2 थिस्सलुनकियो 3:3 - मंडयाली नंऊँआं नियम

³ पर प्रभु भरोसे रे लायक आ, तेस तुस्से आत्मिक रूपा ले मजबूत करणे, होर तेस दुस्ट सैताना ले बचाणे।

2 थिस्सलुनकियो 3:3 Iomraidhean Croise

मत्ती 5:37

पर तुस्सा री गल “हां री हां” हो, या “ना री ना” हो; क्यूंकि जो कुछ ऐता ले ज्यादा बढ़ी किन्हें हुंहाँ, से दुस्ट सैताना ले हुंहाँ।

मत्ती 6:13

होर आस्सा री परखणी नी कर, पर आस्सा जो तेस दुस्ट सैताना ले बचा; क्यूंकि राज्य होर सामर्थ होर महिमा हमेसा तुस्सा रे ई ऐं।’ आमीन।”

लूका 11:4

होर आस्सा रे पाप माफ करी दे, क्यूंकि आस्से भी आपणे हर एक गुन्हेगारा जो माफ करहा ऐं, होर आस्सा जो परखणी मन्झ नी पऊणे दे। पर आस्सा जो तेस दुस्ट सैताना ले बचा।’”

यहून्ना 17:15

हांऊँ ऐं प्रार्थना नी करदा कि, तू तिन्हा जो संसारा ले लग करी दे, पर ये भी कि तू तिन्हा जो तेस दुस्ट सैताना ले तिन्हारी हिफाजत कर।

1 कुरिन्थियो 1:9

होर तुस्से पक्का जाणी लो कि परमेसरा एह्ड़ा ही करणा, क्यूंकि परमेसर आपणे वादे जो पूरा करणे रे कठे सच्चा आ; होर तिन्हें तुस्से आपणे मह्ठे आस्सा रे प्रभु यीसू मसीह साउगी एक हूणे रे कठे चुणी लितिरा।

1 कुरिन्थियो 10:13

तुस्से कोई एह्ड़ी परखणी मन्झ नी पईरे, जो माह्णुं रे सैहणे ले बाहर हो। परमेसर भरोसे रे लायक आ; क्यूंकि से तुस्सा जो एह्ड़ी परीक्सा मन्झ नी पऊणे देंदा, जेस्सा रा तुस्से साम्हणा नी करी सकदे, पर एता रे बजाय तेस तुस्सा जो सामर्थ देणी, जेता री तुस्सा जो जरूरत ई, ताकि तुस्से पापा ले बची सको।

1 थिस्सलुनकियो 5:24

तुस्सा रा सादणे वाल़ा सच्चा आ, क्यूंकि तिन्हें तुस्से पवित्र बणने रे कठे सादीरे इधी कठे से तुस्सा री मदद करहा कि तुस्से पवित्र बणी सको।

2 थिस्सलुनकियो 2:17

आस्से प्रार्थना करहे कि स्यों तुस्सा रे मना जो हिम्मता किन्हें भरी दे, होर तुस्सा जो मजबूत बणाये कि तुस्से हमेसा खरा बोली सको, होर खरे काम करी सको।

2 तिमिथियुस 4:18

होर प्रभुआ हांऊँ हर एक बुरे कामा ले बचाणा जो स्यों करहा ऐं, होर स्वर्गा मन्झ आपणे राजा मन्झ तेस हांऊँ सम्भाली किन्हें लई जाणा; तेसरी महिमा जुग-जुग हुन्दी रहे। आमीन।

1 पतरस 5:10

होर ऐबे परमेसर जो अनुग्रहा ले भरिरा आ, होर जिन्हें यीसू मसीह साउगी जुड़े रैहणे री वजहा ले आस्सा जो स्वर्गा मन्झ आपणी अनंत महिमा मन्झ साझी हूंणे रे कठे सादीरा, तुस्सा रे थोह्ड़ी देरा तक दुःख उठाणे ले बाद तेस आपु ई तुस्से खरे बनाणे, ताकि तुस्सा मन्झ कोई गलती नी हो होर तेस तुस्सा रे दिल मजबूत करणे, होर तेस तुस्से सामर्थी बणाई देणे ताकि तुस्सा रा विस्वास कमजोर नी हो।

2 पतरस 2:9

इन्हा गल्ला ले जो परमेसरे कितिरा आस्से जाणांहे कि परमेसर आपणे लोका जो परखणी ले बचाणा जाणहां, होर न्याय रे ध्याड़े तक बुरे लोका जो सजा देणा भी जाणहां।

यहूदा 1:24

एक ही परमेसर आ जो तुस्सा जो पऊणे ले बचाई सक्हा, होर जेबे तेस आपणी महिमा मन्झ तुस्से आपणे साम्हणें लेई आऊणें, तेबे से तुस्सा जो मगन होर बेकसूर रखी सक्हा। तिन्हें आस्सा रे, प्रभु यीसू मसीह रे ज्रीए आस्से बचाई लितिरे। सनातन काल ले लेई किन्हें महिमा, बड़ाई, होर गौरव, तेसरा था होर ऐबे भी तेसरा, होर जुग-जुग तेसरा ही रेहणा। आमीन।