2 पतरस 3:3 - मंडयाली नंऊँआं नियम

³ सभी ले पैहले ये जाणी लो कि, आखरी ध्याड़े मन्झ मसीह रे दबारा वापस आऊणें ले पैहले एह्ड़े लोक हूंणे, जिन्हा तुस्सा रा मजाक डूआणा, क्यूंकि तुस्से ये विस्वास करहे की मसीहा वापस आऊंणा। एह्ड़े लोक आपणी बुरी इच्छा रे मताबक आपणी जिन्दगी जीये।

2 पतरस 3:3 Iomraidhean Croise

यहून्ना 12:48

जो मुंजो बेकार जाणहां होर मेरी गल्ला नी मन्नदा, मेरे बोलिरे सच्चे बचना से दोसी ठैहराणा होर एस बचना आखरी ध्याड़े तेसरा न्याय करणा।

2 कुरिन्थियो 4:2

बल्की आस्से ता बेज्जती री गल्ला होर गुप्त काम करणा छाडी दिते, ना आस्से चलाकी करहा ऐं, होर ना आस्से परमेसरा रे बचना मन्झ मिलावट करहा ऐं, बल्की परमेसरा रे साम्हणें सिर्फ सच्चाई री गल्ला बोल्हा ऐ। होर हर माह्णुं एस गल्ला री गुआही देई सकां कि आस्से सच्चे ऐं।

2 तिमिथियुस 3:1

तिमिथियुस हांऊँ चाहां कि तू ये जाणी ले कि, आखरी ध्याड़े मन्झ मसीह रे दबारा वापस आऊणें ले पैहले आस्सा पर बौह्त दुःखा रा टैम आऊंणा।

इब्रानियो 1:2

पर इन्हा आखरी ध्याड़े मन्झ परमेसरे आस्सा साउगी आपणे मह्ठे रे ज्रीए गल्ला किती। तिन्हें आपणे मह्ठे रे ज्रीए सारे संसारा री रचना किती होर तेस जो सभ चीजा रा वारिस नियुक्त कितेया।

2 पतरस 1:20

पर ये जरूरी ई कि पैहले ये जाणी लऊआ कि नबिया री गल्ला जो तुस्से पवित्र सास्त्रा मन्झ पढ़े, स्यों नबिया रे आपणे विचार नी हुंदे।

2 पतरस 2:10

परमेसर सभ बुरे लोका जो सजा देणी पर तेस तिन्हो झूठे उपदेस स्खाणे वाले जो पक्का सजा देणी। जो आपणे बुरी होर पापा री अभिलासा रे मताबक जिन्दगी जीये होर परमेसरा रे हका जो आपणे जिन्दगी ले नकारा ऐं। स्यों ढीठ होर घमंडी ऐं, तिन्हो स्वर्गा रे महिमामय प्राणिया रे बारे मन्झ बुरा बोलणे ले डर नी लगदा।

1 यहून्ना 2:18

हे बच्चेयो, ये आखरी टैम आ जेबे मसीह वापस आऊंणा, होर जेह्ड़ा तुस्से सुणिरा कि, मसीह रा व्रोधी आऊणें वाल़ा आ, तेसरे मताबक ऐबे भी बौह्त सारे मसीह रे व्रोधी खड़े हुई गईरे; एता ले आस्से जाणहां ऐं कि, ये आखरी टैम आ।

यहूदा 1:16

ये लोक हमेसा परमेसरा रे खलाफ बोल्हे होर दूजेया री गलतिया काढे, होर आपणी इच्छा रे मताबक हमेसा बुरे काम करहे। स्यों आपणे बारे मन्झ बडी-बडी गल्ला बोल्हे होर दूजेया री तारीफ करणे रा ढोंग करहे, ताकि तिन्हो तेता ले कुछ फायदा मिली सके।

यहूदा 1:18

स्यों तुस्सा किन्हें बोल्हा ऐं थे कि, “आखरी ध्याड़े मन्झ आस्सा रे प्रभु यीसू मसीह रे वापस आऊणें ले पैहले एह्ड़े मखौलिये हूंणे, जिन्हा प्रभु रा होर तेसरे लोका रा मजाक डूआणा।” ये एह्ड़े लोक ऐे जो आपणी बुरी इच्छा रे मताबक आपणी जिन्दगी जीये।