2 तिमिथियुस 1:18 - मंडयाली नंऊँआं नियम

¹⁸ न्याय रे ध्याड़े प्रभु उनेसिफुरुस पर आपणी दया दसे! होर तुस्से आप्हुए जाणांहे कि इफिसुस सैहरा मन्झ रैहन्दे हुए तिन्हें मेरी कितनी मदद कितिरी।

2 तिमिथियुस 1:18 Iomraidhean Croise

लूका 1:72

ताकि से आस्सा रे बापदादे पर अनुग्रह करी किन्हें, आपणी वाचा जो याद करहे।

लूका 1:78

आस्सा रे परमेसरा री बड़ी दया ले जिहां सूरज आस्सा जो प्रयासा देणे रे कठे चमका तिहां ही आस्सा रे कठे मसीहा स्वर्गा ले उतरणा।

लूका 8:3

होर राजा हेरोदेसा रे भंडारी खुजे री लाड़ी योअन्ना होर सूसन्नाह होर भी बौह्त सारी ज्नानिया आपणी जायदाद मन्झ ले देई किन्हें यीसू होर तेसरे चेले री मदद करहा ई थी।

चुणिरे चेले रे काम 18:19

फेरी तिन्हें इफिसुस सैहरा मन्झ पुज्ही किन्हें तिन्हें प्रिसकिल्ला होर अक्विला जो तेथी छाडी दितेया, होर आपु ई यहूदी सभा मन्झ जाई किन्हें यहूदी लोका किन्हें बैहस करदा लग्या।

चुणिरे चेले रे काम 18:21

पर ये बोली किन्हें तिन्हा ले विदा हुएया कि, “अगर परमेसरे चाहंगा ता मां तुस्सा वाले दबारा आऊंणा।” तेबे से इफिसुस सैहरा ले जहाजा पर चढ़ी किन्हें चली गया।

चुणिरे चेले रे काम 19:1

होर जेबे अपुल्लोस कुरिन्थुस सैहरा मन्झ था, ता पौलुस प्हाड़िया रे सारे ईलाके ले हुई किन्हें इफिसुस सैहरा मन्झ आया, होर तिन्हारी मुलाकात कुछ चेलेया किन्हें हुई।

1 कुरिन्थियो 1:8

परमेसरा तुस्से आखरी तक तुस्सा रे विस्वास मन्झ मजबूत बणाई रखणे, ताकि तुस्से आस्सा रे प्रभु यीसू मसीह रे वापस आऊणें रे ध्याड़े मन्झ बेकसूर रही सको।

1 कुरिन्थियो 16:8

पर मां पिन्तेकुस्ता रे साजे तक इफिसुस सैहरा मन्झ ई रैंह्णां।

1 कुरिन्थियो 3:13

पर न्याय रे ध्याड़े आगिया हर केसी रे काम जाहिर करणे कि केसरे काम खरे थे होर केसरे काम बुरे थे; होर आगिया दसणा कि तेस माह्णुं रे कामा री कोई कीमत हाई की नी।

2 कुरिन्थियो 9:1

ऐबे एस ढब्बे रे बारे मन्झ जो यरुस्लेम सैहरा रे परमेसरा रे पवित्र लोका री सेऊआ रे कठे कठा कितेया जाहाँ, तिन्हारे बारे मन्झ मुंजो तुस्सा जो लिखणे री ज्रूरत नी ई।

इफिसियो 2:4

पर परमेसरे जो बौह्त ज्यादा दयावान आ; तिन्हें आपणे तेस बड़े प्यारा रे कारण आस्सा किन्हें प्यार कितेया।

1 थिस्सलुनकियो 2:19

आस्सा री आस, या खुसी, या महिमा रा ताज कुणहां आ? स्यों तुस्से लोक ही हूंणे जेबे आस्सा रा प्रभु यीसू वापस आऊंणा।

1 तिमिथियुस 1:3

इफिसुस सैहरा जो छाडी किन्हें मकीदुनिया ईलाके जो जाणे रे टैमा मन्झ जो गल्ला मैं तेरे किन्हें दिला ले बोलिरी थी तेस्सा गल्ला जो हांऊँ दबारा बोली करहा कि, इफिसुस सैहरा मन्झ कुछ लोक एह्ड़े जो गलत उपदेसा जो सखाई करहे, तू तेथी रही किन्हें तिन्हो एह्ड़ा समझा कि स्यों एह्ड़ी गल्ला नी स्खाये।

2 तिमिथियुस 1:12

होर एस वजहा ले ही हांऊँ एथी जेल्हा मन्झ दुःख सहन करी करहा, पर सर्मिन्दा नी हुन्दा, क्यूंकि हांऊँ मसीह जो जाणहां, जेस पर मैं भरोसा रखीरा कि, मसीह आपणे वापस आऊणें रे ध्याड़े तक तेस चीजा री रखवाली करी सक्हा, जो तिन्हें मुंजो सौंपीरी।

2 तिमिथियुस 1:16

भाई उनेसिफुरुसा होर तेसरे परिवारा पर प्रभु दया करहे, क्यूंकि से कई बार मेरे किन्हें मिलदे आया होर तिन्हें मेरी बौह्त मदद किती, होर एथी जेल्हा मन्झ आई किन्हें मेरे साउगी मिलणे रे कठे सर्मिन्दा नी हुआ।

2 तिमिथियुस 1:17

पर जेबे से रोम सैहरा मन्झ आया, ता तिन्हें हांऊँ बड़ी कोसिस करी किन्हें तोप्या होर मेरे किन्हें मिलेया।

2 तिमिथियुस 4:12

भाई तुखिकुस जो मैं इफिसुस सैहरा जो भेजी दितिरा।

2 तिमिथियुस 4:8

प्रभुआ मुंजो से ताज देणा जो धार्मिकता रा ताज आ। से जो धर्मा किन्हें न्याय करहा, जेस ध्याड़े तेस दबारा वापस आऊंणा मुंजो ये इनाम देणा। तेस सिर्फ मुंजो ई नी, बल्की तिन्हा सभी जो भी देणा, जो सच्चे चाहे कि से दबारा वापस आई जाये।

इब्रानियो 6:10

तुस्से परमेसरा रे खातर तेसरे पवित्र लोका री सेऊआ बड़े प्यारा किन्हें करहे थे होर करदे भी लगिरे, परमेसर एस कामा जो नी भूल्दा। क्यूंकि परमेसर अन्याय करणे वाल़ा नी आ।

1 पतरस 1:10

एस ही उद्धारा रे बारे मन्झ नबिये होर जाणना चाहें थे। तिन्हें भविस्यवाणी किती कि परमेसरे कियां तुस्सा पर अनुग्रह करी किन्हें तुस्से बचाई लेणे, जेसरे तुस्से लायक नी ऐं। एस गल्ला जो जाणने रे कठे तिन्हें बौह्त जांच-पड़ताल किती।

प्रकासना री गल्ला 2:1

तिन्हें मेरे किन्हें बोल्या कि, “इफिसुस सैहरा री कलीसिया रे दूत जो ये संदेस लिख कि: हांऊँ ई आ जिन्हें आपणे सीधे हाथा मन्झ सात तारे लईरे, होर हांऊँ सोने रे सात दीऊदानिया रे बीचा मन्झ चल्हा फिरहा। हांऊँ तुस्सा किन्हें ये बोल्हा कि: