2 पतरस 3:4 - मंडयाली नंऊँआं नियम

⁴ तिन्हा बैहस करी किन्हें बोलणा कि, “यीसू प्रभुए वापस आऊणें रा वादा कितिरा था, पर हल्ली तक से नी आया। जो पैहले आस्सा रे अगुवे थे स्यों ता मरी गये, कुछ नी बधल्या। परमेसरा रे संसारा जो रचणे ले टैमा ले ही सभ कुछ तेह्ड़ा ही चलदा आईरा।”

2 पतरस 3:4 Iomraidhean Croise

मत्ती 16:27

क्यूंकि मां माह्णुं रे मह्ठे आपणे स्वर्गदूता साउगी आपणे बापू री महिमा मन्झ आऊंणा, होर तेस टैम तेस हर एकी जो तेसरे कामा रे मताबक इनाम देणा।

मत्ती 16:28

हांऊँ तुस्सा किन्हें सच्च बोल्हा कि एथी बौह्त लोक खड़ीरे कि जेबे तिन्हा हांऊँ माह्णुं रा मह्ठा तेसरे राजा मन्झ आऊंदे हुये देखी लैन्घे, तेबे ही तिन्हा मरणा।”

मत्ती 24:28

जेह्ड़ा सभ जाणहां ऐं कि जेथी ईल्लणा कठ्ठा हुई तेथी ल्हासा भी हूणीं।”

मत्ती 24:48

पर अगर से दुस्ट सेऊआदार सोच्दा लगे कि, आस्सा रे माल्क रे आऊणें मन्झ हली देर ई।

मरकुस 10:6

“पर सृस्टी रे सुर्हूआता, ले ई परमेसरे ‘मर्ध होर जन्नाने करी किन्हें तिन्हा जो बणाया।’

मरकुस 13:19

क्यूंकि स्यों ध्याड़े एह्ड़े दुःखा रे हूंणे कि, जिहां सृस्टी री सुरूआता ले, जेभे ले परमेसरे ये सृस्टी रचीरी, आज तक ना कधी एह्ड़ा हुआ होर ना फेरी दबारा कधी हूंणा।

लूका 12:45

पर अगर से सेऊआदार सोच्दा लगे कि, आस्सा रे माल्क आऊणें मन्झ देर करेया करहा, होर आपणे साउगी सेऊआदार होर सेऊआदारणीयो जो मारदा पिट्दा लगे, होर दारु पीणे वाल़े लोका साउगी खाए पीए।

चुणिरे चेले रे काम 7:60

फेरी से जांढू रे भारे झुकी किन्हें जोरा किन्हें चिंगेया, “हे प्रभु, इन्हा पर एस पापा रा दोस मत लगा।” होर ये बोली किन्हें से मरी गया।

1 थिस्सलुनकियो 2:19

आस्सा री आस, या खुसी, या महिमा रा ताज कुणहां आ? स्यों तुस्से लोक ही हूंणे जेबे आस्सा रा प्रभु यीसू वापस आऊंणा।

2 पतरस 3:12

होर जेबे तुस्से तेस ध्याड़े रा इंतजार करहे जेबे परमेसरा एस संसारा रा न्याय करदे आऊंणा, ता तेसरे ध्याड़े जो जल्दी लेई आऊणें रे कठे कोसिस करहा। तेस ध्याड़े, आगिया आसमान फुखी किन्हें नास करी देणा, होर आसमाना मन्झ जेह्ड़ी भी चीजा, सूरज, चांद, तारे सभीया तपी किन्हें गली जाणा।

प्रकासना री गल्ला 3:14

फेरी तिन्हें मेरे किन्हें ये बोल्या कि, “लौदिकिया सैहरा री कलीसिया रे दूत जो ये संदेस लिख कि: हांऊँ ई आ जेस जो आमीन बोले, क्यूंकि हांऊँ भरोसे रे लायक आ, होर मैं परमेसरा रे बारे मन्झ गुआई देहां कि से सच्चा। हांऊँ ई आ जेसरे ज्रीए परमेसरे सारी सृस्टी री रचना किती। हांऊँ तुस्सा किन्हें ये बोल्हा कि: