2 थिस्सलुनकियो 2:3 - मंडयाली नंऊँआं नियम

³ प्रभु रे आऊणें री गल्ला रे बारे मन्झ केसी रे भी धोखे मन्झ देख्या आऊंदे, क्यूंकि यीसू मसीह रे वापस आऊणें रे पैहले एह्ड़ा टैम हूंणा, जेबे बौह्त लोका परमेसरा रे खलाफ विद्रोह करणा। होर से दुस्ट आदमी जाहिर हूंणा, जेस जो परमेसरा सच्चे नरका मन्झ नास करणा।

2 थिस्सलुनकियो 2:3 Iomraidhean Croise

यहून्ना 17:12

जेबे हांऊँ तिन्हा साउगी था, ता मैं तेरे तेस सामर्था ले, जो तैं मुंजो दितिरा, मैं तिन्हारी हिफाजत किती। मैं तिन्हारी रखवाली किती। होर विनासा रे मह्ठे जो छाडी किन्हें तिन्हा मन्झा ले कोई भी नास नी हुएआ, इधी कठे कि पवित्र सास्त्रा री गल्ला पूरी हो।”

1 कुरिन्थियो 6:9

तुस्से पक्का जाणांहे कि, अन्याय करणे वाले लोक परमेसरा रे राजा रे वारस नी हूंणे। कोई तुस्सा जो ये गल बोली किन्हें धोखा नी दे कि, तुस्से बुरे काम करी किन्हें भी परमेसरा रे लोक बणी सके। वेस्यागामी, मूर्तिपूजक, व्यभिचारी, लुच्चे ल्फंगे होर समलैंगिक,

इफिसियो 5:6

कोई तुस्सा जो धोखा देई किन्हें तुस्सा जो भी आपणे साहीं बुरे काम नी कुराये, क्यूंकि इन्हा गल्ला री वजहा ले हुक्म नी मनणे वाले पर परमेसरा रा गुस्सा भड़क्हा।

1 यहून्ना 2:18

हे बच्चेयो, ये आखरी टैम आ जेबे मसीह वापस आऊंणा, होर जेह्ड़ा तुस्से सुणिरा कि, मसीह रा व्रोधी आऊणें वाल़ा आ, तेसरे मताबक ऐबे भी बौह्त सारे मसीह रे व्रोधी खड़े हुई गईरे; एता ले आस्से जाणहां ऐं कि, ये आखरी टैम आ।

1 यहून्ना 4:3

होर जो कोई आत्मा यीसू जो नी मन्नदा, से परमेसरा री तरफा ले नी आ, होर सेई मसीह रे व्रोधी री आत्मा ई; जेसरे बारे मन्झ तुस्से सुणी चुकिरे कि, से आऊणें वाल़ा आ, होर ऐबे भी संसारा मन्झ आ।

प्रकासना री गल्ला 17:11

होर जो राक्सा बौह्त पैहले जिउंदा था, होर पर ऐबे नी हाया, से ही आठुआ राजा। पर से आठुआ राजा तिन्हा साता मन्झा ले कोई एक हूंणा, होर आखरी मन्झ तेस राजे रा नास पक्का हूंणा।”

प्रकासना री गल्ला 17:8

जो राक्स तैं देख्या, ये पैहले ता जिउंदा था, पर ऐबे जिउंदा नी आ। से डुगहे गड्ढे ले निकल्ने वाल़ा आ, होर परमेसरा तेसरा नास करी देणा। होर धरती रे रैहणे वाले जिन्हा लोका रे नांऊँ संसारा जो रचणे ले पैहले ले ही जिन्दगी री कताबा मन्झ नी लिखिरे, तिन्हा सभिया एस राक्सा जो दबारा जिउंदे देखी किन्हें हरान हूंणां।”