2 तिमिथियुस 1:13 - मंडयाली नंऊँआं नियम

¹³ जो सच्चे उपदेस तैं मेरे ले सुणीरे, तिन्हा जो आपणा उदाहरण बणाई किन्हें रख। विस्वास होर प्यारा किन्हें तू इन्हा उपदेसा जो पूरा कर क्यूंकि तू यीसू मसीह साउगी एक आ।

2 तिमिथियुस 1:13 Iomraidhean Croise

रोमियो 2:20

होर नर्क्कले जो स्खाणे वाले, होर बच्चे रा उपदेसक ऐं, होर तुस्सा जो पक्का कि, परमेसरा री व्यवस्था तुस्सा जो पूरी सच्चाई होर ज्ञान सिखाई।

रोमियो 6:17

तुस्सा री पुराणी जिन्दगी मन्झ तुस्से पापा रे गुलाम थे, पर ऐबे तुस्से पुरे मना किन्हें मसीह रे बारे मन्झ तिन्हा उपदेसा जो मन्नदे लगिरे जो तुस्सा जो स्खाईरे थे। इधी कठे हांऊँ परमेसरा रा धन्यावाद करहा।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

फिलिप्पियो 4:9

जो गल्ला तुस्से मेरे ले सीखी, होर ग्रहण किती, होर सुणी, होर मेरे मन्झ देखी, तिन्हारा पालन करा, तेबे परमेसरा जो सांति देआ, तुस्सा साउगी रैंह्णां।

कुलुस्सियो 1:4

क्यूंकि आस्से सुणिरा कि, तुस्से मसीह यीसू पर विस्वासा करहे, होर तुस्से सभ परमेसरा रे पवित्र लोका किन्हें प्यार करहे।

1 थिस्सलुनकियो 5:21

सारे उपदेसा जो परखा कि स्यों परमेसरा री वखा ले हाऐ या नी; होर जो खरी उपदेस ऐं तिन्हा जो ग्रहण करहा होर मना।

1 तिमिथियुस 1:10

व्यभिचारीया, समलैंगिक, माह्णुंआं रा अपहरण करणे वाले, झूठ बोलणे वाले, झूठी कसम खाणे वाले, हर एक एह्ड़ा काम करहे, जो खरे उपदेसा रे बरखलाफ ऐे।

1 तिमिथियुस 1:14

आस्सा रे प्रभुए हमेसा मेरे पर बौह्त ज्यादा अनुग्रह कितेया। होर मसीह यीसू साउगी एक हूंणे री वजहा ले तिन्हें मुंजो विस्वास होर प्यार दितेया।

1 तिमिथियुस 6:3

अगर कोई गलत उपदेसा जो सखा; होर आस्सा रे प्रभु यीसू मसीह रे दितिरे सही उपदेस होर परमेसरा री भक्ति री बिधिया ले राजी नी हुंदा,

2 तिमिथियुस 1:1

हाऊँ पौलुसा एस्सा चिठ्ठी जो लिखी करहा। परमेसरे चाहां कि हाऊँ यीसू मसीह रा चुणिरा चेला बणुं। तिन्हें हांऊँ इधी कठे चुणेया कि हांऊँ ये प्रचार करी सकूं कि मसीह साउगी एक हूंणे री वजहा ले परमेसरे आस्सो अनंत जिन्दगी देणे रा वादा कितिरा।

2 तिमिथियुस 1:14

होर पवित्र आत्मा रे ज्रीए जो आस्सा मन्झ बस्सिरा, एस सच्चाई री रखवाली कर, जो तुजो सौंपीरी।

2 तिमिथियुस 2:2

तैं बौह्त लोका साम्हणें मुंजो मसीह रे बारे मन्झ संदेस स्खान्दे हुए सुणीरा था। इधी कठे हांऊँ चाहां कि तू भी इन्हा गल्ला जो दूजे भरोसे रे लायक विस्वासी लोका जो सखाई दे; जो होरिया जो भी स्खाणे रे लायक हो।

2 तिमिथियुस 3:14

पर हे तिमिथियुस तू इन्हा सारी गल्ला जो मजबूती किन्हें पकड़ी रख, जो लोके तुजो सखाईरी, होर जिन्हा पर तू पूरी तरहा विस्वास करहा। क्यूंकि तू खरे ढंगा किन्हें जाणहां कि ये सच्चाई री गल्ला तुजो कुन्हें सखाईरी।

2 तिमिथियुस 4:3

हांऊँ ये तुस्सा जो इधी कठे बोल्या करहा कि, एक टैम एह्ड़ा आऊंणा; कि लोका खरा उपदेस सुणना नी चाहणा, पर आपणी इच्छा जो पूरी करणे रे कठे एह्ड़े लोक तोपी किन्हें स्यों सुणना चाहें।

तितुस 1:9

होर से तेस भरोसे रे लायक उपदेसा जो मजबूती किन्हें पकड़ी रखणे वाल़ा हो, जो आस्से तेस जो सखाईरा था; जेता ले दूजेया जो सखाई सके होर सच्चे उपदेस रे बरखलाप बोलणे वाल़ेया रा मुंह बंद कुराई सके।

तितुस 2:1

पर हे तितुस, तू आपणे विस्वासी लोका जो से ही गल्ला सखाया, जो यीसू मसीह रे सच्चे उपदेसा रे मताबक हो।

तितुस 2:8

तू से ही सखा जो सच्च आ, होर जेसरा विरोध कोई नी करी सके, ताकि तुस्सा रे दुसमण सर्मिन्दा हुई जाये। क्यूंकि तिन्हा वाले तुस्सा रे बरखलाफ बुरा बोलणे रे कठे कुछ भी नी आ।

इब्रानियो 10:23

आस्से आपणी आसा रे बारे मन्झ गुआही देणे रे कठे मजबूत होर टिकीरे रहे, क्यूंकि परमेसरे आस्सा किन्हें वादा कितिरा, होर से भरोसे रे लायक आ।

इब्रानियो 3:6

पर मसीह एक मह्ठे साहीं परमेसरा रे परिवारा रे लोका मन्झ सच्चा आ, अगर आस्से आपणी हिम्मता होर तेस आस मन्झ विस्वासा मन्झ मजबूत रहे ता आस्से आपु ही तेसरे परिवारा रे लोक ऐं।

इब्रानियो 4:14

परमेसरा रा मह्ठा यीसू, जो आस्सा सभीरा बडा याजक आ, स्वर्गा मन्झ परमेसरा वाले चली गया। इधी कठे जेस विस्वासा रा अंगीकार आस्से सभी रे साम्हणें कितिरा था, एता जो नी छाडी किन्हें आस्से मजबूत किन्हें खड़ीरे रहे।

यहूदा 1:3

हे लाडले भाईयो होर बैहणो, हालांकि हांऊँ मना ले चाहां था कि परमेसरा ले आस्सा जो मिलणे वाले उद्धारा रे बारे मन्झ तुस्सा जो लिखूं जेसरे आस्से सभ साझी ऐं, पर ऐबे मैं ये जरूरत मैहसूस किती कि हांऊँ तुस्सा जो इधी कठे लिखूं कि तुस्से हिम्मत पाई किन्हें सच्चे उपदेसा रा बचाव करी सको, परमेसरे आस्सा जो ये सच्चाई आपणे पवित्र लोका रे कठे एक बारी ही देई दितिरी जेस्सा कधी नी बदलना।

प्रकासना री गल्ला 3:11

हाऊँ जल्दी तुस्सा वाले वापस आऊणें वाल़ा। मेरे पर तुस्सा रा जो विस्वास आ, तेता जो मजबूत बणाई किन्हें रखा, ताकि कोई भी तुस्सा रे जीता रे इनामा जो छिनी नी ले, जो ताजा साहीं आ।

प्रकासना री गल्ला 3:3

इधी कठे तिन्हा उपदेसा जो याद करा, जो तुस्से सभी ले पैहले सुणीरे थे, होर तिन्हा पर विस्वास कितेया था, होर पाप करणा छाडी देआ। होर अगर तुस्से त्यार नी रहे, ता तुस्सा जो तेस टैमा रा पता नी चलणा, जेबे मां तुस्सा जो सजा देणे रे कठे आई जाणा, क्यूंकि मां चोरा साहीं अचानक आई जाणा।