2 पतरस 1:9 - मंडयाली नंऊँआं नियम

⁹ होर जेस माह्णुं मन्झ ये गुण नी हाए, से धुंधला देख्हा या ता काणा। होर से भूली बैठीरा कि परमेसरे से तेसरे पैह्ल्के पापा ले धोई किन्हें पवित्र कितिरा।

2 पतरस 1:9 Iomraidhean Croise

मरकुस 10:21

यीसू तेस वखा जो देख्दा लगया होर यीसू जो तेस पर बौह्त प्यार आया, होर तेस किन्हें बोल्या, “तेरे अंदर एक गल्ला री कमी ई, जा जो कुछ तेरा आ तेता जो बेची किन्हें गरीबा जो दे फेरी आई किन्हें मेरा चेला बण, होर तुजो स्वर्गा मन्झ धन मिलणा।”

लूका 18:22

ये सुणी किन्हें यीसूए तेस किन्हें बोल्या, “तुध मन्झ ऐबे भी एक गल्ला री कमी ई, आपणा सभ कुछ बेची किन्हें गरीबा जो बांडी दे, होर आई किन्हें मेरा चेला बण। होर तुजो स्वर्गा मन्झ धन मिलणा।”

रोमियो 6:11

एह्ड़ा ई तुस्से भी आपणे आपा जो पापा रे कठे ता मरिरा, पर मसीह यीसू रे ज्रीए परमेसरा रे आदरा रे कठे जिउंदा समझा।

गलातियो 5:13

हे भाईयो होर बैहणो, परमेसरे तुस्से अजाद हूंणे रे कठे सादीरे, होर इधी कठे व्यवस्था रे गुलाम मत बणा। एस्सा अजादी जो आपणी सरीरा री इच्छा जो पूरी करणे रा मौका मत समझा; एता रे बजाय प्यार किन्हें एक दूजे री सेऊआ करणे रे कठे, एस्सा अजादी जो इस्तेमाल करहा।

गलातियो 5:6

अगर तुस्से मसीह यीसू रे चेले ता ये एस गल्ला ले फर्क पउन्दा कि तुस्से खतना कुराईरा या नी, पर सिर्फ एस गल्ला रा फर्क आ कि आस्से मसीह पर आपणे उद्धारकर्ता रे रूपा मन्झ विस्वास रखे, होर परमेसर होर दूजे लोका किन्हें प्यार करहे।

इफिसियो 5:26

ताकि कलीसिया जो बचना रे ज्रीए पाणी किन्हें सुद्ध करी किन्हें पवित्र बणाई सके।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

इब्रानियो 9:14

मसीह बेकसूर था, होर तिन्हें आपणे आपा जो अनंत होर आत्मिक बलिदान करी किन्हें परमेसरा रे साम्हणें आस्सा रे पापा रे कठे चढ़ाई दितेया। होर इधी कठे तेसरा खून सिर्फ आस्सा रे सरीरा री असुद्धता जो दूर करणे रे कठे ही नी, पर अंतरात्मा जो सुद्ध करणे रे कठे सामर्थी आ, ताकि आस्से जिउंदे परमेसरा री सेऊआ करहे, होर एह्ड़े पापा रे काम नी करहे, जो मौता री वखा जो लेई जाहें।

1 पतरस 3:21

पुराणे टैम मन्झ तिन्हारा पाणी ले बची जाणा ऐबे रे उद्धारा रा एक उदाहरण आ, जो आस्सो बपतिस्मा लेणे पर मिला। जेस पाणी मन्झ आस्से बपतिस्मा ले से आस्सा रे सरीरा रा मैल दूर नी करदा, पर ये एक नसाणी की आस्से आपणी सुद्ध अंतरात्मा ले परमेसरा ले माफी मांगी लेईरी। आस्सो माफी मिली सकी क्यूंकि यीसू मसीह मरिरे मन्झ ले दबारा जिउंदा हुईरा,

1 यहून्ना 1:7

पर जिहां परमेसर प्रयासे मन्झ आ, तिहां ईं आस्सा जो भी प्रयासे मन्झ चलणा चहिए, ता आस्से एक दूजे किन्हें साथ रख्हा ऐं; होर तेसरे मह्ठा यीसू मसीहा रा खून आस्सा जो सभ पापा ले पवित्र करहा।

प्रकासना री गल्ला 3:17

तू सोच्हा कि हांऊँ अमीर आ, होर मेरे वाले सभ कुछ आ होर मुंजो केसी गल्ला री कमी नी ई। पर तू ये सच्चाई नी जाणदा कि, तू अभागा, बेकार होर गरीब होर काणा, होर नांगा आ।