1 तिमिथियुस 6:3 - मंडयाली नंऊँआं नियम

³ अगर कोई गलत उपदेसा जो सखा; होर आस्सा रे प्रभु यीसू मसीह रे दितिरे सही उपदेस होर परमेसरा री भक्ति री बिधिया ले राजी नी हुंदा,

1 तिमिथियुस 6:3 Iomraidhean Croise

मत्ती 22:21

तिन्हें यीसू किन्हें बोल्या, “ये रूप होर नांऊँ महाराजे रा।” तेबे यीसूए तिन्हा किन्हें बोल्या, “जो महाराजे रा आ, से महाराजे जो देआ, होर जो परमेसरा रा आ, से परमेसरा जो देआ।”

मत्ती 28:20

होर इन्हा चेलेया जो, जो हुक्म मैं तुस्सा जो दितरे तिन्हारा पालन करणा सिखाऊआ: होर सूणां, हांऊँ संसारा रे खत्म हूंणे तक हमेसा तुस्सा साउगी आ।”

रोमियो 16:17

ऐबे हे भाईयो होर बैहणो, हांऊँ तुस्सा किन्हें अर्ज करहा कि तिन्हा लोका पर खूब ध्यान देआ, जो लोक तुस्सा रे मन्झ फूट पाहें, होर तिन्हा लोका पर जो तुस्सा जो दितिरे सच्चे उपदेसा रे बरखलाफ भड़काए, जेस ले तुस्सा रा विस्वास कमजोर हुआ। तिन्हा लोका ले दूर रैहया।

1 थिस्सलुनकियो 4:8

इधी कठे जो इन्हा बिधियो जो नी मनदा, से माह्णुं री नी, पर परमेसरा री बिधिया जो टाल्हा, जिन्हें आपणा पवित्र आत्मा तुस्सा जो दितिरा।

1 तिमिथियुस 1:10

व्यभिचारीया, समलैंगिक, माह्णुंआं रा अपहरण करणे वाले, झूठ बोलणे वाले, झूठी कसम खाणे वाले, हर एक एह्ड़ा काम करहे, जो खरे उपदेसा रे बरखलाफ ऐे।

1 तिमिथियुस 1:3

इफिसुस सैहरा जो छाडी किन्हें मकीदुनिया ईलाके जो जाणे रे टैमा मन्झ जो गल्ला मैं तेरे किन्हें दिला ले बोलिरी थी तेस्सा गल्ला जो हांऊँ दबारा बोली करहा कि, इफिसुस सैहरा मन्झ कुछ लोक एह्ड़े जो गलत उपदेसा जो सखाई करहे, तू तेथी रही किन्हें तिन्हो एह्ड़ा समझा कि स्यों एह्ड़ी गल्ला नी स्खाये।

1 तिमिथियुस 1:6

झूठे उपदेसा जो स्खाणे वाले एह्ड़े खरे कामा जो करणा छाडी दितिरा, होर बेकारा री बैहस-बाजी मन्झ फसी गईरे।

2 तिमिथियुस 1:13

जो सच्चे उपदेस तैं मेरे ले सुणीरे, तिन्हा जो आपणा उदाहरण बणाई किन्हें रख। विस्वास होर प्यारा किन्हें तू इन्हा उपदेसा जो पूरा कर क्यूंकि तू यीसू मसीह साउगी एक आ।

2 तिमिथियुस 4:3

हांऊँ ये तुस्सा जो इधी कठे बोल्या करहा कि, एक टैम एह्ड़ा आऊंणा; कि लोका खरा उपदेस सुणना नी चाहणा, पर आपणी इच्छा जो पूरी करणे रे कठे एह्ड़े लोक तोपी किन्हें स्यों सुणना चाहें।

तितुस 1:1

हांऊँ पौलुस, एस्सा चिठ्ठी जो लिख्या करहा। हांऊँ परमेसरा रा सेऊआदार होर यीसू मसीह रा चुणिरा चेला आ। हांऊँ परमेसरा रे चुणिरे लोका रे विस्वासा जो मजबूत करणे रे कठे नियुक्त कितिरा, ताकि स्यों सच्चा जो जाणे होर परमेसरा जो खुस करणे वाली जिन्दगी जीए।

तितुस 1:9

होर से तेस भरोसे रे लायक उपदेसा जो मजबूती किन्हें पकड़ी रखणे वाल़ा हो, जो आस्से तेस जो सखाईरा था; जेता ले दूजेया जो सखाई सके होर सच्चे उपदेस रे बरखलाप बोलणे वाल़ेया रा मुंह बंद कुराई सके।

तितुस 3:8

ये जो कुछ मैं ऐबे तुस्सा जो लिखिरा ये भरोसे करणे रे लायक गल्ला ई, हांऊँ ये चाहां कि तू इन्हा गल्ला रे बारे मन्झ मजबूती किन्हें विस्वासी लोका जो सखा, इधी कठे कि जिन्हें लोके परमेसरा पर विस्वास कितिरा, स्यों आपणा ध्यान भले काम करणे रे मन्झ लगाई रखे। ये सखाईरी गल्ला सब लोका रे कठे खरी होर फायदेमंद ई।