2 थिस्सलुनकियो 1:3 - मंडयाली नंऊँआं नियम

³ हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

2 थिस्सलुनकियो 1:3 Iomraidhean Croise

लूका 15:32

पर ऐबे खुसी मनाणी होर मगन हूंणां चहिए क्यूंकि आस्से सोच्हा ऐं थे कि तेरा ये भाई मरी गईरा था, पर से जिउंदा आ। गुआही गईरा था, पर ऐबे मिली गया।’”

लूका 17:5

तेबे चुणिरे चेले प्रभु यीसू किन्हें बोल्या, “आस्सा रे विस्वासा जो मजबूत बणा”

यहून्ना 15:2

जो पांगे मेरे मन्झ ई, होर नी फलदी, तेता जो से काटी देहां, होर जो डाली फल्हा ई तेता जो से होर छांट्आं ताकि से होर फले।

रोमियो 1:8

सभी ले पैहले हांऊँ तुस्सा सभी रे कठे यीसू मसीहा रे ज्रीए आपणे परमेसरा रा धन्यावाद करहा, क्यूंकि संसारा रे कई जगहा मन्झ लोक एस गल्ला रे बारे मन्झ गलांण करेया करहा ऐं कि कियां तुस्से यीसू मसीह पर विस्वास कितिरा।

1 कुरिन्थियो 1:4

हांऊँ हमेसा तुस्सा रे बारे मन्झ परमेसरा रा धन्यावाद करहा कि तिन्हें आपणे अनुग्रह ले तुस्सा जो बौह्त सारी आसिसा दितिरी, होर ये इधी कठे हुआ कि तुस्से मसीह यीसू साउगी एक कितिरे गईरे।

2 कुरिन्थियो 10:15

होर आस्से सीमा ले बाहर होरी री मैहनता पर गर्व नी करदे; बल्की आस्सा जो आस ई कि, जिहां तुस्सा रा विस्वास बढ़दा जाणा तिहां आपणी सीमा मन्झ रेह्न्दे हुये तुस्सा रे ओरे परे रैहणे वाले लोका जो मसीह रे कठे जीती सके।

इफिसियो 5:20

होर जो कुछ आस्सा रे प्रभु यीसू मसीहे कितिरा, इधी कठे हमेसा सभ गल्ला रे कठे आस्सा रे बापू परमेसरा रा धन्यावाद करा।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 1:9

होर हांऊँ ये प्रार्थना करहा कि, तुस्सा मन्झ सच्चाई रा ज्ञान होर सही फैसला लेणे री समझ बढ़दी रहे, होर एक दूजे किन्हें तुस्सा रा प्यार भी ज्यादा ले ज्यादा बढ़दे जाए।

1 थिस्सलुनकियो 3:12

होर आस्से ये भी प्रार्थना करहे कि प्रभु एह्ड़ा करहे कि, जेह्ड़ा आस्से तुस्सा किन्हें प्यार रख्हा ऐं; तेह्ड़ा ई तुस्सा रा प्यार भी एक दूजे मन्झ, होर सभ माह्णुंआं साउगी बढ़े, होर तरक्की करदा जाए।

1 थिस्सलुनकियो 3:6

पर ऐबे तिमिथियुस तुस्सा रे विस्वास होर प्यारा री खरी खबर लई किन्हें आस्सा वाले वापस आई गईरा। तिन्हें ये भी सुणाया कि तुस्से आस्सा जो बड़े प्यार किन्हें याद करहा ऐं, होर जिहां आस्से तुस्सा जो देखणे रे कठे तरस्या करहा ऐं, तिहां ईं तुस्से भी आस्सा जो देखणे रे कठे तरस्या करहा ऐं।

1 थिस्सलुनकियो 3:9

होर जो खुसी आस्सा जो तुस्सा रे बारे मन्झ, तुस्सा री वजहा ले मिल्हा ई, तेता रे कठे आस्से आपणे परमेसरा रा धन्यावाद किहाँ करिए?

1 थिस्सलुनकियो 4:1

हे भाईयो होर बैहणो ऐबे आखरी, आस्से तुस्सा ले अर्ज करहा ऐं, होर तुस्सा जो प्रभु यीसू मन्झ सम्झाहें कि, जिहां तुस्से आस्सा ले ठीक व्यवहार रखणा, होर परमेसरा जो खुस करणा सिख्या, होर तुस्से ठीक व्यवहार रख्हा ऐ भी, तिहां ईं इन्हा गल्ला मन्झ होर बी ज्यादा बढ़दे जाऊआ।

2 थिस्सलुनकियो 2:1

हे भाईयो होर बैहणो, ऐबे आस्से प्रभु यीसू मसीह रे दबारा वापस आऊणें, होर तेस साउगी मिलणे रे बारे मन्झ लिखणा चाहें।

2 थिस्सलुनकियो 2:13

हे भाईयो होर बैहणो, आस्सो हमेसा तुस्सा रे कठे परमेसरा रा धन्यावाद करणा चहिए, प्रभु तुस्सा किन्हें प्यार करहा। क्यूंकि तिन्हें संसारा जो रचणे ले पैहले ही तुस्से चुणी लितिरे कि पवित्र आत्मा रे कामा रे ज्रीए तुस्सा रा उद्धार करहे; जो तुस्सा जो पवित्र बणा। होर यीसू मसीह रे बारे मन्झ सच्चाई री खबरा पर विस्वास करणे रे ज्रीए भी।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

2 पतरस 1:13

आस्सा रे प्रभु यीसू मसीहे मुंजो ये गल दसीरी कि मेरे मरणे रा टैम जल्दी आऊणें वाल़ा आ। इधी कठे हांऊँ सोच्हा कि मेरे कठे ये ठीक आ कि, मेरे ऐबे जिउंदे रैहन्दे ही इन्हा गल्ला रे बारे मन्झ तुस्सा जो याद कुरांदा ही रहूँ।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।