2 पतरस 2:9 - मंडयाली नंऊँआं नियम

⁹ इन्हा गल्ला ले जो परमेसरे कितिरा आस्से जाणांहे कि परमेसर आपणे लोका जो परखणी ले बचाणा जाणहां, होर न्याय रे ध्याड़े तक बुरे लोका जो सजा देणा भी जाणहां।

2 पतरस 2:9 Iomraidhean Croise

मत्ती 10:15

हांऊँ तुस्सा किन्हें सच्च बोल्हा कि, न्याय रे ध्याड़े तेस गांऊँआं रे लोका री हालत सदोम होर गमोरा रे सैहरा री हालत ले ज्यादा खराब हूणीं।”

मत्ती 6:13

होर आस्सा री परखणी नी कर, पर आस्सा जो तेस दुस्ट सैताना ले बचा; क्यूंकि राज्य होर सामर्थ होर महिमा हमेसा तुस्सा रे ई ऐं।’ आमीन।”

रोमियो 2:5

पर एह्ड़ा करणे रे बजाय, तू जिद्दी हुई किन्हें पाप करणा नी छाडदा, इधी कठे परमेसरा तुजो सख्त सजा देणी, होर जेस ध्याड़े परमेसरा गुस्से हूंणां तेस ध्याड़े परमेसरा रा न्याय धार्मिकता साउगी जाहिर हूंणां।

1 कुरिन्थियो 10:13

तुस्से कोई एह्ड़ी परखणी मन्झ नी पईरे, जो माह्णुं रे सैहणे ले बाहर हो। परमेसर भरोसे रे लायक आ; क्यूंकि से तुस्सा जो एह्ड़ी परीक्सा मन्झ नी पऊणे देंदा, जेस्सा रा तुस्से साम्हणा नी करी सकदे, पर एता रे बजाय तेस तुस्सा जो सामर्थ देणी, जेता री तुस्सा जो जरूरत ई, ताकि तुस्से पापा ले बची सको।

2 तिमिथियुस 3:12

पर ये गल्ला सच्च ई कि जितने लोक मसीह यीसू साउगी एक हुई किन्हें भक्ति री जिन्दगी जीणा चाहें, स्यों सभ सताए जाणे।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

2 पतरस 2:4

तुस्से जाणांहे कि बौह्त पैहले कुछ स्वर्गदूते परमेसरा रे हुक्मा जो नी मन्नेया था, ता परमेसरे तिन्हो सजा दिति। तिन्हें स्यों दूत नरका मन्झ भेजी दिते, जेथी तिन्हो सांगला किन्हें बान्ही किन्हें नह्यारे मन्झ रखीरा, ताकि से न्याय रे ध्याड़े तक जेबे तक तिन्हो सजा मिले, तेथी पईरे रेहणा।

2 पतरस 3:7

पर तेस ही हुकमा ले परमेसरे आज का आसमान होर धरती रखिरी ताकि तेता जो आगी किन्हें भस्म करहे। ये तिन्हें तेस ध्याड़े रे कठे बचाई रखीरा, जेस ध्याड़े तेस हुकमा जो नी मन्नणे वाले रा न्याय करी किन्हें तिन्हारा नास करणा।

यहूदा 1:6

याद रखा परमेसरे केस तरीके से तिन्हा स्वर्गदूता जो सजा दिती, जो आपणे हका ले खुस नी थे, बल्की तिन्हें तिन्हा जो मिलिरे औहदे भी छाडी दिते, परमेसरे इन्हा दूता जो नह्यारे वाली जगहा मन्झ अनंत सांगला किन्हें बान्ही किन्हें रखिरा, जेस जो कोई तोड़ी नी सकदा, ताकि तेस महान न्याय रे ध्याड़े तिन्हारा न्याय कितेया जाये।

प्रकासना री गल्ला 3:10

जेबे तुस्से दुखी थे ता तेता जो सबरा साउगी सहन करणे रे कठे तुस्से मेरी गल्ला जो मन्नेया, होर एस वजहा ले मां भी तू परीक्सा रे टैमा बचाई रखणा। ये परखणी रा टैम सभ संसारा रे लोका पर आऊंणा।