2 पतरस 1:4 - मंडयाली नंऊँआं नियम

⁴ होर तेसरी खराई होर महिमा री वजहा ले तिन्हें आस्सा किन्हें महान होर कीमती वादे कितिरे। इन्हा वादे रे ज्रीए आस्से एस संसारा मन्झ जो बुरी इच्छा ई तेता ले बची सके, जो लोका रा नास करही। होर आस्से परमेसरा रे आपणे स्वभाव मन्झ साझी हुई जाये।

2 पतरस 1:4 Iomraidhean Croise

रोमियो 9:4

स्यों मेरे साहीं इस्राएल देसा रे लोक ऐं। परमेसरे आपणे बच्चे हूंणे रे कठे स्यों चुणिरे। तिन्हें तिन्हा पर आपणी महिमा जाहिर कितिरी। परमेसरे तिन्हा किन्हें वाचा बान्ही होर तिन्हो आपणी व्यवस्था दिति, स्यों सच्चाई किन्हें परमेसरा री अराधना करहे होर तिन्हें परमेसरा ले वादे पाईरे।

2 कुरिन्थियो 1:20

क्यूंकि परमेसरा रे जितने वादे, स्यों सभ मसीह मन्झ हां ई, इधी कठे आस्से आमीन बोल्हा ऐं यानि हां, ताकि आस्सा रे ज्रीए परमेसरा री महिमा हो।

2 कुरिन्थियो 3:18

क्यूंकि आस्से सभ सीसे साहीं उघाड़े चेहरे साउगी प्रभु री महिमा जो जाहिर करहे। ये महिमा प्रभु री वखा ले ई जो पवित्र आत्मा रे रूपा मन्झ आस्सा वाले ई, होर आस्से तेस ई तेजस्वी रूपा मन्झ थोड़ा-थोड़ा करी किन्हें बदल्दे जाहें।

2 कुरिन्थियो 6:17

इधी कठे प्रभु पवित्र सास्त्रा रे ज्रीए आस्सा किन्हें बोल्हा, “अविस्वासी लोका रे बीचा मन्झा ले बाहर निकला होर आपणे आपा जो तिन्हा ले लग रखा; असुद्ध चीजा किन्हें कोई रिस्ता मत रखा, तेबे मां तुस्से ग्रैहण करणे।”

गलातियो 3:16

होर तिहां ही परमेसरे अब्राहमा किन्हें होर तेसरे बंसा किन्हें वादा कितिरा था, पवित्र सास्त्र मन्झ ये नी लिखिरा कि, “तेरी संताना जो,” यानि बौह्त लोका रे बारे मन्झ बोलिरा हो। पर पवित्र सास्त्रा मन्झ एक बचना रा इस्तेमाल हुईरा, “तेरे बंसा जो” यानि एक माह्णुं, जेसरा नाऊँ मसीह आ।

गलातियो 6:8

क्यूंकि जो माह्णुं आपणे पापा रे स्वभाव रे मताबक काम करहा, तेसरे पापा रे स्वभावा से मौता री वखा जो लेई जाणा। पर जो माह्णुं परमेसरा री इच्छा रे मताबक काम करहा, आत्मा तेस जो अनंत जिन्दगी देणी।

इफिसियो 4:13

ये सारी गल्ला इंहां करी किन्हें हुंदी रैहणी, जेबे तक कि आस्से आपणे विस्वास, होर परमेसरा रे मह्ठे रे बारे मन्झ आस्सा वाले जो ज्ञान आ, तेता रे ज्रीए आस्से सभ एक नी हुई जाए। तेबे आस्सा मसीह साहीं एक सिद्ध माह्णुं, होर पूरी तरहा ले तेस साहीं बणी जाणा।

कुलुस्सियो 3:10

होर ऐबे तुस्सा जो नंऊँआं स्वभाव मिली गईरा, होर ये नंऊँआं स्वभाव ज्यादा ले ज्यादा तेसरे रचणे वाले रे साहीं बणना, जेस वजहा ले तुस्से तेस जो होर भी ज्यादा समझी सके।

इब्रानियो 12:10

आस्सा रे संसारिक बापू ता आपणी सोचा रे मताबक जेह्ड़ा तिन्हो ठीक लगहा था, थोह्ड़े ध्याड़े रे कठे आस्सो सुधारे थे, पर परमेसर ता आस्सा रे फायदे रे कठे आस्सा जो सुधारा, ताकि आस्से भी तेस साहीं पवित्र हुई जाये।

इब्रानियो 9:15

इधी कठे मसीह परमेसर होर लोका रे बीचा नौंईं वाचा रा बिचौलिया बणेया। ताकि चुणिरे लोक हमेसा री विरासत पाए, जेस जो देणे रे वादा परमेसरे तिन्हा किन्हें कितिरा था। क्यूंकि पैहली वाचा रे अधीन रैहन्दे हुए लोके जितने पाप कितिरे थे, तिन्हो तेता री सजा ले छुड़ाणे रे कठे यीसुए आपणे प्राण देई दिते।

याकूब 1:27

आस्सा रे बापू परमेसरा रे साम्हणें सच्ची होर सुद्ध भक्ति येई कि, अनाथा होर विधवा रे दुःखा मन्झ तिन्हारा ख्याल रखे, होर संसारा मन्झ हूंणे वाले बुरे कामा ले आपणे आपा जो दूर रखा।

2 पतरस 1:1

हांऊँ समौन पतरस तुस्सा रे कठे ये चिठ्ठी लिखी करहा। हांऊँ यीसू मसीह रा सेऊआदार होर चुणिरा चेला आ। हांऊँ ये चिठ्ठी तुस्सा सभी रे कठे लिखी करहा, जो आस्सा साहीं तेस कीमती विस्वास रा साझा करहे, जो आस्सा जो आस्सा रे परमेसर होर उद्धारकर्ता यीसू मसीहे दितिरा। से आस्सो परमेसरा री नजरा मन्झ धर्मी बणा।

2 पतरस 3:13

पर आस्से विस्वासी लोक परमेसरा रे कितिरे वादे रे मताबक एक नंऊँऐं आसमान होर नौंईं धरती रा इंतजार करेया करहा ऐ, जेथी परमेसरा री धार्मिकता वास करही।

2 पतरस 3:9

पर कुछ लोक सम्झ्हा ऐं कि, प्रभु आपणे दबारा वापस आऊणें के वादे जो पूरा करणे मन्झ देर करदा लगिरा, पर प्रभु एह्ड़ी देर नी करदा लगीरा। एता रे बजाय से तुस्सा रे बारे मन्झ सबर करी करहा, क्यूंकि से नी चाहन्दा कि से केसी जो भी तेसरे बरखलाप पाप करणे री वजहा ले नास करहे; बल्की ये चाहां कि सभीरा मन बदली जाये, पाप करणा छाडी दे, होर तेसरे वाले आये।

1 यहून्ना 2:25

परमेसरे आस्सा जो अनंत जिन्दगी देणे रा वादा कितिरा।

1 यहून्ना 3:2

हे लाडले भाईयो होर बैहणो, ऐबे आस्से परमेसरा री बच्चे ऐं, होर हल्ली तक आस्सा जो नी पता कि आस्सा आगे क्या बणना! जो भी हो आस्से ये जाणहां ऐं कि, मसीह रे दबारा वापस आऊणें पर आस्सा भी तेस साहीं हूंणां, क्यूंकि जेह्ड़ा से आ, आस्सा से तेह्ड़ा ई देखणा।