2 पतरस 3:1 - मंडयाली नंऊँआं नियम

¹ हे लाडले भाईयो होर बैहणो, ऐबे हांऊँ तुस्सा जो ये दूजी चिठ्ठी लिख्हा। होर इन्हा दुहीं चिठिया रे ज्रीए मैं तुस्सा जो तिन्हा गल्ला जो याद कुराई किन्हें जिन्हों तुस्से पैहले जाणांहे, तुस्सा रे मना मन्झ साफ विचार पैदा करणा चाहां।

2 पतरस 3:1 Iomraidhean Croise

मत्ती 5:8

धन्य ऐं स्यों, जिन्हारे मन सुद्ध ऐं, क्यूंकि तिन्हा परमेसर देखणा।

1 तिमिथियुस 5:22

पर केसी जो भी हाथ रखी किन्हें परमेसरा री सेऊआ मन्झ नियुक्त करणे रे कठे जल्दबाजी मत कर, होर अगर तुस्से एह्ड़ा करहे ता तुस्से भी तेसरे पापा रे जिम्मेदार बणना; आपणे आपा जो पवित्र बणाए रख।

2 तिमिथियुस 1:6

इधी कठे हांऊँ तुजो याद दिलाहां कि, तू परमेसरा रे तेस वरदाना जो, जो मेरे हाथ रख्णे ले तुजो मिलिरा तेस जो होर चमकाई दे।

इब्रानियो 6:9

पर हे लाडले भाईयो होर बैहणो, चाहे आस्से ये गल्ला बोल्हा ऐं पर आस्सो पूरा विस्वास आ कि ये गल्ला तुस्सा रे कठे नी। आस्सा जो पूरा भरोसा आ कि तुस्से उद्धारा साउगी मिलणे वाली बांकी चीजा जो पाणे रे लायक ऐं।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

1 पतरस 2:11

हे लाडले भाईयो होर बैहणो, हांऊँ तुस्सा ले अर्ज करहा कि, तुस्से आपणे आपा जो एस संसारा मन्झ परदेसी होर यात्री जाणी किन्हें हर एक सरीरा री पापा री इच्छा ले दूर रैहया, क्यूंकि स्यों हमेसा तुस्सा रे खलाफ युद्ध करहा ई।

2 पतरस 3:14

इधी कठे, हे लाडले भाईयो होर बैहणो, जेबे तुस्से तेस ध्याड़े रा इंतजार करहे जेबे परमेसरा संसारा रा न्याय करणा, ता पूरी कोसिस करा कि आपणे आपा जो बेदाग होर बेकसूर होर तेसरे साउगी सांति मन्झ रखी पाओ।

2 पतरस 3:17

हे लाडले भाईयो होर बैहणो, तुस्से लोक पैहले ले ई जाणहां ऐं कि युयां गल्ला हूणीं। इधी कठे चतन्न रैहया, परमेसरा री व्यवस्था जो नी मनणे वाले लोक तुस्सा जो झूठ बोली किन्हें नी भड़काए, एह्ड़ा करी किन्हें तुस्सा सच्ची गल्ला पर विस्वास करणा छाडी देणा, जिन्हा गल्ला पर तुस्से पैहले विस्वास कितिरा था।

2 पतरस 3:8

हे लाडले भाईयो होर बैहणो, ये गल जो हांऊँ तुस्सा किन्हें बोली करहा कि एस गल्ला जो कधी देखेया भुलदे कि, प्रभु री नजरा मन्झ एक ध्याड़ा हजार साला रे बराबर आ, होर हजार साल एक ध्याड़े रे बराबर। (तेसरे कठे एक ध्याड़ा होर एक हजार साल सभ एक बराबर ऐं)

यहूदा 1:5

हालांकि तुस्से इन्हा सच्ची गल्ला जो जाणांहे पर हांऊँ सिर्फ तुस्सा जो याद कुराणा चाहां। परमेसरे इस्राएली लोका जो मिस्र देसा री गुलामी ले छुड़ाई किन्हें बाहर लेई आया, पर बादा मन्झ परमेसरे तिन्हा सभी जो, जिन्हें तेस पर भरोसा नी रखेया बियाबान जंगला मन्झ ही मुकाई दिते।