2 पतरस 2:1 - मंडयाली नंऊँआं नियम

¹ होर जिहां बौह्त पैहले इस्राएल देसा मन्झ झूठे नबी हुंहाँ करहा ऐं थे, तिहां ईं ऐबे तुस्सा री कलीसिया मन्झ भी झूठे उपदेस देणे वाल़ेया आऊंणा, होर तिन्हा परमेसरा रे बारे मन्झ घातक झूठ बोलणा। एथी तक कि तिन्हा मसीह जो आस्सा रा एक ही माल्क ऐं तेसरा इनकार करणा, जिन्हें जे स्यों पापा ले अजाद किते, होर एस तरहा तिन्हा आपणे गास अचानक बिनास लेई आऊंणा।

2 पतरस 2:1 Iomraidhean Croise

मत्ती 10:33

पर जो कोई माह्णुं रे साम्हणें मुंजो नी मन्नघा, ता मां भी आपणे स्वर्गीय बापू रे साम्हणें से नी मनणा।”

मत्ती 24:11

होर कई झूठे नबी आऊंणा, होर कई भरमाणे।

मत्ती 24:24

“क्यूंकि झूठे मसीह होर झूठे नबिया आऊंणा, होर तिन्हा बड़े चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

मत्ती 24:5

क्यूंकि बौह्त लोका एह्ड़ा करणा तिन्हा मेरे हका मन्झ आऊंणा, होर तिन्हा बोलणा कि, ‘हांऊँ मसीह आ,’ होर तिन्हा बौह्त लोक भरमाणे।

मत्ती 7:15

“झूठे नबिया ले चतन्न रहुआ, जो नुकसान पुजाणे वाली भेडा रे भेसा मन्झ छुपिरे, पर अंदरा ले स्यों नुकसान कुराणे वाल़े भेड़िये साहीं ऐं,

मरकुस 13:22

क्यूंकि झूठे मसीह होर झूठे नबिया आऊंणा, होर तिन्हा चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

लूका 12:9

पर जो माह्णुं रे साम्हणें मुंजो नी मनदे, ता परमेसरा रे स्वर्गदूता रे साम्हणें मां भी से मनणा।

लूका 21:8

यीसूए बोल्या, “चतन्न रैहया कि, कोई तुस्सा जो ना भरमाए, क्यूंकि बौह्त लोका मेरे हका मन्झ आऊंणा, होर तिन्हा बोलणा कि, ‘हांऊँ मसीह आ,’ होर ये भी कि टैम आई गईरा, ता तुस्से तिन्हारे पीछे देख्या चली जांदे।

लूका 6:26

होर तुस्से जेजो सभ लोक खरा बोले, तुस्सा जो बौह्त सजा मिलणी! क्यूंकि तिन्हारे बापदादे भी झूठे नबिया जो खरा बोल्हा ऐं थे।”

रोमियो 16:18

क्यूंकि एह्ड़े लोक आस्सा रे प्रभु मसीह री सेऊआ नी करदे, पर आपणी व्यक्तिगत इच्छा जो पूरी करहा ऐं, होर चिकनी चुपड़ी गल्ला किन्हें सीधे सादे लोका जो धोखा दें।

1 कुरिन्थियो 11:19

तुस्सा जो क्या लगहा कि तुस्सा रे बीचा मन्झ जेबे बंटवारा हूणा, तेबे ही दूजे लोका जो पता लगणा कि कुण परमेसरा रे चुणिरे लोक ऐं? नी एह्ड़ा बिलकुल भी नी आ।

1 कुरिन्थियो 6:20

क्यूंकि परमेसरे तुस्सा रे कठे बौह्त बडी कीमत चुकाईरी, जेबे तिन्हें यीसू मसीह जो क्रूसा प्रयाल्हे बलिदान कितेया, इधी कठे आपणे सरीरा ले परमेसरा री महिमा करा।

1 कुरिन्थियो 7:23

क्यूंकि परमेसरे तुस्सा रे कठे बौह्त बडी कीमत चुकाईरी, जेबे तिन्हें यीसू मसीह जो क्रूसा प्रयाल्हे बलिदान कितेया; इधी कठे माह्णुं रे गुलाम नी बणी किन्हें परमेसरा रे गुलाम बणा।

गलातियो 2:4

तितुसा रा खतना नी कुराणा एक परेसानी बणी गई जेबे स्यों झूठे भाई छुपी किन्हें आस्सा रे बीचा मन्झ आये, हालांकि हांऊँ कल्हे जे ही अगुवे किन्हें मिलिरा था। तिन्हें झूठे भाईए आस्सा री तेस अजादी जो नास करणे री कोसिस किती जो आस्सा जो आस्सा रे उद्धारकर्ता यीसू मसीह रे ज्रीए मिलिरी, ताकि स्यों दबारा आस्सा जो यहूदी धर्मा री व्यवस्था रा गुलाम बणाए।

गलातियो 3:13

जेबे मसीहे आपणे प्रयाल्हे स्रापा जो लेई किन्हें आस्सा रे कठे क्रूसा प्रयाल्हे मरी गया, तेबे तिन्हें आस्से व्यवस्था रे स्रापा ले छुड़ाई लिते। क्यूंकि पवित्र सास्त्रा मन्झ लिखिरा कि, “जो कोई लकड़ी पर मारी दितेया जाहाँ, से स्रापित आ।”

गलातियो 4:17

झूठे उपदेस स्खाणे वाले तुस्सा जो आपणे साउगी मिलाणे री बड़ी इच्छा रखे, पर ये तुस्सा री भलाई रे कठे नी आ। तिन्हारी इच्छा येई कि स्यों तुस्सा जो मेरे ले लग करहे, ताकि तुस्से सिर्फ तिन्हारी सुणदे रहो।

गलातियो 5:20

स्यों मूर्तिया री पूजा होर जादू टोणा करहे, स्यों आपणे साउगी लोका किन्हें नफरत करहे, एक दूजे किन्हें झगड़ा करहे, स्यों दूजेया री चीजा देखी किन्हें जल्नी करहे। तिन्हो एकदम गुस्सा आहूँआं, एक दूजे रा वरोध करहे, तिन्हारा साथ नी देणे वाले लोका ले राजी नी हुई किन्हें, जो लोक तिन्हारा साथ दे तिन्हा किन्हें जुड़ी जाये।

इफिसियो 1:7

यीसू रे मरणे रे ज्रीए परमेसरे आस्सा जो छुटकारा दितेया, यानि आस्सा रे पाप माफ करी दिते। परमेसरे आस्सो बौह्त ज्यादा अनुग्रह दितिरा, जो कितना महान आ। परमेसरे आपणे बौह्त ज्यादा ज्ञान होर समझ रे मताबक

इफिसियो 4:14

इधी कठे ऐबे ले लेई किन्हें आस्से बच्चे साहीं नी बणे, आस्सा तेस किस्ती साहीं नी हूंणा, जेस जो तेज बागर डूआई किन्हें लेई जाहीं, या ल्हरें ओरे-परे घुमाई देईं। यानि ऐबे ले ठगी होर चालू माह्णुं आस्सा जो झूठी गल्ला मन्झ नी फसाई सकदे।

फिलिप्पियो 3:19

तिन्हारा अंत विनास आ, तिन्हारा इस्वर तिन्हारी सरीरा री इच्छा ई, स्यों बेसर्म री गल्ला करणे पर बडयाई करहा ऐं, होर संसारा री चीजा पर मन ल्गाहें।

कुलुस्सियो 2:18

तिन्हा लोका रे धोखे ले बचा जो दीन हूंणे रा ढोंग करहे, होर स्वर्गदूता री अराधना करहे। स्यों डिंगा माराऐ कि आस्से दर्सन देखे। ये सारी गल्ला बेकार ई क्यूंकि एह्ड़े माह्णुंआं रे मन स्वार्थ इच्छा किन्हें भरीरा, होर स्यों बगैर वजहा घमंड करहे।

कुलुस्सियो 2:8

चतन्न रैहया कि कोई भी तुस्सा जो आपणे झूठे होर बेकार उपदेसा ले धोखा नी दे, जो माह्णुंआं रे ज्ञाना रे मताबक आ। एह्ड़ा उपदेस माह्णुंआं री परम्परा होर संसारा री बिधिया रे मताबक आ, ना कि मसीह रे मताबक।

1 तिमिथियुस 5:8

पर अगर कोई आपणे रिस्तेदारा री, होर आपणे परिवारा री फिकर नी करहे, ता से विस्वासा ले मुखरी गया, होर अविस्वासी लोका ले भी बुरा बणी गईरा।

2 तिमिथियुस 4:3

हांऊँ ये तुस्सा जो इधी कठे बोल्या करहा कि, एक टैम एह्ड़ा आऊंणा; कि लोका खरा उपदेस सुणना नी चाहणा, पर आपणी इच्छा जो पूरी करणे रे कठे एह्ड़े लोक तोपी किन्हें स्यों सुणना चाहें।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

तितुस 3:10

कलीसिया मन्झ जो आदमी फूट पाई किन्हें बंटवारा करहा, तेस जो घटा ले घट दो बारी चेतावनी देआ कि, से एह्ड़ा करणा बंद करी दे। तेता ले बाद तेस आदमी जो लेखे नी पाऊआ।

इब्रानियो 10:29

ता सोची लऊआ कि तिन्हा लोका जो कितनी ज्यादा सजा मिलणी, जिन्हें परमेसरा रे मह्ठे जो पैरा थाले रौंदया, होर परमेसरा री वाचा रा खूना जो बेकार समझ्या; जेस खूना रे ज्रीए पाप सुद्ध किते जाहें। होर जिन्हें पवित्र आत्मा री बेज्जती किती, जो आस्सो अनुग्रह देईं।

1 पतरस 1:8

तुस्से कधी भी यीसू नी देखेया पर फेरी भी तुस्से तेस किन्हें प्यार करहे, होर तुस्से तेस जो नी देखदे पर फेरी भी विस्वास करहे। एह्ड़े करी किन्हें बड़े खुस हुंहाँ ऐं, एह्ड़ी खुसी जो ब्खान करणे ले बाहर होर महिमा किन्हें भ्हरीरा आ।

2 पतरस 2:3

एह्ड़े स्खाणे वाले लोक लालची हूंणे, होर मन घड़न्त कहाणीया बणाई किन्हें पैसा कमाणे रे कठे तुस्सा जो धोखा देणा। परमेसरे बौह्त पैहले ले ही इन्हों सजा देणे रा फैसला कितिरा था। होर ऐबे से करणे रे कठे त्यार आ, तेस सच्चे स्यों नास करी देणे।

1 यहून्ना 2:26

हांऊँ ये गल्ला तिन्हा लोका रे बारे मन्झ लिख्या करहा, जो तुस्सा जो झूठी उपदेस देई किन्हें धोखा देणे री कोसिसा मन्झ लगी रहें।

1 यहून्ना 4:1

हे लाडले भाईयो होर बैहणो, हरेक तेस माह्णुं पर विस्वास नी करहा जो ये बोल्हा की मेरे मन्झ परमेसरा री आत्मा ई; पर आत्मा जो परखा कि, स्यों परमेसरा री तरफा ले ई कि नी ई; क्यूंकि बौह्त सारे झूठे नबी संसारा मन्झ ऐं जो परमेसरा री तरफा ले नी ऐं।

यहूदा 1:18

स्यों तुस्सा किन्हें बोल्हा ऐं थे कि, “आखरी ध्याड़े मन्झ आस्सा रे प्रभु यीसू मसीह रे वापस आऊणें ले पैहले एह्ड़े मखौलिये हूंणे, जिन्हा प्रभु रा होर तेसरे लोका रा मजाक डूआणा।” ये एह्ड़े लोक ऐे जो आपणी बुरी इच्छा रे मताबक आपणी जिन्दगी जीये।

यहूदा 1:4

क्यूंकि यीसू मसीह पर विस्वास करणे रा ढोंग करणे वाले कुछ लोक तुस्सा री कलीसिया किन्हें जुड़ी गईरे। ये परमेसरा री इज्जत नी करदे होर गलत उपदेस दें कि आस्से लुचपन करी सके, क्यूंकि परमेसर आस्सा रे पाप माफ करी देआ। स्यों प्रभु यीसू मसीहा रा इनकार करहा ऐं जो आस्सा रा एक ऐं प्रभु होर माल्क आ। बौह्त टैम पैहले पवित्र सास्त्रा मन्झ लिखिरा था कि परमेसर आस्सो सजा देआ।

प्रकासना री गल्ला 13:14

होर पैहले राक्सा जो दूजे राक्सा रे साम्हणें ये सारे चिन्हा दसणे रा हक दितिरा था। होर इन्हा चिन्हा रे ज्रीए से धरती पर रैह्णे वाले सभ लोका जो भड़काई करहा था। तिन्हें आदेस दितिरा था कि स्यों पैहले राक्सा री मूर्ति बणाए, जेस जो तलवारा किन्हें चोट लगीरी थी पर ऐबे से ठीक हुई गईरा था।

प्रकासना री गल्ला 2:13

हांऊँ ये ता जाणहां कि, तू जेस सैहरा मन्झ रैंहयां, जेथी सैताना रा गढ़ आ। तू मेरे कठे वफादार रैहया, होर तैं कधी मेरे पर विस्वास करणा नी छाडेया। तेबे भी नी जेबे अन्तिपास तुस्सा रे सैहरा मन्झ मारी दितिरा था, जेथी जे सैताना रा वास आ, क्यूंकि से भरोसे रे लायक सेऊआदार था जिन्हें मेरे बारे मन्झ प्रचार कितिरा था।

प्रकासना री गल्ला 2:9

हांऊँ जाणहां कि तैं दुःख सहन कितिरे होर तू गरीब आ, पर आत्मिक गल्ला मन्झ तू सच्चे अमीर आ। होर हांऊँ ये भी जाणहां कि जो लोक आपणे आपा जो परमेसरा रे चुणिरे लोक (यहूदी लोक) बोल्हे, पर स्यों हाये नी, स्यों तुस्सा री निंदा करहे। पर ये लोक सैताना री मंडली रे लोक ऐं।

प्रकासना री गल्ला 3:8

हांऊँ जाणहां कि तू क्या काम करहा, होर तेरी सामर्थ थोह्ड़ी ई, पर तैं मेरी गल्ला मन्ही री, होर जो विस्वास तेरा मेरे पर आ, से विस्वास तैं नी छाडेया। इधी कठे मैं तेरे साम्हणें एक दुराजा खोल्ही किन्हें रखिरा, जेस जो कोई बंद नी करी सक्दा।

प्रकासना री गल्ला 5:9

होर स्यों ये नंऊँआं गाणा गान्दे लगे कि, “तू एस कताबा री मोहरा जो तोड़ने, होर खोलणे रे लायक आ, क्यूंकि तू मारी दितिरा था, होर आपणा खून जो तैं क्रूसा प्रयाल्हे बहाईरा था, तेता रे ज्रीए तैं, लग-लग देसा रे लोका, होर हर कुला रे लोका, होर जातिया रे लोका, होर लग-लग भासा बोलणे वाले लोका, परमेसरा रे कठे लोका जो छुड़ाई लितेया।

प्रकासना री गल्ला 6:10

होर तिन्हें प्राणिये बड़े जोरा किन्हें चिंगी किन्हें परमेसरा किन्हें बोल्या, “हे पवित्र होर सच्चे प्रभु, संसारा रे बुरे लोका जो सजा देणे रे कठे तू इतनी देर किधियो करेया करहा? तुध कधी तिन्हा ले आस्सा रे खूना रा बदला लैणा?”