2 पतरस 1:2 - मंडयाली नंऊँआं नियम

² हांऊँ प्रार्थना करहा कि जिहां तुस्से आस्सा रे परमेसर होर प्रभु यीसू मसीह रे बारे मन्झ आपणे ज्ञाना मन्झ बढ़दे जाहें, परमेसर तुस्सा जो होर भी ज्यादा अनुग्रह होर सांति देंदा रहे।

2 पतरस 1:2 Iomraidhean Croise

लूका 10:22

मेरे बापूए मुंजो सब कुछ सौंपी दितिरा; होर कोई नी जाणदा कि मह्ठा कुणहां, सिर्फ बापू होर बापू कुणहां ये भी कोई नी जाणदा, सिर्फ मह्ठा होर मह्ठा ई बापू जो जाहिर करी सक्हा।”

यहून्ना 17:3

होर अनंत जिन्दगी येई कि, स्यों तुजो एकमात्र सच्चे परमेसरे होर यीसू मसीहा जो जाणी सको, जेस जो तैं भेजिरा।

रोमियो 1:7

ये चिठ्ठी रोम सैहरा रे लोका रे कठे ई, जिन्हा किन्हें परमेसर प्यार करहा होर आपणे पवित्र लोक हूंणे रे कठे चुणिरे। आस्से प्रार्थना करहे कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

2 कुरिन्थियो 4:6

इधी कठे परमेसरे बोल्या कि, “नह्यारे मन्झा ले प्रयासा चमके,” होर सेई परमेसर समझ रूपी चमका जो आस्सा रे दिला चमका आ, ताकि आस्से यीसू मसीह मन्झ परमेसरा री महिमा जो देखी सके।

फिलिप्पियो 3:8

क्यूंकि हांऊँ आपणे मसीह जो जाणना चाहां, जो सभ चीजा ले कीमती आ, इधी कठे मैं इन्हा सारी चीजा जो बेकार समझा। मैं सभ चीजा जो छाडी दितेया, होर तिन्हा चीजा जो हांऊँ कूड़ा सम्झहा, ताकि हांऊँ यीसू मसीह जो जाणी सकूं।

1 पतरस 1:2

होर परमेसर बापूए बौह्त पैहले ले ही तुस्सा जो आपणे लोक हूंणे रे कठे, होर पवित्र आत्मा रे कामा रे ज्रीए पवित्र हूंणे रे कठे चुणी लईरा था। एह्ड़ा तिन्हें इधी कठे कितेया की तुस्से यीसू मसीह रा हुक्म मान्नो, होर तेसरे खूना रे छिड़कणे ले साफ हुई जाओ। हांऊँ प्रार्थना करहा कि परमेसर तुस्सा जो बौह्त अनुग्रह होर सांति देंदा रहे।

2 पतरस 1:3

परमेसरे आपणी सामर्था रे ज्रीए आस्सा जो से सब कुछ देई दितिरा, जेसरे ज्रीए आस्से सच्ची भक्ति री जिन्दगी जी सका ऐं। ये इधी कठे हुईरा की क्यूंकि आस्से परमेसरा जो जाणहां ऐं, होर तिन्हें ही आस्से आपणी खराई होर महिमा री वजहा ले आपणे लोक हूंणे रे कठे सादीरे।

2 पतरस 1:5

होर एस वजहा ले कि तुस्से परमेसरा रे स्वभाव रे साझी बणे, तुस्से सभ तरहा रा जतन करहा कि मसीह पर विस्वास ही नी पर सद्गुण वाली जिन्दगी भी जी सको। होर सद्गुण वाली जिन्दगी ही नी पर ये भी जाणा की कियां समझदारी किन्हें काम करणा।

2 पतरस 1:8

क्यूंकि अगर ये गुण तुस्सा मन्झ ऐं, होर ये गुण तुस्सा मन्झ बढ़दे ही जाऐ ता तुस्से आस्सा रे प्रभु यीसू मसीह रे बारे मन्झ एस तरीके किन्हें जाणना, जेता ले तुस्सा री जिन्दगी बेकार होर निकम्मी नी हूणी।

2 पतरस 2:20

होर जेबे लोक यीसू मसीह जो आपणा प्रभु होर उद्धारकर्ता रे रूपा मन्झ अपनाई ले तेबे स्यों एस संसारा री कई किस्मा री बुराई ले बची निकले। पर दबारा ऐबे स्यों तिन्हा बुरे कामा मन्झ फसी गईरे होर स्यों बुरी गल्ला तिन्हो हराई देईं। ता तिन्हारी ऐबे री हालत जेबे की तिन्हें मसीह जो नकारी दितेया, पैहल्की हालता ले बुरी हूणीं जेबे की स्यों विस्वासी नी थे।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।

यहूदा 1:2

हांऊँ प्रार्थना करहा कि परमेसर तुस्सा जो बौह्त सारा अनुग्रह, सांति होर प्यार देंदा रहे।

प्रकासना री गल्ला 1:4

हांऊँ यहून्ना एस चिठ्ठी जो लिखी करहा। हांऊँ ये चिठ्ठी सात कलीसिया रे तुस्सा विस्वासी लोका जो लिखी करहा, जो आसिया रे ईलाके मन्झ रैहया ई। हांऊँ प्रार्थना करहा कि परमेसर, होर सात आत्मा, तुस्सा जो आपणा अनुग्रह होर सांति देंदी रहे। ये परमेसर से ई आ, जो था, होर जो हाया, होर जो आऊणें वाल्आ आ। होर सात आत्मा स्यों ई जो परमेसरा री राजगद्दी रे साम्हणें रैहीं।