1 तिमिथियुस 6:9 - मंडयाली नंऊँआं नियम

⁹ पर जो माह्णुं अमीर बणना चाहें, स्यों असानी किन्हें हर प्रकारा रे पाप करणे री परखणी मन्झ पई जाहें, होर एक जानवरा साहीं फसी जाहें। स्यों नर्क्कले होर खतरनाक कामा जो करणा चाहें, जो पूरी तरहा ले तिन्हारा विनास करी देईं।

1 तिमिथियुस 6:9 Iomraidhean Croise

मत्ती 13:22

होर कुछ लोक तेस बेजे साहीं ऐं जेह्ड़े झाकड़ा मन्झ बाहिरे, यूं स्यों माह्णुं ऐं, जिन्हें परमेसरा रा बचन सुणेया, होर एस संसारा री चिन्ता, पैसे रे धोखा मन्झ फसी किन्हें बचना मन्झ बढ़ने ले रुकी गये, होर स्यों परमेसरा री इच्छा पर नी चली पांदे।

मत्ती 19:22

पर से जुआन ये गल सुणी किन्हें दुआस हुई किन्हें चली गया, क्यूंकि से बौह्त अमीर था होर बेचणा नी चाहन्दा था।

मत्ती 26:15

“अगर हांऊँ यीसू जो तुस्सा रे हाथा मन्झ पकड़वाई देऊँ, ता तुस्सा मुंजो क्या देणा?” तिन्हें तेस जो तीह चांदी रे सिक्के तोली किन्हें देई दिते।

मत्ती 6:19

“आपणे कठे धरती पर ढब्बे कठे मत करा; जेथी कीड़े होर जंग नास करी देहां ऐं, होर जेथी चोर चोरी री ताका मन्झ रैंहयां ऐं।

मरकुस 4:19

होर संसारा री चिन्ता, पैसे रा धोखा, होर चीजा रा लालचा तिन्हा मन्झ स्माई किन्हें बचना जो बढ़ने ले रोकी देहां, होर स्यों परमेसरा री इच्छा पर नी चली पांदे।

लूका 12:21

एह्ड़ा ई तेस माह्णुं किन्हें भी हूंणा जो आपणे कठे सभ कुछ कठा करहा, पर परमेसरा री नजरा मन्झ अमीर नी आ।”

लूका 21:35

क्यूंकि तेस सारी धरती रे सभ रैहणे वाल़े पर इंहां ईं आई जाणा।

चुणिरे चेले रे काम 8:20

पतरसे तेस किन्हें बोल्या, “तेरे ढब्बे तेरे साउगी नास हो, क्यूंकि तैं परमेसरा रा दान ढब्बे किन्हें मुले लैणे रा विचार कितेया।

इफिसियो 4:22

तुस्सा रे स्खाणे वाले तुस्सा जो पुराणे जिन्दगी जीणे रे तरीके जो छाडणे रे कठे सखाईरा था, जेथी तुस्सा री बुरी इच्छे तुस्सा जो धोखा देई किन्हें तुस्सा री जिन्दगीया जो भ्रष्ट करी दितिरा था।

1 तिमिथियुस 1:9

ये जाणी किन्हें कि मूसा री व्यवस्था धर्मी माह्णुं रे कठे नी, पर तिन्हा लोका रे कठे ई जो परमेसरा री व्यवस्था जो भूली जाएं, होर तेसरे हुकमा जो नी मनदे; होर जो लोक परमेसरा री भक्ति नी करदे होर हमेसा पाप करहे; होर जो दुस्ट काम करहे, होर स्यों जो परमेसरा री इज्जत नी करदे; होर स्यों जो आपणे माऊ-बापू होर दूजे लोका जो मारी दे।

1 तिमिथियुस 3:7

होर कलीसिया रे बाहरवाले मन्झ भी तेसरा नाम खरा हो, केते एह्ड़ा नी हो कि लोक तेसरे बारे मन्झ बुरी गल्ला करहे होर सैतान तेस जो फसाई ले।

1 तिमिथियुस 6:10

क्यूंकि धन रा मोह सभ किस्मा री बुराईया री जड़ ई, जेस धना जो पाणे री कोसिस करदे-करदे कुछ लोक मजे-मजे मसीह रे उपदेसा पर विस्वासा करणा छाडी दे। एता री वजहा ले स्यों लोक कई किस्मा रे दुःख सहन करहे, तेस माह्णुं साहीं जिन्हें हथियारा किन्हें आपणे आपा जो छलनी करी दितिरा हो।

1 तिमिथियुस 6:17

एस संसार रे अमीर लोका जो ये आदेस दे कि, स्यों घमंडी नी बणे, होर स्यों धना पर भरोसा नी रखे, जो हमेसा रे कठे नी आ, पर परमेसरा पर ई भरोसा रखे जो आस्सा रे सुखा रे कठे सभ कुछ भरपूरी किन्हें देहां।

तितुस 2:12

एस अनुग्रहा ले परमेसर आस्सो सखा कि, आस्से संसारा री चीजा रे कठे इच्छा जो छाडी दे, होर परमेसरा जो खुस नी करणे वाली गल्ला जो करणा छाडी दे। एता रे बजाय ऐबे रे टैमा मन्झ परमेसरा जो खुस करणे वाली धार्मिक होर आपु पर काबू रखणे वाली जिन्दगी जीए।

2 पतरस 2:3

एह्ड़े स्खाणे वाले लोक लालची हूंणे, होर मन घड़न्त कहाणीया बणाई किन्हें पैसा कमाणे रे कठे तुस्सा जो धोखा देणा। परमेसरे बौह्त पैहले ले ही इन्हों सजा देणे रा फैसला कितिरा था। होर ऐबे से करणे रे कठे त्यार आ, तेस सच्चे स्यों नास करी देणे।

यहूदा 1:11

तिन्हा जो बौह्त सजा मिलणी! तिन्हें आदमा रे मह्ठे कैना साहीं बुरे काम किते, जिन्हें आपणे भाई रा खून कितेया। जिहां बिलामे पैसा कमाणे रे कठे लोका ले पाप कुराया था, तिहां ही जल्दबाजी मन्झ झूठे उपदेस देणे वाले भी ये गलती किती। होर जिहां मूसा रे विरोध करणे री वजहा ले परमेसरे कोरहा जो नास करी दितिरा था, तिहां ही ये लोक भी नास किते जाणे, क्यूंकि ये लोक प्रभु रा बिरोध करी करहा ऐं।