1 तिमिथियुस 6:11 - मंडयाली नंऊँआं नियम

¹¹ पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

1 तिमिथियुस 6:11 Iomraidhean Croise

रोमियो 14:19

इधी कठे आस्से तिन्हा कामा जो करणे री कोसिस करहे जेस ले लोक एक दूजे किन्हें सांति किन्हें रहे, होर एक दूजे रे विस्वासा जो मजबूत करी सके।

1 कुरिन्थियो 10:14

इधी कठे, हे लाडले भाईयो होर बैहणो, मूर्तिया री पूजा करणे ले आपणे आपा जो बचाई किन्हें रखा।

1 कुरिन्थियो 14:1

एक दूजे किन्हें प्यार करणे री हर कोसिस करहा, होर पवित्र आत्मा से बरदाना पाणे री गहरी इच्छा रखा, खास करी भविस्यवाणी रा बरदान पाणे री इच्छा रखा।

1 कुरिन्थियो 6:18

पूरी तरहा व्यभिचारा ले बची किन्हें रहा; एसरे अलावा माह्णुं रे ज्रीए कितिरा कोई भी पाप तेसरे सरीरा जो प्रभाव नी करदा, पर व्यभिचार करणे वाल़ा आपणे ई सरीरा रे बरखलाफ पाप करहा।

1 तिमिथियुस 1:14

आस्सा रे प्रभुए हमेसा मेरे पर बौह्त ज्यादा अनुग्रह कितेया। होर मसीह यीसू साउगी एक हूंणे री वजहा ले तिन्हें मुंजो विस्वास होर प्यार दितेया।

1 तिमिथियुस 4:12

कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

1 तिमिथियुस 5:10

होर दूजे लोक तिन्हारे बारे मन्झ ये बोलदे हो कि तेस्से हमेसा भले काम कितिरे, जिहां कि तेस्से आपणे बच्चे रा पालन पोसण खरे किन्हें कितिरा। सफर करणे वाले विस्वासी लोका जो आपणे घरा मन्झ सादी किन्हें तिन्हारी आदर-खातर कितिरा, तिन्हें परमेसरा रे पवित्र लोका री बड़ी नम्रता किन्हें सेऊआदारा साहीं तिन्हारी सेऊआ कितिरी, जो लोक दुखा मन्झ थे तिन्हारी मदद कितिरी। होर तिन्हें हर एक भले कामा जो मन ल्गाईरा किन्हें कितिरा।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 2:21

एस तरीके किन्हें जो कोई विस्वासी आपणे आपा जो इन्हा बुरी गल्ला ले दूर रखा, ता से तेस कीमती भांडे साहीं हूंणा जो खास कामा रे कठे हुआ, जेसरा जिन्दगी पवित्र हुंगी; होर तेस आपणे माल्का रे काम आऊंणा, होर हर भले कामा रे कठे त्यार हूंणां।

2 तिमिथियुस 2:22

तिन्हा बुरी गल्ला ले दूर रेह जेस जो करणे जो जुआना री इच्छा करी; होर जो सुद्ध मना ले प्रभु री अराधना करहा ऐं, तिन्हा साउगी धार्मिकता री जिन्दगी, विस्वास, प्यार, होर सांति रखी किन्हें अगे बढ़दे रहो।

2 तिमिथियुस 3:10

पर तू तिमिथियुस खरे किन्हें जाणहां कि हांऊँ क्या सखा, हांऊँ किहाँ आपणी जिन्दगी जी आ, होर मेरी जिन्दगी रा मकसद क्या, होर हांऊँ क्या विस्वास करहा। तू जाणहां कि हांऊँ सभी लोका किन्हें सबर रखा होर सभी किन्हें प्यार करहा, होर दुखा रे टैमा मन्झ धीरज रखा।

2 तिमिथियुस 3:17

ताकि परमेसरा रे लोक हर भले काम करणे रे कठे त्यार हुई जाये, होर सिद्ध बणी जाये।

इब्रानियो 12:14

सभी साउगी सांति किन्हें रैहणे, होर तेस पवित्र हूंणे रे कठे हर तरहा कोसिस करदे रहो, जेसरे बगैर कोई प्रभु जो कधी भी नी देखी सक्दा।

1 पतरस 3:11

से बुराई करणा छाडी दे, होर भलाई ई करहे, होर एक दूजे किन्हें सांति किन्हें जिन्दगी जीणे री कोसिस करहे।