2 पतरस 1:3 - मंडयाली नंऊँआं नियम

³ परमेसरे आपणी सामर्था रे ज्रीए आस्सा जो से सब कुछ देई दितिरा, जेसरे ज्रीए आस्से सच्ची भक्ति री जिन्दगी जी सका ऐं। ये इधी कठे हुईरा की क्यूंकि आस्से परमेसरा जो जाणहां ऐं, होर तिन्हें ही आस्से आपणी खराई होर महिमा री वजहा ले आपणे लोक हूंणे रे कठे सादीरे।

2 पतरस 1:3 Iomraidhean Croise

मत्ती 28:18

यीसूए तिन्हा वाले आई किन्हें बोल्या कि, “स्वर्ग होर धरती रा सारा हक मुंजो दितिरा।

रोमियो 8:32

परमेसरे आपणे निज मह्ठे जो भी नी बचाया, पर आस्से सभी रे कठे से व्रोधीया ले पकड़वाया। ता परमेसरे जो कुछ देणे रा वादा आस्सा किन्हें कितिरा से सभ कुछ देणा।

रोमियो 9:24

मतलब आस्सा पर जिन्हा जो तिन्हें ना सिर्फ यहूदी लोका मन्झा ले पर अन्यजाति लोका मन्झा ले भी चुणेया।

1 कुरिन्थियो 1:9

होर तुस्से पक्का जाणी लो कि परमेसरा एह्ड़ा ही करणा, क्यूंकि परमेसर आपणे वादे जो पूरा करणे रे कठे सच्चा आ; होर तिन्हें तुस्से आपणे मह्ठे आस्सा रे प्रभु यीसू मसीह साउगी एक हूणे रे कठे चुणी लितिरा।

2 कुरिन्थियो 12:9

होर तिन्हें मेरे किन्हें बोल्या, “मेरा अनुग्रह तेरे कठे काफी आ; क्यूंकि तुस्सा री कमजोरी मन्झ मेरी सामर्थ सिद्ध हुंहाँ ईं।” इधी कठे मां बड़ी खुसी किन्हें आपणी कमजोरिया पर बडयाई करणी, ताकि मसीह मुंजो सामर्थ देंदा रहे।

इफिसियो 4:1

इधी कठे हांऊँ, जो प्रभु यीसू री सेऊआ करणे री वजहा ले जेल्हा मन्झ कैद आ, तुस्सा ले अर्ज करहा कि, जेस बुलाहटा ले परमेसरे तुस्से आपणे लोक हूंणे रे कठे सादीरे, तेता रे मताबक आपणी जिन्दगी जीया।

इफिसियो 4:4

आस्से सभ विस्वासी लोक एक ई सरीरा रे अंग ऐं, होर आस्सा सभी मन्झ एक ई पवित्र आत्मा वास करहा। ठीक तिहां ई जिहां तुस्सा जो से ही आस दितिरी थी, जेबे तुस्से परमेसरा रे लोक हूंणे रे कठे सादीरे थे।

फिलिप्पियो 3:8

क्यूंकि हांऊँ आपणे मसीह जो जाणना चाहां, जो सभ चीजा ले कीमती आ, इधी कठे मैं इन्हा सारी चीजा जो बेकार समझा। मैं सभ चीजा जो छाडी दितेया, होर तिन्हा चीजा जो हांऊँ कूड़ा सम्झहा, ताकि हांऊँ यीसू मसीह जो जाणी सकूं।

फिलिप्पियो 4:8

इधी कठे हे भाईयो होर बैहणो, जो-जो गल्ला सच्ची ई, जो-जो गल्ला आदरा रे लायक, होर जो-जो गल्ला ठीक ई, होर जो-जो गल्ला पवित्र ई, होर जो-जो गल्ला बांकी ई, होर जो-जो गल्ला तारीफ रे लायक ई, इधी कठे, जो-जो गल्ला सभी ले उतम होर बढ़ाई रे लायक ई, तिन्हा गल्ला पर तुस्सा रा मन लगेया रहे।

कुलुस्सियो 1:16

क्यूंकि मसीह रे ज्रीए परमेसरे स्वर्गा होर धरती री सारी चीज़ा री रचना किती, हर एक देखी या अनदेखी चीज़ा री, होर सारी राजगद्दी, प्रभुता, प्रधानता, हक री भी रचणा किती, परमेसरे सारी चीजा तेसरे ज्रीए, तेसरे कठे बनाई गई ताकि संसारा रे लोक तेसरी बढ़ाई करहे।

1 थिस्सलुनकियो 2:12

कि तुस्सा एह्ड़ी जिन्दगी जिया जो परमेसरा जो खरी लगे, जो तुस्सा जो आपणे राज होर महिमा मन्झ साद्हा।

1 थिस्सलुनकियो 4:7

क्यूंकि परमेसरे आस्से असुद्ध जिन्दगी जीणे रे कठे नी, पर पवित्र जिन्दगी जीणे रे कठे सादिरे।

2 थिस्सलुनकियो 2:14

परमेसरे तेस खुसी री खबरा रे ज्रीए जो आस्से तुस्सा जो सुणाई री थी, तुस्से सादिरे कि तुस्सा रा उद्धार करी सके; ताकि तुस्से आस्सा रे प्रभु यीसू मसीह री महिमा मन्झ साझी हुई सको।

1 तिमिथियुस 4:8

क्यूंकि सारीरिक व्यायाम ले थोह्ड़ा ई फायदा हुंहाँ, पर भक्ति सभ गल्ला रे कठे फायदेमंद ई, क्यूंकि एस जिन्दगी मन्झ होर आऊणें वाले जिन्दगी मन्झ भी परमेसरा री वादा कितिरी जिन्दगी तुस्सा जो मिलाईं।

2 तिमिथियुस 1:9

परमेसरे ही आस्सा रा उद्धार कितेया, होर आस्से पवित्र जिन्दगी जीणे रे कठे सादे; होर तिन्हें आस्से आस्सा रे भले कामा री वजहा ले नी पर आपणी योजना रे मताबक सादेया। परमेसरे एस संसारा जो रचणे ले पैहले ही तय करी लितिरा था कि यीसू मसीह जो एस संसारा मन्झ भेजी किन्हें आस्सा पर आपणा ये अनुग्रह दसणा।

इब्रानियो 1:3

मह्ठा ही परमेसरा री महिमा रे प्रयासे जो जाहिर करहा, होर हर तरहा ले तेसरे हूबहू आ। से आपणी सामर्थी हुकमा रे ज्रीए संसार रे चलने री वजहा बणा। तिन्हें सभ लोका जो तिन्हारे पापा ले सुद्ध कितेया, होर तेता ले बाद स्वर्गा मन्झ परमेसरा री महिमा रे सीधी वखा जो आपणी जगहा लेई किन्हें बैठेया।

1 पतरस 1:15

पर से पवित्र आ, जिन्हें तुस्से आपणे लोक हूंणे रे कठे सादिरे, तिहां ईं तुस्से भी जो कुछ करहे तेता मन्झ पवित्र बणां।

1 पतरस 1:5

परमेसरा आपणी सामर्था ले तुस्सा री हिफाजत करहा, क्यूंकि तुस्से मसीह यीसू पर भरोसा रखे, होर मसीह रे वापस आऊणें रे आखरी ध्याड़े तक तेस तुस्सा री हिफाजत करदे रैहणा। तेबे तुस्सा जाणी लेणा कि परमेसरे तुस्से पाप होर मौता दुहीं ले पूरी तरहा बचाई लितिरे।

1 पतरस 2:21

होर एक वजहा ये भी की परमेसरे तुस्से चुणिरे कि तुस्से मसीह रे कठे दुःख सहन करो। मसीहे भी तुस्सा रे कठे दुःख उठाया, होर एह्ड़ा करी किन्हें तिन्हें तुस्सा रे कठे एक उदाहरण छाडेया कि, तुस्से भी तेसरे पद चिन्हा पर चली सको।

1 पतरस 2:9

पर तुस्से एह्ड़े लोक नी ऐं, तुस्से परमेसरा रे चुणिरे लोक ऐं। होर परमेसरा रे याजक लोक, जो राजे होर पवित्र लोक, होर परमेसरा रे आपणे लोक ऐे, तिन्हें तुस्से नहयारे मन्झा ले आपणी नौखे प्रयासे मन्झ सादी लईरे ताकि तुस्से परमेसरा रे नौखे कामा रा प्रचार करी सको।

1 पतरस 3:9

बुराई रे बदले बुराई मत करा; होर ना गाली रे बदले गाली देआ; पर आसरीवाद ई देआ; क्यूंकि परमेसरे तुस्से इधी कठे सादिरे ताकि तुस्से दूजेया जो आसीस दो, होर अगर तुस्से एह्ड़ा करहे ता परमेसरा भी तुस्सा जो आसीस देणी।

1 पतरस 5:10

होर ऐबे परमेसर जो अनुग्रहा ले भरिरा आ, होर जिन्हें यीसू मसीह साउगी जुड़े रैहणे री वजहा ले आस्सा जो स्वर्गा मन्झ आपणी अनंत महिमा मन्झ साझी हूंणे रे कठे सादीरा, तुस्सा रे थोह्ड़ी देरा तक दुःख उठाणे ले बाद तेस आपु ई तुस्से खरे बनाणे, ताकि तुस्सा मन्झ कोई गलती नी हो होर तेस तुस्सा रे दिल मजबूत करणे, होर तेस तुस्से सामर्थी बणाई देणे ताकि तुस्सा रा विस्वास कमजोर नी हो।

2 पतरस 1:10

इधी कठे हे भाईयो होर बैहणो, हर से काम करणे री पूरी कोसिस करहा, जेता ले तुस्से आपणे आपा जो होर दूजे लोका जो जाहिर करी सको कि परमेसरे पक्का तुस्से चुणिरे; होर आपणे लोक हूंणे रे कठे सादीरे। क्यूंकि अगर एह्ड़ा करघे, ता तुस्सा कधी भी पापा मन्झ नी पऊणा।

2 पतरस 1:2

हांऊँ प्रार्थना करहा कि जिहां तुस्से आस्सा रे परमेसर होर प्रभु यीसू मसीह रे बारे मन्झ आपणे ज्ञाना मन्झ बढ़दे जाहें, परमेसर तुस्सा जो होर भी ज्यादा अनुग्रह होर सांति देंदा रहे।

2 पतरस 1:5

होर एस वजहा ले कि तुस्से परमेसरा रे स्वभाव रे साझी बणे, तुस्से सभ तरहा रा जतन करहा कि मसीह पर विस्वास ही नी पर सद्गुण वाली जिन्दगी भी जी सको। होर सद्गुण वाली जिन्दगी ही नी पर ये भी जाणा की कियां समझदारी किन्हें काम करणा।

2 पतरस 1:6

होर समझदारी किन्हें काम करणा ही नी पर आपणे हर एक कामा मन्झ धीरज रखा, होर हर कामा मन्झ धीरजा ही नी पर दुखा मन्झ सबर भी रखा; होर दुखा मन्झ सबर रखणा ही नी पर सच्ची भक्ति री जिन्दगी भी जिया।

2 पतरस 1:8

क्यूंकि अगर ये गुण तुस्सा मन्झ ऐं, होर ये गुण तुस्सा मन्झ बढ़दे ही जाऐ ता तुस्से आस्सा रे प्रभु यीसू मसीह रे बारे मन्झ एस तरीके किन्हें जाणना, जेता ले तुस्सा री जिन्दगी बेकार होर निकम्मी नी हूणी।

2 पतरस 2:20

होर जेबे लोक यीसू मसीह जो आपणा प्रभु होर उद्धारकर्ता रे रूपा मन्झ अपनाई ले तेबे स्यों एस संसारा री कई किस्मा री बुराई ले बची निकले। पर दबारा ऐबे स्यों तिन्हा बुरे कामा मन्झ फसी गईरे होर स्यों बुरी गल्ला तिन्हो हराई देईं। ता तिन्हारी ऐबे री हालत जेबे की तिन्हें मसीह जो नकारी दितेया, पैहल्की हालता ले बुरी हूणीं जेबे की स्यों विस्वासी नी थे।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।