1 तिमिथियुस 6:2 - मंडयाली नंऊँआं नियम

² होर जिन्हारे माल्क विस्वासी ऐं, स्यों आपणे माल्का जो विस्वासी भाई हूंणे रे नाते होर भी ज्यादा इज्जत दे; बल्की तिन्हारी होर भी ज्यादा सेऊआ करहे। क्यूंकि तिन्हारी सेऊआ रा फायदा उठाणे वाले विस्वासी लोक ऐं, होर जिन्हा ले स्यों मसीह भाई हूंणे रे नाते होर भी प्यार करहे। इन्हा गल्ला जो स्खान्दा रेह, होर लोका किन्हें बोल कि स्यों इन्हा गल्ला जो मन्नेया करहे।

1 तिमिथियुस 6:2 Iomraidhean Croise

मत्ती 23:8

पर, तुस्से गुरु देख्या बणदे, क्यूंकि तुस्सा रा एक ई गुरु आ: होर तुस्से सारे भाई बैहण एक ऐं।

मत्ती 25:40

तेबे तेस मां राजे तिन्हा जो जवाब देणा, हांऊँ तुस्सा किन्हें सच्च बोल्हा कि, तुस्से जो मेरे इन्हा छोटे ले छोटे विस्वासी भाईया मन्झा ले केसी एकी साउगी कितेया, से मेरे साउगी कितेया।”

मत्ती 6:24

“कोई माह्णुं दो माल्का री सेऊआ एक ई टैमा पर नी करी सक्दा, क्यूंकि तेस एकी किन्हें दुस्मणी होर दूजे किन्हें प्यार रखणा, या तेस एकी किन्हें मिली किन्हें रैंह्णां होर दूजे जो तेस घटिया समझणा, तुस्से परमेसरा री होर ढब्बे री सेऊआ एक साउगी नी करी सकदे।

चुणिरे चेले रे काम 1:15

होर तिन्हा ध्याड़े एक ध्याड़े लगभग एक सौ बीह विस्वासी कठे थे, पतरस तिन्हारे बीच भरा खड़ी किन्हें बोल्दा लग्या,

रोमियो 11:17

होर इस्राएला रे लोक खेती वाले जैतूना रे पांगे साहीं ऐ, होर अब्राहम, इसहाक होर याकूब एस डाला री जड़ा साहीं आ। होर अगर एस जैतूना रे डाला रे कुछ पांगे तोड़ी दिते जाए, होर तू जो एक जंगली जैतूना रे डाला रे पांगे साहीं आ होर तेता पर कलम करी दिती जाए, ता यहूदी लोका जो मिलणे वाली आसिसा रा फायदा तुस्सा जो भी हुआ। ठीक तिहां ही जिहां जंगली जैतूना रे डाला रे पांगे जो खेती वाले डाला री जड़ा ले रस मिला।

रोमियो 8:29

क्यूंकि जिन्हों परमेसरे पैहले ले चुणी लितिरा तिन्हो आपणे मह्ठे साहीं बणने रे कठे पैहले ले ठैहराई भी आ, ताकि यीसू मसीह परमेसरा रे बाकि संताना रा जेठा बणे।

गलातियो 5:6

अगर तुस्से मसीह यीसू रे चेले ता ये एस गल्ला ले फर्क पउन्दा कि तुस्से खतना कुराईरा या नी, पर सिर्फ एस गल्ला रा फर्क आ कि आस्से मसीह पर आपणे उद्धारकर्ता रे रूपा मन्झ विस्वास रखे, होर परमेसर होर दूजे लोका किन्हें प्यार करहे।

इफिसियो 1:1

हांऊँ पौलुस, एस्सा चिठ्ठी जो लिखी करहा। होर हांऊँ परमेसरा री इच्छा ले यीसू मसीह रा चुणिरा चेला हूंणे रे कठे चुणिरा। हांऊँ ये चिठ्ठी इफिसुस सैहरा मन्झ रैहणे वाले तुस्से, जो परमेसरा रे पवित्र लोका ऐं, तुस्सा रे कठे लिखी करहा।

इफिसियो 1:15

परमेसरे जो कुछ कितिरा तेता री वजहा ले, जेबे मैं ये सुणेया कि तुस्से मसीह यीसू पर विस्वासा करहे, होर तुस्से सभ परमेसरा रे पवित्र लोका किन्हें प्यार करहे,

इफिसियो 3:6

परमेसरा री योजना ये ई: मसीह यीसू साउगी एक हूंणे री वजहा ले गैर-यहूदी लोका भी खुसी री खबरा रे ज्रीए तेस विरासता रे साझीदार हूंणे जो यहूदी लोका रा। स्यों एक ही सरीरा रे अंग ऐं, होर परमेसरा रे कितिरे वादे रे साझी ऐं, जो तिन्हें यहूदी लोका किन्हें कितिरा।

कुलुस्सियो 1:2

हांऊँ ये चिठ्ठी कुलुस्स सैहरा रे मन्झ रैहणे वाले मसीह रे पवित्र होर सच्चे विस्वासी भाई बैहणा रे कठे लिखी करहा। हांऊँ प्रार्थना करहा कि आस्सा रा बापू परमेसर तुस्सा जो अनुग्रह होर सांति देंदा रहे।

कुलुस्सियो 1:4

क्यूंकि आस्से सुणिरा कि, तुस्से मसीह यीसू पर विस्वासा करहे, होर तुस्से सभ परमेसरा रे पवित्र लोका किन्हें प्यार करहे।

कुलुस्सियो 4:1

हे संसारा रे माल्को, आपणे-आपणे गुलामा साउगी न्याय होर एक बराबर व्यवहार करा, क्यूंकि तुस्से जाणांहे कि स्वर्गा मन्झ तुस्सा रा भी एक माल्क आ।

2 थिस्सलुनकियो 1:3

हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

1 तिमिथियुस 4:11

विस्वासी लोका जो इन्हा गल्ला जो सखा, होर तिन्हो इन्हा गल्ला जो मनणे रा आदेस दे।

1 तिमिथियुस 5:1

आपणे ले उम्रा मन्झ बड़े आदमी जो बेज्जत करणे रे कठे मत प्रुआच; पर तेस जो आपणा बापू समझी किन्हें समझाई दे, होर आपणे ले कम उम्रा वाले किन्हें आपणा भाई साहीं बर्ताव कर।

तितुस 2:1

पर हे तितुस, तू आपणे विस्वासी लोका जो से ही गल्ला सखाया, जो यीसू मसीह रे सच्चे उपदेसा रे मताबक हो।

तितुस 2:15

इधी कठे हे तितुस, हांऊँ चाहां कि ये गल्ला जो मैं तेरे किन्हें कितिरी क्रेते टापू रे विस्वासी लोका जो सखा, तिन्हो हिम्मत दे कि स्यों इन्हा गल्ला जो इंहां ही करहे, होर जेथी जरूरत ई तिन्हो सुधारे, एह्ड़ा करणे रा तुजो पूरा हक आ। एस गल्ला जो पक्का करी ले कि जो तू सखा, तेता जो कोई बेकार नी जाणे।

तितुस 3:8

ये जो कुछ मैं ऐबे तुस्सा जो लिखिरा ये भरोसे करणे रे लायक गल्ला ई, हांऊँ ये चाहां कि तू इन्हा गल्ला रे बारे मन्झ मजबूती किन्हें विस्वासी लोका जो सखा, इधी कठे कि जिन्हें लोके परमेसरा पर विस्वास कितिरा, स्यों आपणा ध्यान भले काम करणे रे मन्झ लगाई रखे। ये सखाईरी गल्ला सब लोका रे कठे खरी होर फायदेमंद ई।

इब्रानियो 3:1

इधी कठे हे विस्वासी भाई बैहणो, तुस्से परमेसरा रे, क्यूंकि तिन्हें तुस्से स्वर्गा री जिन्दगी मन्झ साझी हूंणे रे कठे सादिरे। तेस मसीह यीसू पर ध्यान देआ जेस जो आस्से मन्ना ऐं होर जेस जो परमेसरा री खुसी री खबरा रे कठे परमेसरा रा दूत होर बडा याजक रे रूपा मन्झ भेजीरा।

इब्रानियो 3:14

जो विस्वास आस्सा रा मसीह जो अपनाणे टैमा मन्झ था, अगर आखरी ध्याड़े तक हिम्मता साउगी आस्से आपणे तेस विस्वासा मन्झ बणी रैहन्गे, ता तेबे आस्सा मसीह साउगी साझी बणी जाणा।

1 पतरस 5:1

एक होर गल ई जो हांऊँ तुस्सा लोका किन्हें यानि कलीसिया रे अगुवे किन्हें बोलणा चाहां, क्यूंकि हांऊँ भी तिन्हा साहीं एक कलीसिया रा अगुवा। मैं आपु स्यों दुःख देखिरे जो मसीहे बौह्त पैहले काटीरे। जेबे तेस दबारा वापस आऊंणा मां तेसरी महिमा रा भी साझीदार बणना। तुस्सा साहीं अगुवा हूंणे रे नाते हांऊँ तुस्सा किन्हें अर्ज करहा,

2 पतरस 2:10

परमेसर सभ बुरे लोका जो सजा देणी पर तेस तिन्हो झूठे उपदेस स्खाणे वाले जो पक्का सजा देणी। जो आपणे बुरी होर पापा री अभिलासा रे मताबक जिन्दगी जीये होर परमेसरा रे हका जो आपणे जिन्दगी ले नकारा ऐं। स्यों ढीठ होर घमंडी ऐं, तिन्हो स्वर्गा रे महिमामय प्राणिया रे बारे मन्झ बुरा बोलणे ले डर नी लगदा।

यहूदा 1:8

ठीक इंहां ईं ये लोक जो यीसू मसीह पर विस्वास करणे रा ढोंग करहे, स्यों दावा करहे परमेसरे तिन्हो दर्सना मन्झ जाहिर कितिरा कि लुचपन करी किन्हें स्यों आपणे सरीरा जो असुद्ध करी सक्हा ऐं, होर तिन्हो केसी रे हका मन्झ रैहणे री जरूरत नी, होर स्यों महिमामय स्वर्गदूता रे बारे मन्झ बुराई करी सक्हा ऐं।