1 तिमिथियुस 6:12 - मंडयाली नंऊँआं नियम

¹² एक खरे स्पाही साहीं जो लड़ाई रे टैम कधी हिम्मत नी हारदा, आपणे विस्वासा रे कठे खरी लड़ाई कर, होर अनंत जिन्दगी जो पकड़ी ले, जेसरे कठे तू सादी गईरा था, होर बौह्त लोका रे साम्हणें तैं गुआही दितीरी थी कि तू मसीह पर विस्वास करा।

1 तिमिथियुस 6:12 Iomraidhean Croise

2 कुरिन्थियो 6:7

आस्से सच्चाई री खबर सुणाई, होर परमेसरा री सामर्थे आस्सा मन्झ काम कितेया। आस्से सीधे हाथा ले हमला करणे रे कठे होर पूठे हाथा ले बचाव करणे रे कठे धार्मिकता रे हथियारा रा इस्तेमाल करहे। इन्हा सभ गल्ला ले पता लगां कि आस्से परमेसरा रे सेऊआदार ऐं।

2 कुरिन्थियो 9:13

क्यूंकि तुस्सा री मदद करणे रे कठे ढब्बे देणे री सेऊआ जो सबूत मनी किन्हें कई लोका परमेसरा री बड़ाई करणी, क्यूंकि तुस्से मसीह री खुसी री खबरा जो ग्रहण करी किन्हें मनी लितिरा, तिन्हा गरीब विस्वासी लोका री होर दूजे विस्वासी लोका री मदद करणे मन्झ उदारता जाहिर करदे रैंहयां ऐं।

फिलिप्पियो 1:30

तुस्से मुंजो फिल्लिपी सैहरा मन्झ भी कस्ट सहन करदे हुए देखीरा होर ऐबे भी मेरे दुखा रे बारे मन्झ सुणे जो मुंजो जेल्हा मन्झ हुआ। ऐबे तुस्सा जो भी मेरे साहीं कस्ट सहन करणा पऊणा।

कुलुस्सियो 3:15

होर मसीह जो सांति देआ से तुस्सा रे दिला मन्झ राज करहे, क्यूंकि तुस्से सभ एक ही सरीर रे अंग ऐं, होर इधी कठे तुस्से सादीरे कि एक दूजे किन्हें मिली जुली किन्हें रहो। होर हमेसा परमेसरा रा धन्यावाद करदे रहूआ।

1 थिस्सलुनकियो 2:12

कि तुस्सा एह्ड़ी जिन्दगी जिया जो परमेसरा जो खरी लगे, जो तुस्सा जो आपणे राज होर महिमा मन्झ साद्हा।

2 थिस्सलुनकियो 2:14

परमेसरे तेस खुसी री खबरा रे ज्रीए जो आस्से तुस्सा जो सुणाई री थी, तुस्से सादिरे कि तुस्सा रा उद्धार करी सके; ताकि तुस्से आस्सा रे प्रभु यीसू मसीह री महिमा मन्झ साझी हुई सको।

1 तिमिथियुस 1:18

मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

1 तिमिथियुस 1:19

तुस्सा रा मसीह पर विस्वास बणेया रहे, होर साफ अंतरात्मा हो। कुछ लोके आपणी एस साफ अंतरात्मा जो नकारी दितिरी, जेसरी वजहा ले तिन्हारा विस्वास रूपी जहाज डूबी गया।

1 तिमिथियुस 4:14

याद रखा कि जेबे कलीसिया रे अगुवे तुस्सा पर हाथ रखिरा था, होर भविस्यवाणी करी किन्हें तेस खास वरदाना रे बारे मन्झ दसिरा था, जो परमेसरे तुस्सा जो दितिरा। तेस बरदान रे बारे मन्झ लापरवाह मत बण।

1 तिमिथियुस 6:13

परमेसरा जो गुआह मनी किन्हें, जो सभी जो जिन्दगी देहां, होर मसीह यीसू जो भी गुआह मनी किन्हें जिन्हें पुन्तियुस, पिलातुस हाकमा रे साम्हणें सच्च बोलिरा था, हांऊँ तुजो ये हुक्म देहां,

1 तिमिथियुस 6:19

अगर स्यों एह्ड़ा करहे ता मानो स्यों आपणे रे कठे स्वर्गा मन्झ धन कठा करी करहे, जो कधी भी नास नी हूंणा। होर तिन्हा जो सच्ची जिन्दगी भी मिलणी यानि हमेसा री जिन्दगी।

2 तिमिथियुस 1:9

परमेसरे ही आस्सा रा उद्धार कितेया, होर आस्से पवित्र जिन्दगी जीणे रे कठे सादे; होर तिन्हें आस्से आस्सा रे भले कामा री वजहा ले नी पर आपणी योजना रे मताबक सादेया। परमेसरे एस संसारा जो रचणे ले पैहले ही तय करी लितिरा था कि यीसू मसीह जो एस संसारा मन्झ भेजी किन्हें आस्सा पर आपणा ये अनुग्रह दसणा।

2 तिमिथियुस 2:2

तैं बौह्त लोका साम्हणें मुंजो मसीह रे बारे मन्झ संदेस स्खान्दे हुए सुणीरा था। इधी कठे हांऊँ चाहां कि तू भी इन्हा गल्ला जो दूजे भरोसे रे लायक विस्वासी लोका जो सखाई दे; जो होरिया जो भी स्खाणे रे लायक हो।

2 तिमिथियुस 4:7

एक खरे स्पाही साहीं जो लड़ाई रे टैम कधी हिम्मत नी हारदा, मैं मसीह रे कामा जो पूरा करणे रे कठे बौह्त मेहनत कितिरी, होर मसीह पर मेरा विस्वास कधी नी बदली रा।

इब्रानियो 13:23

तुस्से ये जाणी लऊआ कि तिमिथियुस आस्सा रा विस्वासी भाई जेल्हा ले छुटी गया होर अगर से जल्दी एथी मेरे वाले आई गया, ता मां तेस साउगी तुस्सा किन्हें मिलणे रे कठे आई जाणा।

इब्रानियो 3:14

जो विस्वास आस्सा रा मसीह जो अपनाणे टैमा मन्झ था, अगर आखरी ध्याड़े तक हिम्मता साउगी आस्से आपणे तेस विस्वासा मन्झ बणी रैहन्गे, ता तेबे आस्सा मसीह साउगी साझी बणी जाणा।

इब्रानियो 6:18

ता एथी फेरी दो गल्ला ई एक तेसरी वाचा होर दूजी तेसरी कसम जो कधी नी बधली सक्दी होर जिन्हारे बारे मन्झ परमेसर कधी झूठ नी बोली सकदा। इधी कठे आस्से परमेसरे वाले बचणे रे कठे आईरे होर जो आस तिन्हें आस्सो दितिरी, से पकड़ीरी, होर बौह्त ज्यादा उत्साही ई।

1 पतरस 3:9

बुराई रे बदले बुराई मत करा; होर ना गाली रे बदले गाली देआ; पर आसरीवाद ई देआ; क्यूंकि परमेसरे तुस्से इधी कठे सादिरे ताकि तुस्से दूजेया जो आसीस दो, होर अगर तुस्से एह्ड़ा करहे ता परमेसरा भी तुस्सा जो आसीस देणी।

1 पतरस 5:10

होर ऐबे परमेसर जो अनुग्रहा ले भरिरा आ, होर जिन्हें यीसू मसीह साउगी जुड़े रैहणे री वजहा ले आस्सा जो स्वर्गा मन्झ आपणी अनंत महिमा मन्झ साझी हूंणे रे कठे सादीरा, तुस्सा रे थोह्ड़ी देरा तक दुःख उठाणे ले बाद तेस आपु ई तुस्से खरे बनाणे, ताकि तुस्सा मन्झ कोई गलती नी हो होर तेस तुस्सा रे दिल मजबूत करणे, होर तेस तुस्से सामर्थी बणाई देणे ताकि तुस्सा रा विस्वास कमजोर नी हो।

1 यहून्ना 2:25

परमेसरे आस्सा जो अनंत जिन्दगी देणे रा वादा कितिरा।

यहूदा 1:3

हे लाडले भाईयो होर बैहणो, हालांकि हांऊँ मना ले चाहां था कि परमेसरा ले आस्सा जो मिलणे वाले उद्धारा रे बारे मन्झ तुस्सा जो लिखूं जेसरे आस्से सभ साझी ऐं, पर ऐबे मैं ये जरूरत मैहसूस किती कि हांऊँ तुस्सा जो इधी कठे लिखूं कि तुस्से हिम्मत पाई किन्हें सच्चे उपदेसा रा बचाव करी सको, परमेसरे आस्सा जो ये सच्चाई आपणे पवित्र लोका रे कठे एक बारी ही देई दितिरी जेस्सा कधी नी बदलना।

प्रकासना री गल्ला 3:3

इधी कठे तिन्हा उपदेसा जो याद करा, जो तुस्से सभी ले पैहले सुणीरे थे, होर तिन्हा पर विस्वास कितेया था, होर पाप करणा छाडी देआ। होर अगर तुस्से त्यार नी रहे, ता तुस्सा जो तेस टैमा रा पता नी चलणा, जेबे मां तुस्सा जो सजा देणे रे कठे आई जाणा, क्यूंकि मां चोरा साहीं अचानक आई जाणा।