2 पतरस 2:3 - मंडयाली नंऊँआं नियम

³ एह्ड़े स्खाणे वाले लोक लालची हूंणे, होर मन घड़न्त कहाणीया बणाई किन्हें पैसा कमाणे रे कठे तुस्सा जो धोखा देणा। परमेसरे बौह्त पैहले ले ही इन्हों सजा देणे रा फैसला कितिरा था। होर ऐबे से करणे रे कठे त्यार आ, तेस सच्चे स्यों नास करी देणे।

2 पतरस 2:3 Iomraidhean Croise

मत्ती 23:14

हे पाखंडी व्यवस्था स्खाणे वाल़े होर फरीसी लोको, तुस्सा जो बौह्त सजा मिलणी! तुस्से विधवा जो ठगी किन्हें तिन्हारे घर-बार होर जायदाद आपणे कठे लई लैहां ऐं, होर दिखावे रे कठे बड़ी देरा तक प्रार्थना करदे रैंहयां ऐं। इधी कठे परमेसरा तुस्सा जो सजा देणी।

लूका 18:8

हांऊँ तुस्सा किन्हें बोल्हा, तेस झटपट तिन्हारा न्याय चुकाणा, तेबे भी मां माह्णुं रे मह्ठे जेबे आऊंणा, ता धरती पर मुंजो कितने मिलणे जिन्हा मेरे पर विस्वास रखणा?”

लूका 20:20

होर स्यों तेस ताका मन्झ लगी रहे होर स्यों जासूस भेजे जो ईमानदारी रा ढोंगी करी किन्हें यीसू री कोई ना कोई गल पकड़ी ले कि, स्यों यीसू जो हाकमा रे हका मन्झ सौंपी दे।

लूका 22:47

यीसू एह्ड़ा बोल्या ई करहा था कि, एक भीड़ आई, यहूदा इस्करयोति, जो बारा चेले मन्झा ले एक था, से तिन्हारे अगे-अगे आया करहा था, से यीसू वाले आया, ताकि से तेस जो गले लगाई सको।

यहून्ना 2:16

होर कबूतर बेचणे वाल़ेया किन्हें बोल्या, “इन्हा जो एथी ले बाहर लई जा। मेरे बापू रे घरा जो वपारा रा घर नी बणाऊआ।”

रोमियो 16:18

क्यूंकि एह्ड़े लोक आस्सा रे प्रभु मसीह री सेऊआ नी करदे, पर आपणी व्यक्तिगत इच्छा जो पूरी करहा ऐं, होर चिकनी चुपड़ी गल्ला किन्हें सीधे सादे लोका जो धोखा दें।

2 कुरिन्थियो 2:17

क्यूंकि आस्से तिन्हा साहीं नी ऐं, जो परमेसरा रे बचना रा प्रचार अमीर हूंणे रे कठे करहा ऐं; बल्की ये जाणी किन्हें कि आस्से परमेसरा रे भेजिरे। आपणी मना री सच्चाई किन्हें मसीह रे हका रे ज्रीए परमेसरा री उपस्थिति मन्झ तेसरे बचना रा प्रचार करहा ऐं।

1 थिस्सलुनकियो 2:5

तुस्से जाणहां ऐं कि, आस्से ना कधी चापलूसी री गल्ला करहा ऐं थे, होर ना ही लालचा री वजहा ले कोई काम कितिरा। होर परमेसर गुआही देआ कि आस्से एह्ड़ा काम नी कितिरा।

1 थिस्सलुनकियो 5:3

जेबे लोका ये बोलणा कि, “सभ कुछ सांत होर सुरक्षित आ,” तेस टैमा अचानक तिन्हारी पीड़ा सुर्हू हुई जाणी। ठीक तिहां ईं जिहां एक गर्भवती जनानिया जो बच्चे जमणे रे टैमा री पीड़ा अचानक सुर्हू हुई जाहीं, होर तिन्हा एस खरतनाक पीड़ा ले नी बचणा।

1 तिमिथियुस 3:3

से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

1 तिमिथियुस 3:8

कलीसिया रे अगुवे साहीं कलीसिया रे सेऊआदार भी एह्ड़े लोक हो जिन्हारी लोक इज्जत करदे हो, होर जो कुछ स्यों बोलदे हो तेता मन्झ इमानदार हो, सराबी होर दूजेया जो धोखा देई किन्हें पैसे कमाणे वाले नी हो।

1 तिमिथियुस 6:5

एह्ड़े माह्णुंआं हमेसा एक दूजे किन्हें लड़ने मन्झ लगी रैहया, होर तिन्हारी बुद्धि खराब हुई गईरी। होर ऐबे स्यों कधी नी समझी सकदे कि सच्चाई क्या ई। स्यों समझे कि परमेसरा री सेऊआ करणा पैसे कमाणे रा जरिया।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

1 पतरस 2:8

होर फेरी पवित्र सास्त्रा मन्झ ये भी लिखिरा कि, “से एह्ड़ा पात्थर आ, जेता ले लोका जो ठेस लगी, होर एह्ड़ी चट्टान ई की जेता ले स्यों ठोकर खाएं,” क्यूंकि स्यों लोक परमेसरा रे बचना जो नी मनणे रे कठे ठोकर खाहें, होर परमेसरे ये नियुक्त कितिरा था कि तिन्हा किन्हें एह्ड़ा ही हूंणा।

1 पतरस 5:2

कि विस्वासी लोका रे झुंडा री देखभाल करा; जो परमेसरा री, होर जो तुस्सा जो दितिरी की तुस्से तिन्हारी देखभाल करी सको। होर तिन्हारी देखभाल खुसी किन्हें करहा, कोई जोर जबरदस्ती किन्हें नी, क्यूंकि ये ही परमेसरा री इच्छा ई। एह्ड़ा तुस्से नीच कमाई रे कठे नी, पर सच्चे तिन्हारी मदद करणे रे कठे करा।

2 पतरस 1:16

जेबे आस्से चुणिरे चेले तुस्सा जो प्रभु यीसू मसीह रे दबारा वापस आऊंणा होर तेसरी सामर्था रे बारे मन्झ दसेया था, ता आस्से चुतुराई किन्हें मन घड़न्त कहाणीया नी सुणाई री थी। बल्की आस्से आपणी हाखिया ले तेसरी महानता देखी थी।

2 पतरस 2:1

होर जिहां बौह्त पैहले इस्राएल देसा मन्झ झूठे नबी हुंहाँ करहा ऐं थे, तिहां ईं ऐबे तुस्सा री कलीसिया मन्झ भी झूठे उपदेस देणे वाल़ेया आऊंणा, होर तिन्हा परमेसरा रे बारे मन्झ घातक झूठ बोलणा। एथी तक कि तिन्हा मसीह जो आस्सा रा एक ही माल्क ऐं तेसरा इनकार करणा, जिन्हें जे स्यों पापा ले अजाद किते, होर एस तरहा तिन्हा आपणे गास अचानक बिनास लेई आऊंणा।

2 पतरस 2:9

इन्हा गल्ला ले जो परमेसरे कितिरा आस्से जाणांहे कि परमेसर आपणे लोका जो परखणी ले बचाणा जाणहां, होर न्याय रे ध्याड़े तक बुरे लोका जो सजा देणा भी जाणहां।

यहूदा 1:11

तिन्हा जो बौह्त सजा मिलणी! तिन्हें आदमा रे मह्ठे कैना साहीं बुरे काम किते, जिन्हें आपणे भाई रा खून कितेया। जिहां बिलामे पैसा कमाणे रे कठे लोका ले पाप कुराया था, तिहां ही जल्दबाजी मन्झ झूठे उपदेस देणे वाले भी ये गलती किती। होर जिहां मूसा रे विरोध करणे री वजहा ले परमेसरे कोरहा जो नास करी दितिरा था, तिहां ही ये लोक भी नास किते जाणे, क्यूंकि ये लोक प्रभु रा बिरोध करी करहा ऐं।

यहूदा 1:15

कि सभी लोका रा न्याय करहे, होर जो परमेसरा री इज्जत नी करदे, तिन्हा जो तिन्हें बुरे काम होर लुचपन रे कठे दोसी ठैहराये होर तिन्हा डरावनी गल्ला रे कठे भी जो तिन्हें लोके परमेसरा रे विरोधा मन्झ बोलिरी।”

यहूदा 1:16

ये लोक हमेसा परमेसरा रे खलाफ बोल्हे होर दूजेया री गलतिया काढे, होर आपणी इच्छा रे मताबक हमेसा बुरे काम करहे। स्यों आपणे बारे मन्झ बडी-बडी गल्ला बोल्हे होर दूजेया री तारीफ करणे रा ढोंग करहे, ताकि तिन्हो तेता ले कुछ फायदा मिली सके।

यहूदा 1:4

क्यूंकि यीसू मसीह पर विस्वास करणे रा ढोंग करणे वाले कुछ लोक तुस्सा री कलीसिया किन्हें जुड़ी गईरे। ये परमेसरा री इज्जत नी करदे होर गलत उपदेस दें कि आस्से लुचपन करी सके, क्यूंकि परमेसर आस्सा रे पाप माफ करी देआ। स्यों प्रभु यीसू मसीहा रा इनकार करहा ऐं जो आस्सा रा एक ऐं प्रभु होर माल्क आ। बौह्त टैम पैहले पवित्र सास्त्रा मन्झ लिखिरा था कि परमेसर आस्सो सजा देआ।

यहूदा 1:7

इन्हा इस्राएली लोका होर स्वर्गदूता साहीं याद रखा कि सदोम होर गमोरा होर तेसरे ओरले परले सैहरा मन्झ रैहणे वाले लोका किन्हें क्या हुईरा था। स्यों लोक व्यभिचारी हुई गईरे थे होर हर प्रकारा रे नजायज यौन रिस्ते मन्झ पई गईरे थे, इधी कठे परमेसरे स्यों आगी किन्हें मारी दिते, होर ये झूठे उपदेस देणे वाले रे कठे एक चेतावनी की तिन्हा जो भी अनंतकाला री आगी ले सजा मिलणी।