2 पतरस 3:2 - मंडयाली नंऊँआं नियम2 हांऊँ एह्ड़ा इधी कठे करहा क्यूंकि, बौह्त पैहले नबिया रे ज्रीए बोली गईरी गल्ला जो होर आस्सा रे उद्धारकर्ता प्रभु यीसू मसीह री सखाईरी गल्ला जो हांऊँ तुस्सा जो याद कुराणा चाहां, जेस जो चुणिरे चेले तुस्सा जो किन्हें सखाईरा था। Faic an caibideil |
2 पतरस 3:2
20 Iomraidhean Croise
तिन्हें यहूदी लोके जो पौलुसा साउगी थे, तेसरे कठे एक ध्याड़ा नियुक्त कितेया। होर तेस ध्याड़े बौह्त लोक बड़ी संख्या मन्झ आई किन्हें कठे हुए। मूसा री व्यवस्था होर नबिया री कताबा ले यीसू रे बारे मन्झ तिन्हा जो समझाणे रा जतन करदे हुए तिन्हें परमेसरा रे राजा रे बारे मन्झ आपणी गुआही दिती होर समझाया; से भ्यागा ले साह्न्जा तक ये करणे मन्झ ई लगे रहे।
मेरे बोलणे रा मतलब ये आ कि परमेसरा तिन्हा लोका जो ज्यादा सजा देणी जिन्हें मसीह छाडी दितिरा, एता रे बजाय तिन्हा लोका ले जिन्हें से कधी अपनाईरा नी। तिन्हारे कठे येई ठीक था कि तिन्हा जो पता नी लगदा कि किहाँ तिन्हा धार्मिकता री जिन्दगी जीणी। पर ऐबे स्यों जाणांहे कि क्या सही आ, पर तिन्हें परमेसरा रे हुकमा जो टाल्ली दितिरा जो आस्से चुणिरे चेले तिन्हो सखाईरा था।
से आपणी सभ चिठ्ठीया मन्झ जो तिन्हें सारे विस्वासी लोका रे कठे लिखी, तिन्हें स्यों ही गल्ला लिखी जो तुस्सा रे कठे भी लिखीरी। पर तेसरी चिठिया मन्झ कुछ गल्ला जो समझणा कठण आ। जो लोक कम पढ़ी लिखिरे होर आपणे विस्वासा मन्झ कमजोर ऐं, स्यों इन्हा कठण गल्ला रे मतलबा जो तोड़े मरोड़े, जिहां स्यों पवित्र सास्त्रा रे बाकि बचना रा मतलब भी तोड़ मरोड़ करहा ऐं, एह्ड़ा करी किन्हें स्यों आपु ही परमेसरा रे ज्रीए नास हूंणे री वजहा बणहां ऐं।
होर जेबे मैं ये सुणेया ता जो मेरे किन्हें ये गल्ला करी करहा था, हांऊँ तेसरे पैरा पर पई किन्हें तेसरी अराधना करणे ही वाल़ा था। पर तिन्हें मेरे किन्हें बोल्या, “देख, एह्ड़ा मत कर, सिर्फ परमेसरा री ही अराधना कर। क्यूंकि हांऊँ तुस्सा साहीं होर तुस्सा रे सभ विस्वासी भाई बैहणा साहीं परमेसरा रा एक सेऊआदार आ। जिन्हारी एक ई गुआही कि यीसू ही तिन्हारा प्रभु आ।” यीसूए जो ये सच्च जाहिर कितिरा से ही लोका जो परमेसरा री खबरा री भविस्यवाणी करणे री सामर्थ देहां।
Sanasan