1 तिमिथियुस 6:10 - मंडयाली नंऊँआं नियम

¹⁰ क्यूंकि धन रा मोह सभ किस्मा री बुराईया री जड़ ई, जेस धना जो पाणे री कोसिस करदे-करदे कुछ लोक मजे-मजे मसीह रे उपदेसा पर विस्वासा करणा छाडी दे। एता री वजहा ले स्यों लोक कई किस्मा रे दुःख सहन करहे, तेस माह्णुं साहीं जिन्हें हथियारा किन्हें आपणे आपा जो छलनी करी दितिरा हो।

1 तिमिथियुस 6:10 Iomraidhean Croise

मत्ती 13:22

होर कुछ लोक तेस बेजे साहीं ऐं जेह्ड़े झाकड़ा मन्झ बाहिरे, यूं स्यों माह्णुं ऐं, जिन्हें परमेसरा रा बचन सुणेया, होर एस संसारा री चिन्ता, पैसे रे धोखा मन्झ फसी किन्हें बचना मन्झ बढ़ने ले रुकी गये, होर स्यों परमेसरा री इच्छा पर नी चली पांदे।

मत्ती 23:13

हे व्यवस्था स्खाणे वाल़े होर फरीसी लोको तुस्से पाखंडी ऐं, तुस्सा जो बौह्त सजा मिलणी! तुस्से माह्णुं रे कठे स्वर्गा रे राजे रे दुराजे बन्द करहा ऐं। तुस्से ना ता आपु ई तेस मन्झ दाखल हुंहाँ ऐं, होर ना तेस मन्झ होरी जो दाखल हूंणां देहां ऐं।

मत्ती 6:19

“आपणे कठे धरती पर ढब्बे कठे मत करा; जेथी कीड़े होर जंग नास करी देहां ऐं, होर जेथी चोर चोरी री ताका मन्झ रैंहयां ऐं।

मरकुस 4:19

होर संसारा री चिन्ता, पैसे रा धोखा, होर चीजा रा लालचा तिन्हा मन्झ स्माई किन्हें बचना जो बढ़ने ले रोकी देहां, होर स्यों परमेसरा री इच्छा पर नी चली पांदे।

कुलुस्सियो 3:5

इधी कठे आपणे पाप रे स्वभाव ले जुड़ीरे बुरे कामा जो करणा छाडी देआ, जिहां कि व्यभिचार, असुद्धता, बुरी कामना, होर बुरी इच्छा। होर तुस्से केसी भी गल्ला रा लालच नी करहा क्यूंकि ये मूर्ति री पूजा करणे रे बराबर आ।

1 तिमिथियुस 3:3

से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

1 तिमिथियुस 6:21

कुछ लोके इन्हा झूठे ज्ञाना जो अपनाई लईरा, एह्ड़ा करणे ले ऐबे स्यों मसीह रे सच्चे उपदेसा पर विस्वास नी करदे। हांऊँ प्रार्थना करहा कि परमेसर तुस्सा सभी जो आपणा अनुग्रह देंदा रहे।

1 तिमिथियुस 6:9

पर जो माह्णुं अमीर बणना चाहें, स्यों असानी किन्हें हर प्रकारा रे पाप करणे री परखणी मन्झ पई जाहें, होर एक जानवरा साहीं फसी जाहें। स्यों नर्क्कले होर खतरनाक कामा जो करणा चाहें, जो पूरी तरहा ले तिन्हारा विनास करी देईं।

2 तिमिथियुस 3:2

लोका सिर्फ आपणे आपा ले होर धना किन्हें प्यार करणे वाले बणी जाणा, बडयाई करणे वाले, घमंड करणे वाले, दूजेया री बदनामी करणे वाले, माऊ बापू रा हुक्म नी मनणे वाले, एहसान नी मनणे वाले, होर अपवित्र लोक हूंणे।

2 तिमिथियुस 4:10

देमास भाई एस संसारा री चीजा किन्हें बौह्त प्यार रखा, इधी कठे तिन्हें हांऊँ छाडी दितेया, होर थिस्सलुनिके सैहरा जो चली गया। होर क्रेसक्रेंस भाई गलातिया ईलाके जो चली गया, होर तितुस भाई दलमातिया ईलाके जो चली गया।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

याकूब 5:19

हे भाईयो होर बैहणो, अगर तुस्सा मन्झ कोई सच्चाई रे पैंडे ले भटकी जाए, होर कोई तेस भटकीरे माह्णुं जो वापस लई आये,

यहूदा 1:11

तिन्हा जो बौह्त सजा मिलणी! तिन्हें आदमा रे मह्ठे कैना साहीं बुरे काम किते, जिन्हें आपणे भाई रा खून कितेया। जिहां बिलामे पैसा कमाणे रे कठे लोका ले पाप कुराया था, तिहां ही जल्दबाजी मन्झ झूठे उपदेस देणे वाले भी ये गलती किती। होर जिहां मूसा रे विरोध करणे री वजहा ले परमेसरे कोरहा जो नास करी दितिरा था, तिहां ही ये लोक भी नास किते जाणे, क्यूंकि ये लोक प्रभु रा बिरोध करी करहा ऐं।

प्रकासना री गल्ला 18:13

होर तिन्हा ले दालचीनी, मसाले, धुप, इत्र, लोबान, दाखरस, जैतुना रा तेल, मैदा, कणक, गाय-बोह्ल्द, भेड-बकरिया, घोड़े, रथ, लेणे वाल़ा कोई नी रैहया। होर जो लोक चीजा रा लेण-देण करहे स्यों ऐबे लोका जो नी बेची सकदे।