2 तिमिथियुस 1:16 - मंडयाली नंऊँआं नियम

¹⁶ भाई उनेसिफुरुसा होर तेसरे परिवारा पर प्रभु दया करहे, क्यूंकि से कई बार मेरे किन्हें मिलदे आया होर तिन्हें मेरी बौह्त मदद किती, होर एथी जेल्हा मन्झ आई किन्हें मेरे साउगी मिलणे रे कठे सर्मिन्दा नी हुआ।

2 तिमिथियुस 1:16 Iomraidhean Croise

मत्ती 25:17

इंहां ईं जेस जो दो मिलिरे थे, तिन्हें भी दो होर कमाए।

मत्ती 5:7

धन्य ऐं स्यों, जो दयालु ऐं, क्यूंकि परमेसरा तिन्हा पर दया करणी।

चुणिरे चेले रे काम 21:33

तेबे पलटना रे मुखिये नेडे आई किन्हें पौलुस पकड़ी लया; होर से बंदी बणाई लया; तिन्हें तेस जो दो जंजीरा किन्हें बान्ह्णे रा हुक्म दितेया। फेरी तिन्हें पूछेया कि, “ये कुणहां होर इन्हें क्या कितिरा?”

चुणिरे चेले रे काम 28:20

इधी कठे मैं तेरे ले ये अर्ज किती कि तू मेरे वाले एथी आई जा ताकि हांऊँ तुस्सा जो ये दसी सकूं, हांऊँ कैदा मन्झ इधी कठे आ कि जो इस्राएल देसा रे लोक परमेसरा ले आस करहा ऐं जो की मसीहा रे कठे ई, हांऊँ तेस उम्मीदा पर विस्वास करहा।”

1 कुरिन्थियो 16:18

तिन्हें मेरे मना जो हिम्मत दिति होर आसा करहा कि मेरे ले ये खबर सुणी किन्हें तुस्सा रे मना जो भी हिम्मत मिलणी, इधी कठे तुस्सा जो भी एह्ड़े लोका री इज्जत करणी चहिए।

इफिसियो 6:20

होर इधी कठे हांऊँ जंजीरा मन्झ जकड़ीरे राजदूत साहीं सेऊआ करदा लगिरा। होर इधी कठे भी प्रार्थना करहा कि जेहड़ा मुंजो बोलणा चहिए, तेह्ड़ा हांऊँ बगैर डरे खुसी री खबरा रा प्रचार कर सकूं।

2 तिमिथियुस 1:12

होर एस वजहा ले ही हांऊँ एथी जेल्हा मन्झ दुःख सहन करी करहा, पर सर्मिन्दा नी हुन्दा, क्यूंकि हांऊँ मसीह जो जाणहां, जेस पर मैं भरोसा रखीरा कि, मसीह आपणे वापस आऊणें रे ध्याड़े तक तेस चीजा री रखवाली करी सक्हा, जो तिन्हें मुंजो सौंपीरी।

2 तिमिथियुस 1:17

पर जेबे से रोम सैहरा मन्झ आया, ता तिन्हें हांऊँ बड़ी कोसिस करी किन्हें तोप्या होर मेरे किन्हें मिलेया।

2 तिमिथियुस 1:18

न्याय रे ध्याड़े प्रभु उनेसिफुरुस पर आपणी दया दसे! होर तुस्से आप्हुए जाणांहे कि इफिसुस सैहरा मन्झ रैहन्दे हुए तिन्हें मेरी कितनी मदद कितिरी।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

2 तिमिथियुस 4:19

प्रिसकिल्ला होर तेस्सा रे लाड़े अक्विला जो, होर उनेसिफुरुसा भाई रे पुरे परिवारा जो मेरा नमस्कार।

फिलेमोन 1:20

हे लाडले दोस्त, प्रभु री वजहा ले तेरी तरफा ले मुंजो ये मदद मिली जाए: क्यूंकि आस्से दुहें मसीह हूंणे री वजहा ले तू मुंजो हिम्मत दे।

फिलेमोन 1:7

हे लाडले दोस्त, हांऊँ बौह्त खुस आ, होर मुंजो ये जाणी किन्हें बौह्त हिम्मत मिलीरी कि तू दूजे किन्हें प्यार करहा, होर ये भी तेरे ज्रीए परमेसरा रे पवित्र लोका भी हिम्मत पाएं।

इब्रानियो 10:34

तुस्से कैदिया रे दुःखा मन्झ दु:खी हुए। होर जेबे होरी लोके तुस्सा रा सारा धन लुटेया, तेबे तुस्से इन्हा गल्ला जो खुसी किन्हें सहेया। क्यूंकि तुस्से जाणांहे थे कि तेता ले भी बांकी चीजा तुस्सा जो मिलणी जो जुग-जुग रे कठे ई।

इब्रानियो 6:10

तुस्से परमेसरा रे खातर तेसरे पवित्र लोका री सेऊआ बड़े प्यारा किन्हें करहे थे होर करदे भी लगिरे, परमेसर एस कामा जो नी भूल्दा। क्यूंकि परमेसर अन्याय करणे वाल़ा नी आ।