1 तिमिथियुस 6:16 - मंडयाली नंऊँआं नियम

¹⁶ सेई आ जो हमेसा रे कठे जिउंदा, होर जो एह्ड़े तेज प्रयासे मन्झ रैंहयां, जेसरे नजदीक कोई नी आई सकदा, जेस जो केसी माह्णुंऐ ना ता देखिरा, होर ना ता देखी सकदा, तेसरा आदर होर सामर्थ जुग-जुग रहे। आमीन।

1 तिमिथियुस 6:16 Iomraidhean Croise

यहून्ना 1:18

परमेसरा जो केसिए कधी नी देख्या। पर एकलौते मह्ठे जो सच्चमुच परमेसर आ होर बापू रे सभी ले करीब आ, तिन्हें ई आस्सा जो परमेसर दसिरा।

यहून्ना 14:9

यीसूए तेस किन्हें बोल्या, “हे फिलिप्पुस, हांऊँ इतने ध्याड़े ले तुस्सा साउगी आ, होर क्या तू मुंजो नी जाणदा? जिन्हें हांऊँ देखी लया तिन्हें बापू देखी लया। तू किधियो बोल्हा कि, आस्सा जो बापू दसी दे?

यहून्ना 6:46

एसरा मतलब ये नी आ कि केसिए बापू देख्या, पर जो परमेसरा री तरफा ले आ, सिर्फ तिन्हें ई बापू देख्या।

यहून्ना 8:58

यीसूए तिन्हा किन्हें बोल्या, “हांऊँ तुस्सा किन्हें सच्च -सच्च बोल्हा; एता ले पैहले कि अब्राहम जम्मेया, तेसरे जमणे ले पैहले हांऊँ ई आ।”

इफिसियो 3:21

मसीह यीसू साउगी एक हूंणे री वजहा ले, सारे कलीसिया रे लोक परमेसरा री महिमा जुग-जुग करदे रहे। आमीन।

फिलिप्पियो 4:20

आस्सा रे बापू परमेसरा री बढ़ाई जुग-जुग हुन्दी रहे। आमीन।

कुलुस्सियो 1:15

परमेसरा जो कोई नी देखी सकदा, पर जेबे तेसरा मह्ठा माह्णुं रे रूपा मन्झ आया ता तिन्हें संसारा रे लोका जो दसेया कि परमेसर केह्ड़ा आ, क्यूंकि ये मह्ठा तेस साहीं आ। होर परमेसरे जो कुछ बणाया तेता पर मह्ठे रा सभी ले ज्यादा हक आ।

1 तिमिथियुस 1:17

ऐबे अनंतकाला रा राजा, कधी भी नी मरणे वाल़ा, अनदेखे, होर एक सच्चा परमेसरा रा आदर होर महिमा जुग-जुग हुन्दी रहे। आमीन।

इब्रानियो 13:8

यीसू मसीह काल होर आज होर जुग-जुग एक जेह्ड़ा आ होर कधी नी बदल्दा।

याकूब 1:17

क्यूंकि हर एक खरा वरदान होर हर एक खरा दान बापू परमेसरा री तरफा ले आ, जिन्हें हर प्रकारा री आसमाना री ज्योतिया बणाई। होर परमेसर इन्हा ज्योतिया रे बदल्दी छाऊँआ साहीं कधी नी बदल्दा आ।

1 यहून्ना 1:5

जो खबर आस्से यीसू ले सुणेयां, होर तुस्सा जो सुणाया करहा ऐं, से ये आ; कि परमेसर प्रयासा आ: होर तेता मन्झ कुछ भी न्हयारा नी आ।

1 यहून्ना 1:7

पर जिहां परमेसर प्रयासे मन्झ आ, तिहां ईं आस्सा जो भी प्रयासे मन्झ चलणा चहिए, ता आस्से एक दूजे किन्हें साथ रख्हा ऐं; होर तेसरे मह्ठा यीसू मसीहा रा खून आस्सा जो सभ पापा ले पवित्र करहा।

1 यहून्ना 4:12

परमेसरा जो कधी केसिए नी देख्या; अगर आस्से एक दूजे किन्हें प्यार रखे, ता परमेसर आस्सा मन्झ वास करहा ऐं, होर तेसरा प्यार आस्सा मन्झ सिद्ध हुंहाँ।

प्रकासना री गल्ला 1:6

होर एस वजहा ले आस्से याजका रा एक परिवार बणी गईरे, जो आपणे परमेसर तेसरे बापू री सेऊआ करहे, होर तिन्हें आस्से एह्ड़े लोक बणाये जिन्हारा राजा परमेसर आ। इधी कठे यीसू मसीह जो महिमा होर सामर्थ जुग-जुग मिल्दी रहे। आमीन।

प्रकासना री गल्ला 1:8

प्रभु परमेसर बोल्हा कि, “हांऊँ अल्फा होर ओमेगा यानि सुर्हूआत होर अंत हांऊँ ई आं। हांऊँ ई सर्वसक्तिमान आ, जो था, होर जो हाया, होर जो आऊणें वाल़ा आ।”

प्रकासना री गल्ला 21:3

फेरी मैं परमेसरा री राजगद्दी मन्झा ले केसी जो उच्ची अवाजा मन्झ ये बोल्दे सुणेया कि, “सुण! ऐबे ले परमेसरा रे रैहणे री जगहा माह्णुंआं रे बीचा मन्झ हुआ करणी, होर तेस तिन्हा साउगी रैहणां, होर स्यों तेसरे लोक हूंणे। होर परमेसरा आपु तिन्हा जो आपणे लोक बोलणा, होर तिन्हा साउगी रैहणां, होर तिन्हा भी से आपणा परमेसर मनणा।

प्रकासना री गल्ला 22:5

होर फेरी तेथी कधी कोई रात नी हूणीं। होर तेस सैहरा मन्झ सूरज होर दिऊये रे प्रयासे ज्रूरत नी हूणीं, क्यूंकि प्रभु परमेसरा तिन्हा जो प्रयासा देणा। होर ये लोक जो तेथी रहे तिन्हा जुग-जुग राज करणा।

प्रकासना री गल्ला 4:11

“आस्सा रा प्रभु परमेसर, तू ई बढ़ाई, होर इज्जत रे लायक आ; होर तू सामर्थी आ, क्यूंकि तैं सभी चीजा री रचना किती। तेरी ई इच्छा ले, स्यों चीजा बणाई गई होर बणी रैहीं।”

प्रकासना री गल्ला 7:12

“आमीन! आस्सा रे परमेसरा री बड़ाई, महिमा, धन्यावाद, इज्जत, तेसरा ज्ञान, सामर्थ होर सक्ति जुग-जुग बणी रैहीं। आमीन।”