1 तिमिथियुस 6:1 - मंडयाली नंऊँआं नियम

¹ जितने विस्वासी लोक गुलाम ऐं, स्यों आपणे-आपणे माल्का जो हर गल्ला मन्झ बड़ी इज्जत दे, ताकि दूजे लोक परमेसरा री होर आस्सा रे उपदेसा री निंदा नी करहे

1 तिमिथियुस 6:1 Iomraidhean Croise

मत्ती 11:30

क्यूंकि मेरा जुआ असान होर मेरा बोझ फाहूका आ।”

मत्ती 11:9

ता फेरी किधियो गईरे थे? क्या केसी नबी जो देखणे रे कठे? हां, हांऊँ तुस्सा किन्हें बोल्हा कि, ये से आ जो एक नबी ले भी बढ़ी किन्हें हाया।

लूका 17:1

एक ध्याड़े यीसूए आपणे चेले किन्हें बोल्या, “हुई सकां कि लोका आपणा विस्वास खोई दे, पर तिन्हा लोका जो बौह्त सजा मिलणी, जेसरी वजहा ले से हूंणा!

चुणिरे चेले रे काम 10:22

तिन्हें जवाब दितेया, “कुरनेलियुस सूबेदार जो धर्मी होर परमेसरा ले डरने वाल़ा एक भक्त माह्णुंआं होर हरेक जो तेसरे बारे मन्झ जाणहां ऐं स्यों तेस जो एक नेक माह्णुं समझ्हा ऐं। यहूदी लोका मन्झ तेसरी बड़ी इज्जत ई; तिन्हें एक पवित्र स्वर्गदूता ले एक चेतावनी पाईरी कि, तुजो आपणे घरा सादी किन्हें तुध ले बचन सुणे।”

चुणिरे चेले रे काम 10:7

जेबे से स्वर्गदूत जिन्हें जे तेस किन्हें गल्ला किती, चली गया, ता तिन्हें दो सेऊआदारा जो, होर जो तेस वाले हाजर रैंहयां ऐं थे तिन्हा मन्झा ले एक परमेसरा रा भक्त स्पाही सादेया,

चुणिरे चेले रे काम 15:10

ता ऐबे तुस्से परमेसरा री परीक्सा किधियो करेया करहा ऐं? कि गैर-यहूदी विस्वासिया री क्याड़ी पर एह्ड़ा बोझ रखे, जेस जो आस्सा रे बापदादे नी चकी सके थे होर ना आस्से चकी सक्हा ऐं।

रोमियो 2:24

इधी कठे पवित्र सास्त्रा मन्झ भी लिखिरा, “क्यूंकि तुस्सा यहूदी लोका री वजहा ले गैर-यहूदी लोका मन्झ परमेसरा रे नांऊँआं री निंदा हुंहाँ ई।”

1 कुरिन्थियो 10:32

हांऊँ जो कुछ भी करहा, तेता मन्झ सभी जो खुस रखणे री कोसिस करहा; हांऊँ आपणी भलाई नी सोचदा पर सभी री भलाई सोचा ताकि सब बची सको। इधी कठे तुस्से भी एस तरीके किन्हें जीया कि तुस्से यहूदी लोका रे कठे, या गैर-यहूदी लोका रे कठे, या परमेसरा री कलीसिया रे लोका रे कठे कोई भी परेसानी खड़ी नी करी सको, जेता ले स्यों मसीह पर विस्वास करणा छाडी दे।

गलातियो 5:1

मसीहे आस्सा जो अजाद कितिरा, ताकि आस्से मूसा री व्यवस्था जो मनणे ले मुक्त हुई जाये। इधी कठे आपणी अजादी मन्झ मजबूत बणी रैहया, दबारा आपणे आपा जो व्यवस्था जो मनणे रे कठे गुलाम मत बनाऊआ।

1 तिमिथियुस 5:14

इधी कठे मुंजो ये ठीक लगहा कि, जुआन विधवा ब्याह करी ले; होर बच्चे जणे होर घर-बार संभाले, तेबे दुस्मणा जो तिन्हा जो बदनाम करणे रा मौका नी मिलणा।

तितुस 2:5

होर किहाँ आपणे आपा पर काबू रखी सके, होर पतिव्रता रहे किहाँ आपणे-आपणे घरा री देखभाल करहे, होर दूजेया पर दया करहे, होर आपणे-आपणे लाड़े रे अधीन रहे, ताकि कोई भी परमेसरा रे बचना री निंदा नी करहे।

1 पतरस 2:12

तुस्सा रे ओरे परे रैहणे वाले लोक जो परमेसरा पर विस्वास नी करदे बोली सके कि तुस्सा रे काम बुरे। एह्ड़ी खरी जिन्दगी जीया ताकि स्यों तुस्सा रे भले कामा जो देखी किन्हें मसीह रे दबारा वापस आऊणें रे ध्याड़े परमेसरा जो महिमा दे।

1 पतरस 3:16

ताकि तुस्सा री अंतरात्मा तुस्सा जो दोस नी लगाए। जेबे लोका देखणा कि तुस्से सही काम करहे, क्यूंकि तुस्से मसीह रे लोक ऐे; तेबे तिन्हा तुस्सा रे बरखलाफ बुरी गल्ला बोलणे री वजहा ले सर्मिन्दा हूंणा।