2 पतरस 2:2 - मंडयाली नंऊँआं नियम

² कई लोक जो आपणे आपा जो विस्वासी बोल्हे तिन्हा, तिन्हा लोका साहीं लुचपन करणा, इधी कठे दूजे जो विस्वासी लोक नी ऐं, जिन्दगी जीणे रे सही रस्ते रे बारे मन्झ निंदा करणी।

2 पतरस 2:2 Iomraidhean Croise

मत्ती 22:16

होर तिन्हें राजा हेरोदेसा रा साथ देणे वाल़े लोका साउगी आपणे कुछ चेले तेस वाले ये बोलणे रे कठे भेजे कि, “हे गुरु, आस्से जाणहां ऐं कि, तू सच्चा आ, होर परमेसरा री गल्ला सच्चाई किन्हें स्खाहां, होर केसी री परवाह नी करदा। क्यूंकि तू माह्णुं रा मुंह देखी किन्हें गल्ला नी करदा।

मत्ती 24:24

“क्यूंकि झूठे मसीह होर झूठे नबिया आऊंणा, होर तिन्हा बड़े चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

मत्ती 7:14

क्यूंकि संगड़ा आ से फाटक होर संगड़ा आ से पैंडा जो अनंत जिन्दगी री तरफ लई जाहाँ, होर थोह्ड़े ई ऐं जो तेता जो पाई लैहां ऐं।”

मरकुस 12:14

होर से आई किन्हें यीसू किन्हें बोल्या, “हे गुरू, आस्से जाण्हां ऐं कि, तू सच्चा आ, होर केसी री परवाह नी करदा। क्यूंकि तू माह्णुं रा मुंह देखी किन्हें गल्ला नी करदा, पर परमेसरा री गल्ला सच्चाई किन्हें स्खाहां। क्या महाराजे जो कर देणा ठीक आ कि, नी?

मरकुस 13:22

क्यूंकि झूठे मसीह होर झूठे नबिया आऊंणा, होर तिन्हा चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

यहून्ना 14:6

यीसूए तेस किन्हें बोल्या, “पैंडा होर सच्चाई होर जीवन हांऊँ ईं आं; मेरे बगैर कोई बापू वाले नी पूजी सक्दा।

चुणिरे चेले रे काम 13:10

“हर किस्मा रे धोखे होर मकारी किन्हें भर्ही रे सैताना रे बच्चे, तू जे सारी धार्मिकता रा दुस्मण आ, क्या तुध प्रभु रे सीधे पैंडे जो टेढा करणा नी छाडणा?

चुणिरे चेले रे काम 14:2

पर विस्वास नी करणे वाले यहूदी लोक सके थे, अन्यजाति रे मन भड़काये होर विस्वासिया रे बरखलाफ तिन्हारे मना मन्झ कड़वाहट पैदा करी दिती।

चुणिरे चेले रे काम 16:17

से पौलुसा रे होर आस्सा रे पीछे आई किन्हें चिंगदी लगी कि, “ये माह्णुं परमप्रधान परमेसरा रा सेऊआदार आ, जो आस्सा पर उद्धार रा पैंडा जाहिर करहा।”

चुणिरे चेले रे काम 18:26

से यहूदी सभा मन्झ न्डरे हुई किन्हें बोल्दा लग्या, पर प्रिसकिल्ले होर अक्विले तेसरी गल्ला सुणी किन्हें, तेस जो आपणे घरा ल्याई किन्हें होर परमेसरा रा पैंडा तेस जो होर भी साफ-साफ समझाई दितेया।

चुणिरे चेले रे काम 19:9

पर तिन्हा मन्झा ले कुछ लोक बौह्त हठी थे तिन्हें विस्वास करणे ले नांह करी दिती होर लोका रे साम्हणें “प्रभु यीसू रे पैंडे” जो भला बुरा बोल्दे लगे, होर से आपणे चेले जो आपणे साउगी लई किन्हें तिन्हा ले लग हुई गया, होर से तरन्नुसा नांऊँआ रे उपदेस देणे वाले कमरे मन्झ जाईं किन्हें हर रोज चर्चा करदा लग्या।

चुणिरे चेले रे काम 22:4

होर मैं मर्ध होर ज्नानिया बान्ही किन्हें, होर जेल्हा मन्झ पाई किन्हें, एस ‘प्रभु यीसू रे पैंडे’ जो एथी तक स्ताया कि, तिन्हा जो मरवाई भी दे।

चुणिरे चेले रे काम 24:14

पर हांऊँ तेरे साम्हणें मन्हां कि, ये यहूदी अगुवे सोचे की हांऊँ ‘प्रभु यीसू रे पैंडे’ रे मताबक चला जेस जो ये लोक कुपंथ बोल्हा ऐं। हांऊँ आपणे बापदादे रे परमेसरा री अराधना करहा, हांऊँ हरेक तेस गल्ला मन्झ विस्वास करहा जो मूसा री व्यवस्था दस्हा ई, होर जो नबिया रे कताबा मन्झ लिखीरी ई।

रोमियो 2:24

इधी कठे पवित्र सास्त्रा मन्झ भी लिखिरा, “क्यूंकि तुस्सा यहूदी लोका री वजहा ले गैर-यहूदी लोका मन्झ परमेसरा रे नांऊँआं री निंदा हुंहाँ ई।”

1 तिमिथियुस 5:14

इधी कठे मुंजो ये ठीक लगहा कि, जुआन विधवा ब्याह करी ले; होर बच्चे जणे होर घर-बार संभाले, तेबे दुस्मणा जो तिन्हा जो बदनाम करणे रा मौका नी मिलणा।

तितुस 2:5

होर किहाँ आपणे आपा पर काबू रखी सके, होर पतिव्रता रहे किहाँ आपणे-आपणे घरा री देखभाल करहे, होर दूजेया पर दया करहे, होर आपणे-आपणे लाड़े रे अधीन रहे, ताकि कोई भी परमेसरा रे बचना री निंदा नी करहे।

तितुस 2:8

तू से ही सखा जो सच्च आ, होर जेसरा विरोध कोई नी करी सके, ताकि तुस्सा रे दुसमण सर्मिन्दा हुई जाये। क्यूंकि तिन्हा वाले तुस्सा रे बरखलाफ बुरा बोलणे रे कठे कुछ भी नी आ।

1 पतरस 2:12

तुस्सा रे ओरे परे रैहणे वाले लोक जो परमेसरा पर विस्वास नी करदे बोली सके कि तुस्सा रे काम बुरे। एह्ड़ी खरी जिन्दगी जीया ताकि स्यों तुस्सा रे भले कामा जो देखी किन्हें मसीह रे दबारा वापस आऊणें रे ध्याड़े परमेसरा जो महिमा दे।

2 पतरस 2:12

पर ये स्खाणे वाले बेअक्ल जानवरा साहीं ऐं, क्यूंकि ये जानवर आपणे दिमागा ले कुछ नी सोचदे होर सिर्फ पकड़े होर मारे जाणे रे कठे जम्मिरे; ये लोक जो तिन्हारे मना मन्झ आये तेह्ड़ा ही करहे, होर जिन्हा गल्ला रे बारे मन्झ नी समझ्दे तिन्हारे बारे मन्झ भी बुरा भला बोल्हा ऐं, परमेसरा सच्चे स्यों इंहां ही नास करी देणे, जिहां लोक जानवरा जो मारी दे।

2 पतरस 2:15

होर स्यों ठीक काम नी करदे, होर जिहां बौह्त पैहले बओरा रे मह्ठे बिलामे जो बुरे काम कितिरे थे, तिन्हें भी एह्ड़ा करणा सुर्हू करी दितिरा। तेस जो पैसा कमाणे रे कठे लोका ले पाप कुराणा बांका लगहा था।

2 पतरस 2:18

जेबे स्यों लोको स्खायें, स्यों बेकार होर बडयाई री गल्ला जो बोल्हे। स्यों बोल्हे कि स्यों आपणी सरीरा री इच्छा रे मताबक बेज्जत करणे वाली सारी गल्ला जो करही सक्हा ऐं। होर जिन्हें लोके ऐबे-ऐबे बुरे काम करणा छाडी किन्हें विस्वासी बणिरे, स्यों तिन्हा जो धोखा देई किन्हें वापस पाप करणे रे कठे हिम्मत दे।

2 पतरस 2:21

मेरे बोलणे रा मतलब ये आ कि परमेसरा तिन्हा लोका जो ज्यादा सजा देणी जिन्हें मसीह छाडी दितिरा, एता रे बजाय तिन्हा लोका ले जिन्हें से कधी अपनाईरा नी। तिन्हारे कठे येई ठीक था कि तिन्हा जो पता नी लगदा कि किहाँ तिन्हा धार्मिकता री जिन्दगी जीणी। पर ऐबे स्यों जाणांहे कि क्या सही आ, पर तिन्हें परमेसरा रे हुकमा जो टाल्ली दितिरा जो आस्से चुणिरे चेले तिन्हो सखाईरा था।

2 पतरस 2:7

पर सदोम सैहरा जो नास करणे ले पैहले तिन्हें लूता जो, जो धर्मी माह्णुं था तेथी रे काढी किन्हें तेसरी जिन्दगी बचाई, लूत बौह्त दुःखी हुएआ हूँगा, क्यूंकि सदोमा सैहरा रे लोके कोई भी व्यवस्था रा पालन नी कितेया होर बेज्जती वाल़ा काम कितेया।

यहूदा 1:10

पर ये लोक जिन्हा गल्ला जो नी समझ्दे, तेता रे बारे मन्झ बुरा-भला बोल्हा ऐं। होर जिन्हा गल्ला जो स्यों समझे होर जिन्हा गल्ला जो स्यों नासमझ जानवरा साहीं स्वभावा ले ही करहा ऐं, इन्हा पाप भरी गल्ला करणे ले ही स्यों आपणे आपा रा नास करी करहा ऐं।

यहूदा 1:15

कि सभी लोका रा न्याय करहे, होर जो परमेसरा री इज्जत नी करदे, तिन्हा जो तिन्हें बुरे काम होर लुचपन रे कठे दोसी ठैहराये होर तिन्हा डरावनी गल्ला रे कठे भी जो तिन्हें लोके परमेसरा रे विरोधा मन्झ बोलिरी।”

यहूदा 1:4

क्यूंकि यीसू मसीह पर विस्वास करणे रा ढोंग करणे वाले कुछ लोक तुस्सा री कलीसिया किन्हें जुड़ी गईरे। ये परमेसरा री इज्जत नी करदे होर गलत उपदेस दें कि आस्से लुचपन करी सके, क्यूंकि परमेसर आस्सा रे पाप माफ करी देआ। स्यों प्रभु यीसू मसीहा रा इनकार करहा ऐं जो आस्सा रा एक ऐं प्रभु होर माल्क आ। बौह्त टैम पैहले पवित्र सास्त्रा मन्झ लिखिरा था कि परमेसर आस्सो सजा देआ।

यहूदा 1:7

इन्हा इस्राएली लोका होर स्वर्गदूता साहीं याद रखा कि सदोम होर गमोरा होर तेसरे ओरले परले सैहरा मन्झ रैहणे वाले लोका किन्हें क्या हुईरा था। स्यों लोक व्यभिचारी हुई गईरे थे होर हर प्रकारा रे नजायज यौन रिस्ते मन्झ पई गईरे थे, इधी कठे परमेसरे स्यों आगी किन्हें मारी दिते, होर ये झूठे उपदेस देणे वाले रे कठे एक चेतावनी की तिन्हा जो भी अनंतकाला री आगी ले सजा मिलणी।

प्रकासना री गल्ला 12:9

होर स्यों धरती पर डयाई दिते। होर से बडा अजगर, सेई पुराणा सांप, जेस जो जे सैतान बोल्हा ऐं। सेई आ जो सारे संसारा रे लोका जो भड़काहां।

प्रकासना री गल्ला 13:14

होर पैहले राक्सा जो दूजे राक्सा रे साम्हणें ये सारे चिन्हा दसणे रा हक दितिरा था। होर इन्हा चिन्हा रे ज्रीए से धरती पर रैह्णे वाले सभ लोका जो भड़काई करहा था। तिन्हें आदेस दितिरा था कि स्यों पैहले राक्सा री मूर्ति बणाए, जेस जो तलवारा किन्हें चोट लगीरी थी पर ऐबे से ठीक हुई गईरा था।

प्रकासना री गल्ला 13:8

होर धरती रे सभ रैहणे वाले लोका तेसरी राक्सा री अराधना करणी, यानि स्यों सारे लोक जिन्हारे नांऊँ संसारा री सुर्हूआता ले लेई किन्हें छेलू री जिन्दगी री कताबा मन्झ नी लिखी गईरे। छेलू ई आ जो मारी दितिरा था।