सैहरा मन्झ मेरा जन्म हुआ तेथी हांऊँ किहाँ रैहया होर स्यों ये भी जाणहां ऐं कि आपणी जुआनी मन्झ जेबे हांऊँ यरुस्लेम सैहरा मन्झ था तेबे मेरी जिन्दगी केह्ड़ी थी।

चुणिरे चेले रे काम 27:23

क्यूंकि परमेसर जेसरा हांऊँ आ, होर जेसरी सेऊआ हांऊँ करहा, तेसरे स्वर्गदूते राती मेरे वाले आई किन्हें बोल्या

रोमियो 9:1

ऐबे अगर परमेसरा रे प्यारा ले कोई आस्सो लग नी करी सकदा, ता किधियो इस्राएल देसा रे लोक परमेसरा ले दूर हुई गये जो मेरे आपणे यहूदी लोक ऐं, मुंजो एस गल्ला ले बौह्त दुःख आ होर मेरे दिला मन्झ तिन्हारे रे कठे बौह्त बोझ आ। मेरे आपणे लोका रे छुटकारे कठे अगर मेरे पर दोस लगे या हांऊँ मसीह ले लग भी कितेया जांऊँ, तेबे भी हांऊँ एता रे कठे त्यार आ। होर हांऊँ सच्च बोला कि मसीह मेरा गुआह आ। मेरी अंतरात्मा होर पवित्र आत्मा भी एस गल्ला री गुआही देआ कि हांऊँ झूठ नी बोलदा।

2 कुरिन्थियो 1:12

आस्से आपणी अंतरात्मा री सच्चाई पर बडयाई करहा ऐं। संसारा मन्झ होर खास करी किन्हें तुस्सा रे बीचा मन्झ आस्सा रा जीवन पवित्र होर सच्चा था, जो परमेसरा री तरफा ले आस्सा जो मिलिरा था। आस्से माह्णुंआं रे ज्ञाना पर भरोसा नी रखेया, बल्कि परमेसरा रे अनुग्रहा पर भरोसा रखेया।

गलातियो 1:14

आस्सा रे बापदादेया रे उपदेसा जो सिखणे होर मनणे मन्झ हांऊँ आपणे उम्रा रे कई यहूदी लोका ले ज्यादा तेज था।

इफिसियो 1:16

ता मैं हमेसा तुस्सा रे कठे परमेसरा रा धन्यावाद करहा, होर आपणी प्रार्थना मन्झ तुस्सा जो याद करदा रैंहयां।

1 थिस्सलुनकियो 3:10

आस्से राती ध्याड़ी दिला किन्हें प्रार्थना करहा ऐं, ताकि आस्से दबारा तुस्सो देखी सके, होर तुस्सा री मदद करहे कि तुस्से प्रभु यीसू मसीह पर होर ज्यादा विस्वासा करी सको।

1 तिमिथियुस 1:19

तुस्सा रा मसीह पर विस्वास बणेया रहे, होर साफ अंतरात्मा हो। कुछ लोके आपणी एस साफ अंतरात्मा जो नकारी दितिरी, जेसरी वजहा ले तिन्हारा विस्वास रूपी जहाज डूबी गया।

1 तिमिथियुस 1:5

हांऊँ ये आदेस तुस्सा जो इधी कठे देआ कि तुस्से एक दूजे किन्हें सच्चे दिला किन्हें प्यार करा, होर साफ अंतरात्मा, होर भरपूर विस्वास रखो।

1 तिमिथियुस 5:5

जेस्सा विधवा री देखभाल करणे रे कठे कोई नी हो; से सिर्फ परमेसरा पर आस रख्हा ई, होर राती ध्याड़ी विनती होर प्रार्थना मन्झ लगी रैंहीं कि परमेसर तेस्सा री मदद करहे।

2 तिमिथियुस 1:5

तेरी माऊ युनिके रे अंदर जो भरपूर विस्वास था से मुंजो याद आ, होर तेरी नानी लोईस रा भी तेह्ड़ा विस्वास था। होर मुंजो भरोसा आ कि सेई भरपूर विस्वास तेरे मन्झ भी हाया।

2 तिमिथियुस 3:15

होर जेबे तू एक बच्चा ई था ता तैं पवित्र सास्त्रा जो सिख्या, जो तुस्सा री एस गल्ला जो समझणे मन्झ मदद करहा कि, जेबे तुस्से मसीह यीसू पर विस्वास करहे, ता परमेसर तुस्सा रा उद्धार करहा।

इब्रानियो 13:8

यीसू मसीह काल होर आज होर जुग-जुग एक जेह्ड़ा आ होर कधी नी बदल्दा।